பற்கள் பளிச்சென்று வெண்மையாக மாற டிப்ஸ்: வெள்ளை மற்றும் பளபளப்பான பற்கள் சுதந்திரமாக சிரிக்க முக்கிய பங்கு வகிக்கிறது. மஞ்சள் பற்கள் பார்ப்பதற்கு மோசமானது மட்டுமல்ல, அவை துர்நாற்றம் வீசுவதோடு, பாக்டீரியாக்களின் வளர்ச்சியும் பற்களை சேதப்படுத்தும். அத்தகைய சூழ்நிலையில், பற்களை சரியாக சுத்தம் செய்வது மிகவும் முக்கியமாகும். எனவே பற்களின் மஞ்சள் நிறத்தைப் போக்கி பற்களை வெண்மையாக்குவது எப்படி என்பதை இங்கே தெரிந்து கொள்ளுங்கள். இங்கே குறிப்பிடப்பட்டுள்ள வீட்டு வைத்தியங்களை முயற்சி செய்வது எளிதானது மற்றும் அது பயனுள்ளதாக இருக்கும்.
பற்கள் மஞ்சளா இருக்க என்ன காரணம்?
பொதுவாக பற்கள் மஞ்சளாக காணப்படுவதற்கு வயது, பரம்பரை காரணிகள், முறையற்ற பல் பராமரிப்பு, அதிக அளவில் டீ மற்றும் காபி குடிப்பது, சிகரெட் பிடிப்பது போன்றவைகளே காரணங்களாகும்.
மஞ்சள் பற்களை சுத்தம் செய்ய வீட்டு வைத்தியம் | Home Remedies To Clean Yellow Teeth
பேக்கிங் சோடா மற்றும் எலுமிச்சை
பேக்கிங் சோடா மற்றும் எலுமிச்சை சாறு கலந்து பற்களை தேய்த்தால் பற்கள் பிரகாசமாகும். இந்த இரண்டு பொருட்களையும் சேர்த்து பற்களில் தடவினால், பற்களின் மஞ்சள் நிறம் நீங்கி, பற்கள் பளபளப்பாக இருக்கும். இருப்பினும், நீங்கள் அவற்றை பற்களில் அதிகமாகப் பயன்படுத்தக்கூடாது என்பதை நினைவில் கொள்ளுங்கள், இல்லையெனில் பற்களின் வெளிப்புற அடுக்கு சேதமடையும்.
மேலும் படிக்க | கொலஸ்ட்ரால் அளவை உடனடியாக கட்டுப்படுத்த.. இந்த 5 உணவுகள் உதவும்
பழங்கள்
பற்களின் மஞ்சள் நிறத்தைப் போக்க சில பழங்களை பற்களில் தேய்த்து வரலாம். இந்தப் பழங்களின் இயற்கையான பண்புகள் பற்களுக்குப் பளபளப்பைக் கொடுக்கிறது. ஸ்ட்ராபெர்ரி, பப்பாளி, அன்னாசி போன்ற பழங்கள் பற்களை சுத்தம் செய்ய பற்களில் தேய்க்கலாம். இது தவிர, வாழைப்பழத்தோல் மற்றும் ஆரஞ்சுத்தோலும் பற்களை சுத்தம் செய்வதில் விளைவைக் காட்டுகின்றன.
ஆயில் புல்லிங்
ஆயில் புல்லிங் என்றால் வாயில் எண்ணெயை வைத்து கொப்பளிப்பது. ஆயில் புல்லிங் செய்வதால் பற்களுக்கு இடையே படிந்திருக்கும் மஞ்சள் நிறமும் போய்விடும். ஆயில் புல்லிங் செய்வதற்கு தேங்காய் எண்ணெய் சிறந்ததாக கருதப்படுகிறது. இது மஞ்சள் பற்களின் பிரச்சனையை நீக்குவது மட்டுமின்றி, பல் சொத்தையை குணப்படுத்தும் உதவுகிறது.
வேப்பங்குச்சி
இது நிச்சயமாக மிகவும் பழமையான முறையாகும், ஆனால் இது பயனுள்ளதாக இருக்கும். தினமும் காலையில் வேப்பங்குச்சி கொண்டு பற்களை சுத்தம் செய்யலாம். வேப்பங்குச்சி இல்லையென்றால், வேம்பு இருக்கும் டூத்பேஸ்ட் அல்லது வேம்பு இருக்கும் பொடியைக் கொண்டு பற்களை சுத்தம் செய்யலாம்.
ஆப்பிள் வினிகர்
ஒரு கப் தண்ணீரில் அரை டீஸ்பூன் ஆப்பிள் சைடர் வினிகரை கலந்து, பிரஷ் மூலம் பற்களில் தேய்க்கவும். படிப்படியாக, உங்கள் பற்களின் மஞ்சள் நிறம் மறைந்துவிடும். இதில் உள்ள அமில கூறுகள் பற்களை வெண்மையாக வைத்திருக்கும். தண்ணீர் இல்லாமல் கண்டிப்பாக பயன்படுத்தி விடாதீர்கள். இந்த முறையை ஒரு நாளைக்கு ஒரு முறை மட்டுமே பயன்படுத்த வேண்டும் என்பதை நினைவில் கொள்ளுங்கள்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.)
மேலும் படிக்க | உருளைக்கிழங்கு ஆரோக்கியமானதா இல்லையா? சாப்பிட்டால் என்ன நடக்கும் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
