ஜனதா தளம் (மதச்சார்பற்ற) தலைவரும், முன்னாள் பிரதமருமான எச்.டி.தேவேகவுடா ஞாயிற்றுக்கிழமை மாநிலங்களவை தேர்தலில் போட்டியிடலாம் என்ற செய்திகளை நிராகரித்ததாக தகவல்கள் வெளியாகியுள்ளது.
“எனக்கு மாநிலங்களவை செல்ல விருப்பமில்லை. கட்சியைக் கட்டமைத்து பலப்படுத்துவதே எனது கவலை. நான் இனி தேர்தலில் போட்டியிட மாட்டேன் என்று முன்பே அறிவித்திருந்தேன்,” என்று கவுடா செய்தி நிறுவனமான ANI-க்கு தெரிவித்துள்ளார்.
ராஜீவ் கவுடா மற்றும் காங்கிரசின் பி.கே.ஹரி பிரசாத், பாரதீய ஜனதா கட்சியின் பிரபாகர் கோரே மற்றும் ஜே.டி (எஸ்) இன் டி குபேந்திர ரெட்டி ஆகியோர் ஓய்வு பெற்றதை அடுத்து கர்நாடகாவைச் சேர்ந்த நான்கு மாநிலங்களவை இடங்கள் ஜூன் மாதத்தில் காலியாக உள்ளன.
கவுடா மீண்டும் நாடாளுமன்றத்திற்குள் நுழைவதற்கான வாய்ப்பு இது என்று கட்சியின் மூத்த நிர்வாகிகள் வாரத்தின் தொடக்கத்தில் கூறியிருந்தனர்.
கட்சியின் செய்தித் தொடர்பாளர் தன்வீர் அகமது உல்லா சமீபத்தில் ஜே.டி (எஸ்) தேசிய செயற்குழு கூட்டத்தில் பேசியபோது, தேர்தலில் போட்டியிட முன்னாள் பிரதமரிடம் கோரிக்கை விடுத்ததாக குறிப்பிட்டார்.
இதுகுறித்து உல்லா தெரிவிக்கையில்., "கூடுதல் வாக்குகளைப் பெறுவது எங்கள் வேட்பாளராக அவருக்கு ஒரு சவாலாக இருக்காது. அரசியல் ஸ்பெக்ட்ரம் முழுவதும் உள்ள அனைவரும் தேவேகவுடா ஜியை மதிக்கிறார்கள். கர்நாடகாவுக்கு மையத்தில் ஒரு வலுவான குரல் தேவை,” என்று குறிப்பிட்டார்.
அதே நேரத்தில், பெயர் குறிப்பிட விரும்பாத மற்றொரு ஜே.டி (எஸ்) தலைவர், கவுடா போட்டியிட தயங்குகிறார் என்று தெரிவித்துள்ளார். எவ்வாறாயினும், "கர்நாடகாவின் நலன்களைப் பாதுகாக்க" கட்சிக்கும் மாநிலத்திற்கும் பாராளுமன்றத்தில் அவரது குரல் கேட்கப்பட வேண்டும் என்று அவர் கூறினார்.
முன்னதாக நடந்து முடிந்த மக்களவை தேர்தலில் அவர் தும்குரு மக்களவைத் தொகுதியில் இருந்து போட்டியிட்டார். இத்தேர்தலில் ரேவண்ணா வென்றபோது, கவுடா சுமார் 13,000 வாக்குகள் வித்தியாசத்தில் பாஜக-வின் ஜி.எஸ். பசவராஜிடம் தோற்றார்.
மாநில மக்களவைத் தேர்தலில் பாஜக 28 இடங்களில் 25 இடங்களையும், கட்சியின் ஆதரவுடன் ஒரு சுயேட்சையும் வென்றதால் மிகப்பெரிய வித்தியாசத்தில் வெற்றி பெற்றது. காங்கிரஸ் மற்றும் ஜே.டி (எஸ்) தலா ஒரு இடமாகக் குறைக்கப்பட்டன என்பது குறிப்பிடத்தக்கது.
