கொரோனா வைரஸ் தொற்றுநோய் பரவலின் போது, சாலையோர வியாபாரிகள் அதிகம் பேர் பெரும் பாதிப்பிற்கு உள்ளானார்கள். லாக்டவுன் சமயத்தில், அவர்கள் வணிகம் மிகவும் சரிந்தது.
சாலை விபாபாரிகள் மற்றும் விற்பனையாளர்களின் வாழ்க்கையில் ஒரு பெரிய மாற்றத்தை ஏற்படுத்தும் வகையில், பிரதமர் நரேந்திர மோடி (PM Narendra Modi) வீடியோ கான்பரென்சிங் மூலம் 3 லட்சம் தெருவோர விற்பனையாளர்களுக்கு பிரதமர் ஸ்வநிதி திட்டத்தின் கீழ், கடன் வழங்கி, பயனாளிகளிடம் உரையாடுவார்.
இந்த திட்டத்தின் கீழ் கடன் பெற நாட்டில் அதிகபட்சமாக, உத்தரப்பிரதேசத்திலிருந்து (Uttarpradesh) இதுவரை 557,000 விண்ணப்பங்கள் வந்துள்ளன. பிரதமர் ஸ்வநிதி திட்டத்தின்(PM SVANidhi Scheme) கீழ், கொரோனாவினால் வாயாரத்தில் பெரும் இழப்பை சந்தித்துள்ள சாலையோர வியாபாரிகள், தங்கள் சொந்த தொழிலைத் தொடங்க அரசாங்கம் உதவும். இதன் மூலம், தெரு விற்பனையாளர்கள் எந்தவித தாமதமும் இன்றி தங்கள் தொழிலை மீண்டும் தொடங்க முடியும்.
மேலும் படிக்க | Good News: கிரெடிட் கார்டுகளுக்கும் வட்டிக்கு வட்டி தள்ளுபடி திட்டம் பொருந்தும்..!!!
பிரதமர் ஸ்வநிதி திட்டம் (PM SVANidhi Scheme) என்றால் என்ன
1. சாலையோர மற்றும் தெருவோரம் வியாபாரம் நடத்துபவர்களுக்கு இந்த கடன் வழங்கப்படும்
2. இந்த பிரிவில் பழம்-காய்கறி, சலவை, சலூன் மற்றும் பான் கடைகளும் என அனைத்தும் அடங்கும்.
3. இந்த திட்டம் 50 லட்சம் தெரு விற்பனையாளர்களுக்கு பயனளிக்கும் என மதிப்பிடப்பட்டுள்ளது
4. இந்த திட்டத்தின் கீழ், சாலையோர வணிகர்கள் ரூ .10,000 வரை கடன் பெறலாம்.
5. தெரு வியாபாரிகள் 1 வருடத்திற்குள் இந்தத் தொகையை தவணைகளில் திருப்பித் தரலாம்.
6. கடன் விதிமுறைகள் மிகவும் எளிமையானதாக இருக்கும், எந்த உத்தரவாதமும் தேவையில்லை.
7. கடனை சரியான நேரத்தில் திருப்பிச் செலுத்துபவர்களுக்கு 7% வருடாந்திர வட்டி மானியமும் வழங்கப்படும்.
8. இந்த திட்டத்தின் கீழ் அபராதம் எதுவும் விதிக்கப்படாது.
தெரு விற்பனையாளர்களுக்காக தொடங்கப்பட்ட இந்த திட்டத்திற்கு ரூ .5000 கோடி தொகைக்கு அரசு ஒப்புதல் அளித்துள்ளது. இந்த கடனை மொபைல் செயலி மற்றும் வலைதள போர்டல் மூலம் பெறலாம். இதில் கடன் பெறுபவர்களுக்கு கேஷ் பேக் சலுகையும் கிடைக்கும்.
மேலும் படிக்க | தெரு வியாபாரிகளுக்கு மத்திய அரசும், அரசு வங்கியும் வழங்கும் அசத்தல் கடன் திட்டம்..!!
