ஓய்வூதியம்: பழைய ஓய்வூதியத் திட்டம் தொடர்பாக நாடு முழுவதும் பெரும் பரபரப்பு நிலவுகிறது. பழைய ஓய்வூதியத் திட்டம் பல மாநில அரசுகளால் மீண்டும் அமல்படுத்தப்பட்டுள்ளது. இதற்கிடையில், இமாச்சல பிரதேச அரசு இறுதியாக ஏப்ரல் 1 முதல் தேசிய ஓய்வூதியத் திட்டத்திற்குப் பதிலாக பழைய ஓய்வூதியத் திட்டத்திற்கு திரும்பியுள்ளது. முன்னதாக 2022 சட்டமன்றத் தேர்தலின் போது பழைய ஓய்வூதியத் திட்டத்திற்கு திரும்புவோம் என்று காங்கிரஸ் கட்சி வாக்குறுதி அளித்திருந்தது.
பழைய ஓய்வூதிய திட்டம்
இது தொடர்பான அறிவிப்பு ஏற்கனவே இமாச்சல பிரதேச தலைமைச் செயலாளர் பிரபோத் சக்சேனா மூலம் வெளியிடப்பட்டது. அந்த வகையில் அறிவிப்பின் படி “சிசிஎஸ் (ஓய்வூதியம்) விதிகள் 1972ன் கீழ் பழைய ஓய்வூதியத் திட்டத்தை அமல்படுத்துவதற்கான அமைச்சரவையின் முடிவைக் கருத்தில் கொண்டு, தேசிய ஓய்வூதியத் திட்டத்தின் கீழ் உள்ள மாநில அரசு ஊழியர்களின் பங்களிப்பு ஏப்ரல் 1, 2023 முதல் நிறுத்தப்படும் என்று மாநில அரசு முடிவு செய்துள்ளது."
மேலும் படிக்க | அசத்தல்.. நாடு முழுவதும் இன்று முதல் புதிய ரேஷன் விதி அமல், அரசு ஜாக்பாட் உத்தரவு
ஓய்வூதியம்
இந்த நடவடிக்கையானது ஓய்வுபெற்ற மற்றும் பணியாற்றும் ஊழியர்கள் மற்றும் 20 ஆண்டுகளுக்கு மேல் பணிபுரியும் ஊழியர்களுக்கு பயனளிக்கும். அதே சமயம், இந்த நடவடிக்கையால் கருவூலத்துக்கு 1000 கோடி ரூபாய் சுமை ஏற்பட வாய்ப்புள்ளது. இந்த ஆண்டின் தொடக்கத்தில், இமாச்சலப் பிரதேச அரசு பழைய ஓய்வூதியத் திட்டத்தை மீட்டெடுக்க முடிவு செய்த பின்னர், அமைச்சரவைக் கூட்டத்திற்குப் பிறகு முதல்வர் சுக்விந்தர் சிங் சுகு கூறியாதாவது, “அனைவருக்கும் சமூகப் பாதுகாப்பை வழங்குவதே அரசின் நோக்கம். சமூக பாதுகாப்பு மற்றும் மனிதாபிமானம் என்ற கண்ணோட்டத்தில் பழைய ஓய்வூதியத் திட்டத்தை செயல்படுத்த முடிவு செய்துள்ளோம் என்றார்.
புதிய ஓய்வூதியத் திட்டம் Vs பழைய ஓய்வூதியத் திட்டம்
பழைய ஓய்வூதியத் திட்டம் ஊழியர் கடைசியாகப் பெறும் ஊதியத்தை அடிப்படையாகக் கொண்டது. அதேசமயம் என்பிஎஸ் என்பது பங்களிப்பு ஓய்வூதிய அமைப்பு என்று அழைக்கப்படுகிறது. பழைய ஓய்வூதியத் திட்டத்தின்படி, பணி ஓய்வுக்குப் பிறகு கடைசியாகப் பெற்ற சம்பளத்தில் 50 சதவீதத்தை ஓய்வூதியமாகப் பெறலாம். அதேசமயம் புதிய ஓய்வூதியத் திட்டத்தில், 60% ஓய்வூதியச் செல்வத்தை திரும்பப் பெறலாம். இரண்டுக்கும் 1 லட்சம் ரூபாய் வரையிலான முதலீட்டில் வரிச் சலுகைகள் உள்ளன. புதிய ஓய்வூதியத் திட்டத்தில் கூடுதல் கட்டணம் வசூலிக்கப்படுகிறது.
மேலும் படிக்க | பங்குச் சந்தையில் ஆயிரத்தை கோடிகளாக்க ‘சில’ டிப்ஸ்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
