സൗഹൃദങ്ങൾ അത് ഓരോരുത്തർക്കും ഓരോ രീതിയിലാണ്. മനുഷ്യരുടെ സൗഹൃദങ്ങൾ, മൃഗങ്ങൾ തമ്മിലുള്ള സൗഹൃദം, മനുഷ്യനും മൃഗവും തമ്മിലുള്ള സൗഹൃദം അങ്ങനെ എല്ലാം വ്യത്യസ്തമാണ്. ഓരോരുത്തർക്കും സൗഹൃദത്തിന്റെ നിർവചനം ചിലപ്പോൾ വ്യത്യസ്തമായിരിക്കും. പക്ഷേ തങ്ങളുടെ സൗഹൃദം എല്ലാവർക്കും വളരെ വിലപ്പെട്ടതാണ്. മൃഗങ്ങളുടെ സൗഹൃദം കാണിക്കുന്ന വീഡിയോകൾ കാണാറുണ്ട് നമ്മൾ. അത്തരത്തിലൊരു വീഡിയോ ആണ് ഇപ്പോൾ വൈറലാകുന്നത്.
ഒരു പൂവൻകോഴിയും പൂച്ചയും ചേർന്നുള്ള വീഡിയോ ആണിത്. സൗഹൃദം എന്ന വാക്ക് തന്നെ ഇവിടെ ഉപയോഗിക്കാം. പൂവൻകോഴിയുടെ പുറത്ത് ചാടിക്കയറിയിരുന്ന് പോകുന്ന പൂച്ചയുടെ വീഡിയോ ആണ് കാണാനാകുന്നത്. കോഴിയുടെ പുറത്ത് കയറാൻ ശ്രമിക്കുന്നതാണ് ആദ്യം വീഡിയോയിലുള്ളത്. പിന്നീട് അതിന്റെ പുറത്തിരിക്കുകയും അൽപ നേരം പൂച്ചയെ പുറത്ത് വച്ച് പൂവൻകോഴി നടക്കുന്നതും കാണാം. ശേഷം പൂച്ചയെ താഴെയിറക്കുന്ന വരെയാണ് വീഡിയോ.
Also Read: Viral Video: വഴിമാറെടാ മുണ്ടയ്ക്കൽ ശേഖര ! നടുറോഡിൽ 'ഫെരാരി'യുടെ പരാക്രമം
discover animal എന്ന ഇൻസ്റ്റാഗ്രാം പേജിലാണ് ഈ വീഡിയോ പങ്ക് വച്ചിരിക്കുന്നത്. വീഡിയോയെ അനുകൂലിച്ചും പ്രതികൂലിച്ചും ആളുകൾ കമന്റ് ചെയ്തിട്ടുണ്ട്. വീഡിയോയ്ക്ക് വേണ്ടി മനപൂർവം പൂച്ചയെ കോവിയുടെ പുറത്ത് കയറ്റിയതാണ് എന്നാണ് കമന്റുകളിലൂടെ അളുകൾ പറയുന്നത്. ചിലർ പോസിറ്റീവായും പ്രതികരിച്ചിട്ടുണ്ട്. നിരവധി പേർ ഈ വീഡിയോ ലൈക്ക് ചെയ്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
