സാംസങിൻറെ പുത്തൻ സ്മാർട്ട്ഫോൺ Galaxy F54 5G ഇന്ത്യയിൽ അവതരിപ്പിച്ചു. പുതിയ ഫോണിന് 108എംപി ക്യാമറ, 6,000എംഎഎച്ച് ബാറ്ററി, 6.7 ഇഞ്ച് sAMOLED+ ഡിസ്പ്ലേ എന്നിവ ലഭിക്കുന്നു. 27,999 രൂപയാണ് Galaxy F54 5G യുടെ വില ഇത് Flipkart, Samsung.com എന്നിവയിലും തിരഞ്ഞെടുത്ത റീട്ടെയിൽ സ്റ്റോറുകളിലും ലഭ്യമാകും. മെറ്റിയർ ബ്ലൂ, സ്റ്റാർഡസ്റ്റ് സിൽവർ എന്നിങ്ങനെ
രണ്ട് നിറങ്ങളിൽ ഫോൺ ലഭ്യമാണ്.
Galaxy F54 ൻറെ പ്രൈമറി ക്യാമറ 108 MPയാണ്. കൂടാതെ, 8 എംപി അൾട്രാ വൈഡ് ലെൻസ്, 2 എംപി മാക്രോ ലെൻസ്, 32 എംപി സെൽഫി ക്യാമറ എന്നിവ ഫോണിന്റെ സവിശേഷതകളാണ്. ഉപകരണം ഇതിൽ നൈറ്റ് മോഡും ഓട്ടോ നൈറ്റ് മോഡും ലഭിക്കുന്നുണ്ട്. ആസ്ട്രോലാപ്സ് ഫീച്ചറും ഇതിൽ ഉൾപ്പെടുത്തിയിട്ടുണ്ട്.
ALSO READ: വെറും 329 രൂപക്ക് പ്രതിമാസം 1000GB, ബിഎസ്എൻഎൽ ഞെട്ടിച്ചു കളഞ്ഞു
ഗാലക്‌സി എഫ് 54 5 ജിക്ക് 6.7 ഇഞ്ച് സാമോലെഡ് + 120 ഹെർട്‌സ് ഡിസ്‌പ്ലേയാണുള്ളത്. ചുറ്റുപാടുകളുടെ പ്രകാശ തീവ്രത കണക്കിലെടുത്ത് ഡിസ്പ്ലേ ദൃശ്യപരത വർദ്ധിപ്പിക്കുന്ന വിഷൻ ബൂസ്റ്ററും സ്മാർട്ട്ഫോണിൽ ഉൾപ്പെടുന്നു.
സാധാരണ ബാറ്ററി ലൈഫ് ആശങ്ക പരിഹരിക്കുന്നതിനായി, സാംസങ് ഗാലക്‌സി എഫ് 54 5 ജിയിൽ 6000 എംഎഎച്ച് ബാറ്ററി സജ്ജീകരിച്ചിരിക്കുന്നു. 25W ഫാസ്റ്റ് ചാർജിംഗ് ഫീച്ചറാണ് ഫോണിന് ലഭിക്കുന്നത്.5G, Wi-Fi 6 കണക്റ്റിവിറ്റിയുള്ള Exynos 1380 5nm പ്രോസസറാണ് സ്മാർട്ട്‌ഫോണിന് കരുത്ത് പകരുന്നത്.
Galaxy F54 5Gക്ക് വോയ്‌സ് ഫോക്കസ് സവിശേഷതയും ഉൾക്കൊള്ളുന്നു, വോയ്‌സ്, വീഡിയോ കോളുകൾക്കിടയിലുള്ള പശ്ചാത്തല ശബ്‌ദം കുറയ്ക്കുന്നു. ഇത് വൺ യുഐ 5.1-ൽ പ്രവർത്തിക്കുന്നു. നാല് തലമുറ വരെ OS അപ്‌ഡേറ്റുകളും അഞ്ച് വർഷം വരെ സുരക്ഷാ അപ്‌ഡേറ്റുകളും വാഗ്ദാനം ചെയ്യുമെന്ന് സാംസങ് സ്ഥിരീകരിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
