തമിഴ്നാട് മുൻ മുഖ്യമന്ത്രിയും നടിയുമായിരുന്ന ജയലളിതയുടെ ജീവിതം പറയുന്ന തമിഴ് ചിത്രം തലൈവി സെപ്റ്റംബർ 10ന് തീയേറ്റർ റിലീസിനെത്തുന്നു. തമിഴ്, തെലുങ്ക്, ഹിന്ദി ഭാഷകളിലാണ് ചിത്രം റിലീസിനൊരുങ്ങന്നത്. എ എൽ വിജയ് ആണ് ചിത്രം സംവിധാനം ചെയ്യുന്നത്.
ബോളിവുഡ് താരവും ദേശീയ പുരസ്കാര ജേതാവുമായ കങ്കണ റണാവത്താണ് ജയലളിതയുടെ വേഷത്തിലെത്തുന്നത്. ചിത്രത്തിന്റെ ട്രെയ്ലറിനും സോങ് ടീസറിനും മികച്ച സ്വീകാര്യതയാണ് ലഭിച്ചത്.
ചിത്രത്തിൽ അരവിന്ദ് സ്വാമിയാണ് മുൻ മുഖ്യമന്ത്രിയും നടനുമായിരുന്ന എംജിആറിന്റെ റോളിലെത്തുന്നത്.
കരുണാനിധിയുടെ റോളില്‍ എത്തുന്നത് നാസര്‍ ആണ്. ഭാഗ്യശ്രീ, സമുദ്രക്കനി, രാജ് അര്‍ജുന്‍, മധുബാല, തമ്പി രാമയ്യ, പൂര്‍ണ്ണ, ഭരത് റെഡ്ഡി തുടങ്ങി വലിയ താരനിരയും അണിനിരക്കുന്നുണ്ട് ചിത്രത്തില്‍.
കങ്കണ റണാവത്ത് ഈ ചിത്രത്തിനായി ശരീരഭാരം വർധിപ്പിച്ചിരുന്നു. നിരവധി പ്രശ്‌നങ്ങള്‍ക്ക് ശേഷം തിയേറ്ററുകളില്‍ റിലീസ് ചെയ്യാന്‍ തീരുമാനിച്ച ചിത്രത്തിനായി കാത്തിരിക്കുകയാണ് സിനിമാ പ്രേമികള്‍
