Mars Transit: ജ്യോതിഷ പ്രകാരം, ആഗസ്റ്റ്‌ 18 ന് ഉച്ചകഴിഞ്ഞ് 3.55 ന്, ചൊവ്വ ബുധന്‍റെ രാശിയായ കന്നിയിൽ സംക്രമിച്ചു. ഒക്ടോബർ 3 ന് വൈകുന്നേരം 6 മണി വരെ ചൊവ്വ ഈ രാശിയിൽ തുടരും. ശേഷം ചൊവ്വ തുലാം രാശിയിൽ പ്രവേശിക്കും.
ഒരു വ്യക്തിയുടെ ജാതകത്തിൽ ചൊവ്വ ശുഭഭാവത്തിൽ നില്ക്കുമ്പോൾ ആ വ്യക്തിക്ക് ശുഭഫലങ്ങൾ ലഭിക്കുമെന്നാണ് ജ്യോതിഷത്തില്‍ പറയുന്നത്. കൂടാതെ, വ്യക്തി ശക്തനും ധീരനുമായിത്തീരുന്നു. അതായത്, ധൈര്യം, ധീരത, ദാമ്പത്യം, സന്തോഷം, ഭൂമി എന്നിവയുടെ ദാതാവായാണ് ചൊവ്വയെ കണക്കാക്കുന്നത്. നേരെമറിച്ച്, ചൊവ്വ അശുഭമായിരിക്കുമ്പോൾ, ആ വ്യക്തിയുടെ ജീവിതത്തില്‍ അശുഭ കാര്യങ്ങള്‍ ആവും സംഭവിക്കുക. ഇത്, സമൂഹത്തിന് എതിരായ കാര്യങ്ങൾ ചെയ്യാൻപോലും ഒരു വ്യക്തിയെ പ്രേരിപ്പിക്കുന്നു. ഏതൊക്കെ രാശിക്കാർക്കാണ് ഈ കാലയളവിൽ കൂടുതൽ ശുഭ ഫലങ്ങള്‍ ലഭിക്കാൻ പോകുന്നതെന്ന് അറിയാം.
മേടം ( Aries Zodiac Sign) ജ്യോതിഷ പ്രകാരം, ചൊവ്വയുടെ സംക്രമണം മേടം രാശിക്കാർക്ക് വളരെ ശുഭകരമായി കണക്കാക്കപ്പെടുന്നു. ഈ സമയത്ത് ഈ രാശിക്കാര്‍ സാമ്പത്തിക മേഖലയിൽ വളരെ ഉയര്‍ച്ച നേടും. കോടതിയുമായി ബന്ധപ്പെട്ട കാര്യങ്ങളിലും വിജയം നേടുവാന്‍ സാധിക്കും. ഈ കാലയളവിൽ ഈ രാശിക്കാര്‍ ശത്രുക്കളുടെമേൽ ആധിപത്യം സ്ഥാപിക്കും. ഈ സമയത്ത് ഈ രാശിക്കാര്‍ ശ്രദ്ധിക്കേണ്ട കാര്യം കോപം നിയന്ത്രിക്കുക, സംസാരം നിയന്ത്രിക്കുക എന്നതാണ്.
മിഥുനം (Gemini Zodiac Sign) ഈ രാശിക്കാർക്ക് ചൊവ്വയുടെ സംക്രമം വളരെ ഫലപ്രദമാകും. ഈ രാശിക്കാര്‍ ബിസിനസില്‍ വളരെ ഉയര്‍ച്ച നേടും. സാമ്പത്തിക മേഖലയിലും വ്യക്തിക്ക് വിജയം നേടാനുള്ള അവസരങ്ങള്‍ ഉണ്ടാകും. ഈ സമയത്ത്, ജോലിസ്ഥലത്ത് പുതിയ ഉത്തരവാദിത്തം ലഭിക്കും, അത് ഭാവിയില്‍ ഏറെ പ്രയോജനകരമാണെന്ന് തെളിയിക്കും. ബിസിനസ് വർധിപ്പിക്കാനും മറ്റും ആലോചിക്കുന്നുണ്ടെങ്കിൽ ഈ സമയം വളരെ അനുകൂലമാണ്.
കർക്കിടകം രാശി (Cancer Zodiac Sign) ഒക്ടോബർ 3 വരെയുള്ള സമയം അതായത്, ചൊവ്വയുടെ സംക്രമണം കർക്കിടക രാശിക്കാർക്ക് അതീവ ശുഭകരമായിരിക്കും. ചൊവ്വയുടെ സംക്രമണം ഈ രാശിക്കാരില്‍ പുതിയ ഊർജ്ജവും ധൈര്യവും ആത്മവിശ്വാസവും നല്‍കും. ഈ രാശിക്കാര്‍ സ്വതവേ ആശയവിനിമയത്തിൽ പ്രാവീണ്യമുള്ളവര്‍ ആയിരിയ്ക്കും. ഇത് ഇവരെ പ്രശ്നങ്ങളെ നിർഭയം നേരിടാനും വിജയം നേടാനും സഹായിയ്ക്കും. മാധ്യമങ്ങൾ, അഭിഭാഷകർ, എഴുത്ത് എന്നിവയുമായി ബന്ധപ്പെട്ട ആളുകൾക്ക് ഈ സമയം വളരെ ശുഭകരമാണ്.
വൃശ്ചികം ( Scorpio Zodiac Sign) വൃശ്ചിക രാശിക്കാർക്ക് ചൊവ്വയുടെ സംക്രമം ഏറെ ശുഭകരമായിരിക്കും. ശക്തമായ ഒരു നെറ്റ്‌വർക്ക് ഉണ്ടാക്കിയെടുക്കാന്‍ നിങ്ങൾക്ക് കഴിയും. എതിരാളികളെ പരാജയപ്പെടുത്തും. വായ്പയെടുക്കാൻ പ്ലാന്‍ ചെയ്യുന്നുണ്ട് എങ്കില്‍ അത് നിങ്ങള്‍ക്ക് ലഭിക്കും, ശാരീരിക അസ്വസ്ഥതയില്‍ നിന്ന് നിങ്ങള്‍ക്ക് മോചനം ലഭിക്കും. ഈ സമയം ആരോഗ്യനിലയില്‍ ലഭിക്കുന്ന പുരോഗതി വലിയ ആശ്വാസം നൽകും. ഒപ്പം അവിചാരിതമായി ലഭിക്കുന്ന പണം ഗുണം ചെയ്യും. പിതാവിന്‍റെ പൂർണ പിന്തുണ ലഭിക്കും. ആഗ്രഹങ്ങൾ സഫലമാകാൻ സാധ്യതയുണ്ട്.
ധനു (Sagittarius Zodiac Sign) ഈ രാശിക്കാർക്ക് ചൊവ്വ സംക്രമം വളരെ ശുഭകരമായിരിക്കും. ഈ സമയത്ത് തൊഴിൽ മേഖലയിൽ പ്രത്യേക നേട്ടങ്ങൾ ഉണ്ടാകും. വളർച്ചയ്ക്ക് പുതിയ അവസരങ്ങൾ ഉണ്ടാകും. ജോലിയിൽ പുതിയ അവസരങ്ങൾ തേടുന്നവർക്ക് ഈ കാലയളവിൽ ഗുണം ലഭിക്കും. ഈ കാലയളവിൽ ആത്മവിശ്വാസം വർദ്ധിക്കും. ഈ സമയത്ത് രക്ഷിതാക്കളുടെ പൂർണ സഹകരണം ലഭിക്കും. വിദേശത്ത് ജോലി ആഗ്രഹിക്കുന്നവര്‍ക്ക് അത് ലഭിക്കും. ഇത് അവരുടെ കരിയറിലെ ഒരു വലിയ നാഴികക്കല്ലായി മാറും. (നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS അത് സ്ഥിരീകരിക്കുന്നില്ല.)
