ഇന്ത്യൻ ക്രിക്കറ്റ് താരം അക്സർ പട്ടേൽ വിവാഹിതനായി. മേഹ പട്ടേൽ ആണ് വധു. വ്യാഴാഴ്ച വഡോദരയിൽ വെച്ചായിരുന്നു വിവാഹം.
ആരാധകർ പങ്കുവെച്ച വിവാഹത്തിന്റെ വീഡിയോകളും ചിത്രങ്ങളും സോഷ്യൽ മീഡിയയിൽ വൈറലാണ്.
ഇപ്പോഴിത അക്സർ പട്ടേലും ചിത്രങ്ങൾ പങ്കുവെച്ചു.
എന്റെ ഉറ്റ സുഹൃത്തിനെ വിവാഹം കഴിച്ചു, ഞങ്ങളുടെ ജീവിതത്തിലെ ഏറ്റവും മാജിക്കലായിട്ടുള്ള ദിനമായിരുന്നു ഇത്. ഈ ദിവസം കൂടുതൽ സവിശേഷമാക്കിയതിന് ഞങ്ങളുടെ എല്ലാ കുടുംബാംഗങ്ങൾക്കും സുഹൃത്തുക്കൾക്കും നന്ദി. - എന്നാണ് അക്സർ പട്ടേൽ ചിത്രങ്ങൾ പങ്കിട്ടു കൊണ്ട് കുറിച്ചത്.
വധു മേഹ പട്ടേലും വിവാഹ ചിത്രങ്ങളും വീഡിയോയും പങ്കുവെച്ചിട്ടുണ്ട്.
വിവാഹത്തിന് മുന്നോടിയായി ന്യൂസിലൻഡിനെതിരായ ഏകദിന പരമ്പര ഓൾറൗണ്ടർ ഒഴിവാക്കിയിരുന്നു.
