ബുന്ദെസ് ലിഗയിൽ തുടർച്ചയായി 9-ാം തവണ മുത്തമിട്ട് ബയൺ മ്യൂണിക്ക്. നാല് മത്സരം ബാക്കി നിൽക്കവെയാണ് ബയൺ 30-ാം തവണ ജർമനിയുടെ ചാമ്പ്യൻമാരാകുന്നത്.
ഇന്നലെ നടന്ന മത്സരത്തിൽ ബൊറൂസിയ മൊഞ്ചൻഗ്ലാഡ്ബാക്കിനെ എതിരില്ലാത്ത ആറ് ഗോളിന് തകർത്ത് രാജകീയമായിട്ടാണ് ബയൺ 2020-21 ജർമൻ ലീഗ് സ്വന്തമാക്കുന്നത്.
മത്സരത്തിൽ പോളിഷ് താരം റോബർട്ട് ലവൻഡോവ്സ്കി ഹാട്രിക് നേടുകയും ചെയ്തു.
32 മത്സരങ്ങളിൽ 74 പോയിന്റുകളുമായിട്ടാണ് ബയൺ കിരീടം ഉറപ്പിച്ചത്.
രണ്ടാം സ്ഥാനത്തുള്ള ആർ ബി ലെയ്പ്സിഗുമായി പത്ത് പോയിന്റ് വ്യത്യാസത്തിലാണ് ബയണിന്റെ കിരീടം നേട്ടം.
