റിലീസിന് മുൻപ് തന്നെ വലിയ ഹൈപ്പ് നേടിയിരിക്കുന്ന ചിത്രമാണ് ലോകേഷ് കനകരാജ് ഒരുക്കുന്ന ലിയോ. വിജയ് ആരാധകരുടെ കാത്തിരിപ്പുകൾ കൂട്ടുകയാണ് ചിത്രത്തെ കുറിച്ചുള്ള ഓരോ അപ്ഡേറ്റും. അടുത്തിടെ ചിത്രത്തിന്റെ വിദേശ വിതരണാവകാശം മിഡിൽ ഈസ്റ്റിലെ ജനപ്രിയ വിതരണ കമ്പനിയായ ഫാർസ് ഫിലിം സ്വന്തമാക്കിയിരുന്നു. ഈ അപ്ഡേറ്റ് വാർത്തകളിൽ ഏറെ ഇടംനേടിയിരുന്നു. ചിത്രത്തിന്റെ കേരളത്തിലെ വിതരണാവകാശം സ്വന്തമാക്കിയിരിക്കുന്നത് ഗോകുലം ഗോപാലൻ ആണ്. വൻ തുകയ്ക്കാണ് ഗോകുലം ഗോപാലൻ വിതരണാവകാശം സ്വന്തമാക്കിയതെന്നാണ് റിപ്പോർട്ട്.
ഒക്ടോബർ 14ന് ലിയോ തിയേറ്ററുകളിലെത്തുമെന്നാണ് റിപ്പോർട്ടുകൾ. ചിത്രത്തിന്റെ ഡിജിറ്റൽ റൈറ്റ്സ് റെക്കോർഡ് വിലയ്ക്ക് നെറ്റ്ഫ്ലിക്സ് സ്വന്തമാക്കിയിട്ടുണ്ട്. ഇപ്പോഴിതാ ചിത്രത്തെ സംബന്ധിച്ച് സോഷ്യൽ മീഡിയയിൽ പ്രചരിക്കുന്ന വാർത്തകൾ സിനിമാപ്രേമികളിൽ ആകാംക്ഷ ഉണർത്തുകയാണ്. ക്രിസ്റ്റഫർ നോളന്റെ ടെനറ്റ് എന്ന ചിത്രവുമായി ലിയോയ്ക്ക് എന്താണ് ബന്ധം എന്ന ചോദ്യമാണ് സോഷ്യൽ മീഡിയയിൽ ഉയരുന്നത്. അത് മറ്റൊന്നുമല്ല, ടെനറ്റിൽ അഭിനയിച്ച ഒരു നടൻ സിനിമയിൽ ഒരു നിർണായക കഥാപാത്രത്തെ അവതരിപ്പിക്കുന്നുവെന്നതാണ് പുതിയ വാർത്ത. ഡെൻസിൽ സ്മിത്ത് ആണ് ആ നടൻ. ഏജൻറ് എന്ന ടോളിവുഡ് ചിത്രത്തിലാണ് ഡെൻസിൽ സ്മിത്ത് അവസാനമായി അഭിനയിച്ചത്.
രണ്ട് പതിറ്റാണ്ടിലേറെയായി വ്യത്യസ്തമായ കഥാപാത്രങ്ങളെ അവതരിപ്പിക്കുന്ന നടൻ സമീപകാലത്ത് ഡൽഹി ക്രൈം, ബദ്‌ല തുടങ്ങിയ പ്രോജക്ടുകളിലെ പ്രകടനത്തിലൂടെ പ്രേക്ഷക ശ്രദ്ധ നേടിയിരുന്നു. ടൈഗർ 3 ഉൾപ്പെടെ നിരവധി പ്രോജക്ടുകൾ അദ്ദേഹത്തിന്റേതായി റിലീസാകാനുണ്ട്. ലിയോയിലെ ഡെൻസിലിന്റെ ഭാഗങ്ങൾ ചിത്രീകരിച്ച് കഴിഞ്ഞതായാണ് റിപ്പോർട്ട്.
Also Read: Jeenthol Movie: കുട്ടികഥ പറയുന്ന 'ജീന്തോൾ' തിയേറ്ററുകളിലേക്ക്; നാരങ്ങാ പാല് വീഡിയോ ഗാനം പുറത്ത്
ജനപ്രിയ സ്റ്റേജ് നടൻ കൂടിയായ ഡെൻസിൽ തന്റെ ഭാഗങ്ങൾ പൊതിഞ്ഞതായി പറയപ്പെടുന്നു. നിലവിൽ ചിത്രത്തിന്റെ ഒരു ഗാനരംഗം ചെന്നൈയിൽ ചിത്രീകരിക്കുകയാണ്. വിജയ് ഈ ട്രാക്കിനായി ശബ്ദം നൽകിയതായും പറയപ്പെടുന്നു. സെവന്‍ സ്‌ക്രീന്‍ സ്റ്റുഡിയോസിന്റെ ബാനറില്‍ എസ്. ലളിത് കുമാറാണ് 'ലിയോ' നിര്‍മിക്കുന്നത്. കമല്‍ ഹാസനെ നായകനാക്കി ഒരുക്കിയ വിക്രത്തിന്റെ വിജയത്തിന് ശേഷം ലോകേഷ് ഒരുക്കുന്ന ചിത്രമെന്ന പ്രത്യേകത കൂടി ലിയോയ്ക്കുണ്ട്. അനിരുദ്ധാണ് ചിത്രത്തിന് സംഗീതം ഒരുക്കുന്നത്.
വിവിധ ഭാഷകളില്‍ നിന്നുള്ള നടി നടന്മാര്‍ ചിത്രത്തില്‍ പ്രവര്‍ത്തിക്കുന്നുണ്ട്. മലയാളത്തില്‍ നിന്ന് മാത്യു, ബാബു ആന്റണി എന്നിവര്‍ അഭിനയിക്കുന്നു. ബോളിവുഡില്‍ നിന്ന് സഞ്ജയ് ദത്ത് വേഷമിടുന്നു. ആക്ഷന്‍ കിംഗ് അര്‍ജുനും ചിത്രത്തിലുണ്ട്. തൃഷയാണ് ചിത്രത്തിലെ നായിക. വർഷങ്ങൾക്കു ശേഷം തൃഷയും വിജയും ഒന്നിക്കുന്ന സിനിമ കൂടി ആണിത്. കഴിവുറ്റ സാങ്കേതിക വിദഗ്ധരുടെയും ഒരു നിര തന്നെ ചിത്രത്തിലുണ്ട്. 2023-ൽ ഏറ്റവുമധികം ഹൈപ്പുചെയ്‌ത തമിഴ് സിനിമയാണ് ലിയോ. നല്ല പ്രതികരണം ലഭിച്ചാൽ ബോക്‌സ് ഓഫീസിൽ ചിത്രം വമ്പൻ കളക്ഷൻ നേടും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
