തിരുവനന്തപുരം: മമ്മൂട്ടി നായകനായ ഇൻവെസ്റ്റിഗേറ്റീവ് ആക്ഷൻ ത്രില്ലർ കണ്ണൂർ സ്ക്വാഡ് പ്രേക്ഷകരെ ഞെട്ടിച്ച് മുന്നേറുകയാണ്. ചിത്രത്തിൻറെ പ്രതിദിന ബോക്സോഫീസ് കളക്ഷൻ പറയുന്നതും ഇത് തന്നെയാണ്. 27 കോടി ഏകദേശ മുതൽ മുടക്ക് പറയുന്ന ചിത്രം ഇതുവരെ ആഗോള ബോക്സോഫീസിൽ നിന്നും 20 കോടി നേടിയെന്നാണ് കണക്കുകൾ സൂചിപ്പിക്കുന്നത്. മൂന്ന് ദിവസം കൊണ്ട് ചിത്രം കേരളത്തിൽ നേടിയത് 8.60 കോടിയെന്ന് ഫോറം കേരളം ട്വീറ്റ് ചെയ്തു.
ആദ്യ ദിനമായ വ്യാഴാഴ്ച 2.4 കോടിയും, വെള്ളിയാഴ്ച 2.75 കോടിയും ചിത്രം നേടിയപ്പോൾ ശനിയാഴ്ച മാത്രം 3.45 കോടിയാണ് കണ്ണൂർ സ്ക്വാഡിൻറെ ബോക്സീഫീസ് കളക്ഷൻ. റിലീസിങ്ങ് ദിവസം മുതലിങ്ങോട്ടുള്ള കണക്കെടുത്താൽ കുറഞ്ഞത് 45 ശതമാനമെങ്കിലും കളക്ഷനിൽ വർധന കാണാം. ഇനി ഞായറാഴ്ചയായതിനാൽ തന്നെ കളക്ഷൻ ഇനിയും ഉയരും. ഞായറാഴ്ച 70 ശതമാനം എങ്കിലും കളക്ഷൻ വർധിക്കാനാണ് സാധ്യത.
#KannurSquad Day-3 (SAT) till 6:00PM
50% growth From Day-2
75% growth From Day-1Sensational Saturday Despite heavy rainfalls across the state
3 days Kerala gross headed towards ₹9cr pic.twitter.com/4wRJjZcCgD
— ForumKeralam (@Forumkeralam2) September 30, 2023
ഇത്തരത്തിൽ പോയാൽ വളരെ വേഗത്തിൽ തന്നെ ചിത്രം 50 കോടി ക്ലബിലേക്ക പ്രവേശിക്കും. ജയിലറിൻറെ റെക്കോർഡ് പൊട്ടിക്കുമോ എന്ന് പോലും ആരാധകർ ചോദിക്കുന്നുണ്ട്. ദുൽഖർ സൽമാന്റെ വേഫേറെർ ഫിലിംസ് ആണ് ചിത്രം കേരളത്തിൽ വിതരണത്തിന് എത്തിച്ചത്. ഷാഫിയുടെ കഥയിൽ റോണിയും ഷാഫിയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.
കിഷോർ, വിജയരാഘവൻ, അസീസ് നെടുമങ്ങാട്, ഡോക്ടർ റോണി, ശബരീഷ് തുടങ്ങിയ അഭിനേതാക്കളെല്ലാം മിന്നുന്ന പ്രകടനം സമ്മാനിച്ച ചിത്രം പ്രതിഭാധനന്മാരായ അണിയറ പ്രവർത്തകരുടെ കൂട്ടായ പ്രയത്നത്തിന് ലഭിച്ച വിജയമാണ്. ചിത്രത്തിനെ മികച്ചതാക്കിയതിന് പിന്നിൽ അതിൻറെ മേക്കിംഗും വലിയ പങ്ക് വഹിക്കുന്നുണ്ട്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
