"ചാൾസ് എന്റർപ്രൈസസ്" എന്ന ചിത്രത്തിന്റെ അനൗൺസ്മെന്റ് മുതൽ ഓരോ വാർത്തകളും സിനിമ പ്രേമികൾക്കിടയിൽ ചർച്ചയായിരുന്നു. അണിയറ പ്രവർത്തകർ ചിത്രത്തിന്റെതായി പുറത്ത് വിടുന്ന ഓരോ അപ്ഡേറ്റുകളും പ്രേക്ഷകർ വലിയ ആകാംക്ഷയോടെയാണ് പിന്തുടർന്നിരുന്നത്. ചിത്രത്തിന്റേതായി അവസാനം പുറത്തുവന്ന ഗണപതിയുടെ വാഹനമായ എലിയുടെ ക്യാരറ്റർ പോസ്റ്റർ പ്രേക്ഷകർക്കിടയിൽ വളരെ വലിയ ചർച്ചയായിരുന്നു.
ഇപ്പോൾ ഇതാ ചിത്രത്തിന്റേതായി പുറത്തുവന്ന പോസ്റ്ററുകളിലെ ഗണപതിയുടെ സാന്നിധ്യം പ്രേക്ഷകർക്കിടയിൽ വീണ്ടും ചർച്ചയാകുകയാണ്. ഈ സിനിമ ഫാന്റസി സിനിമയാണെന്നും അതല്ല മലയാളത്തിൽ അത്ഭുത മെഗാഹിറ്റായി മാറിയ മാളികപ്പുറം പോലെ ഒരു സിനിമയാണ് ഇതെന്നതിന്റെ സൂചനയാണെന്നും മറ്റുമാണ് ഇപ്പോൾ സോഷ്യൽ മീഡിയയിൽ നടക്കുന്ന ചർച്ച. നവാഗതനായ സുഭാഷ് ലളിത സുബ്രഹ്മണ്യനാണ് ചിത്രത്തിന്റെ രചനയും സംവിധാനവും നിർവ്വഹിച്ചിരിക്കുന്നത്.
ഉർവ്വശിയാണ് ചാൾസ് എന്റർപ്രൈസസിൽ പ്രധാന കഥാപാത്രത്തെ അവതരിപ്പിരിക്കുന്നത്. രസകരമായ നർമ്മ മുഹൂർത്തങ്ങളിലൂടെയുള്ള ഒരു ഫാമിലി മിസ്റ്ററി ഡ്രാമയാണ് ഈ ചിത്രമെന്ന് നേരത്തെ പ്രേക്ഷകരിലേക്ക് എത്തിയ ടീസറിൽ നിന്ന് വ്യക്തമായിരുന്നു. ഏറെ നാളുകൾക്ക് ശേഷമാണ് ഉർവ്വശി ഹാസ്യരസ പ്രാധാന്യമുള്ള കഥാപാത്രത്തെ മലയാളത്തിൽ അവതരിപ്പിക്കുന്നത്. പാ രഞ്ജിത്ത് സിനിമകളിലൂടെ ശ്രദ്ധേയനായ കലൈയരസൻ ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണ് ചാൾസ് എന്റർപ്രൈസസ്.
ജോയ് മൂവി പ്രൊഡക്ഷൻസിന്റെ ബാനറിൽ Dr. അജിത് ജോയ്, അച്ചു വിജയൻ എന്നിവർ ചേർന്നു നിർമ്മിക്കുന്ന ചിത്രത്തിൽ ഉര്‍വ്വശിക്കും കലൈയരസനും പുറമേ,ബാലുവര്‍ഗീസ്, ഗുരു സോമസുന്ദരം, , അഭിജശിവകല, സുജിത് ശങ്കർ, അൻസൽ പള്ളുരുത്തി, സുധീർ പറവൂർ, മണികണ്ഠൻ ആചാരി, മാസ്റ്റർ വസിഷ്ട്ട്, ഭാനു, മൃദുന, ഗീതി സംഗീതി,സിജി പ്രദീപ്, അജിഷ, ആനന്ദ്ബാൽ എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ALSO READ: Pattapakal Movie : 'പട്ടാപ്പകൽ'; ജോണി ആന്റണിയുടെ പുതിയ ചിത്രത്തിന്റെ ടൈറ്റിൽ പുറത്ത് വിട്ടു
സഹനിര്‍മ്മാണം പ്രദീപ് മേനോന്‍, അനൂപ് രാജ് ഛായാഗ്രഹണം -സ്വരൂപ് ഫിലിപ്പ്, കലാസംവിധാനം - മനു ജഗദ്, സംഗീതം - സുബ്രഹ്മണ്യന്‍ കെ വി ഗാനരചന -അന്‍വര്‍ അലി, ഇമ്പാച്ചി, നാച്ചി, സംഗീത ചേനംപുല്ലി,സുഭാഷ് ലളിതസുബ്രഹ്മണ്യൻ എന്നിവര്‍ നിർവ്വഹിച്ചിരിക്കുന്നു പശ്ചാത്തല സംഗീതം - അനൂപ് പൊന്നപ്പൻ എഡിറ്റിംഗ് -അച്ചു വിജയന്‍, നിര്‍മ്മാണ നിര്‍വ്വഹണം -ദീപക് പരമേശ്വരന്‍, വസ്ത്രാലങ്കാരം - അരവിന്ദ് കെ ആര്‍ മേക്കപ്പ് - സുരേഷ്, പി ആർ ഒ- വൈശാഖ് സി വടക്കേവീട്. ജോയ് മൂവി പ്രൊഡക്ഷൻസ് മെയ് മാസത്തിൽ ചിത്രം തിയേറ്ററുകളിൽ പ്രദർശനത്തിനെത്തിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
