വർഷങ്ങളായി തമിഴ്, തെലുങ്ക്, മലയാളം, കന്നഡ, ഹിന്ദി ചലച്ചിത്രമേഖലയിൽ തന്റേതായ വ്യക്തിമുദ്ര പതിപ്പിച്ച താരമാണ് നിത്യ മേനോൻ. മികച്ച പ്രകടനത്തിന് മൂന്ന് ഫിലിംഫെയർ അവാർഡുകൾ ഉൾപ്പെടെ നിരവധി അംഗീകാരങ്ങൾ താരം നേടിയിട്ടുണ്ട്. എല്ലാ സിനിമാ പ്രേമികളും തീർച്ചയായും കണ്ടിരിക്കേണ്ട നിത്യാ മേനോൻറെ പ്രധാന സിനിമകളെ പറ്റി പരിശോധിക്കാം.
180
നിത്യ മേനോന്റെ 2011-ലെ ശ്രദ്ധേയമായ നായിക വേഷങ്ങളിലൊന്നായിരുന്നു 180. സഹതാരങ്ങളായ സിദ്ധാർത്ഥ്, പ്രിയ ആനന്ദ് എന്നിവർക്കൊപ്പം മികച്ച പ്രകടനമാണ് താരം കാഴ്ച വെച്ചത്.
ബാംഗ്ലൂർ ഡേയ്‌സ്
ബാംഗ്ലൂരിലേക്ക് എത്തിയ മൂന്ന് കസിൻസിൻറെ ജീവിതമാണ് ബാംഗ്ലൂർ ഡേയ്‌സ്. ദുൽഖർ സൽമാൻ, നസ്രിയ നസീം, ഫഹദ് ഫാസിൽ എന്നിവർക്കൊപ്പമാണ് നിത്യ എത്തുന്നത്. താരത്തിൻറെ പ്രകടനം ഏറെ പ്രശംസ പിടിച്ചുപറ്റുകയും നിരൂപക ശ്രദ്ധ പിടിച്ച് പറ്റുകയും ചെയ്തു, വാണിജ്യപരമായും ചിത്രം വലിയ വിജയമായിരുന്നു.
ഒകെ കൺമണി
നിത്യ മേനോന്റെയും ദുൽഖർ സൽമാന്റെയും കെമിസ്ട്രി കൃത്യമായി വർക്കായ ചിത്രമാണ് ഒകെ കൺമണി. നിത്യയുടെ അവിസ്മരണീയ പ്രകടനം ഒന്ന് കൊണ്ട് തന്നെ ഈ ചിത്രം ആരാധകരുടെ പ്രിയപ്പെട്ട സിനിമ കൂടിയാണ്.
ജനതാ ഗാരേജ്
മോഹൻലാൽ, ജൂനിയർ എൻടിആർ, സാമന്ത റൂത്ത് പ്രഭു, ഉണ്ണി മുകുന്ദൻ എന്നിവർക്കൊപ്പം ജനതാ ഗാരേജിലും
നിത്യ ഒരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. ഒരു സാമൂഹിക പ്രവർത്തകയുടെ വേഷത്തിലാണ് താരം ജനതാ ഗാരേജിലെത്തുന്നത്.
മെർസൽ
2017-ൽ പുറത്തിറങ്ങിയ മെർസലിൽ വിജയ്, സാമന്ത റൂത്ത് പ്രഭു, കാജൽ അഗർവാൾ എന്നിവർക്കൊപ്പം നിത്യ മേനോനും ഒരു പ്രധാന വേഷം ചെയ്തിട്ടുണ്ട്. മെഡിക്കൽ രംഗത്തെ അഴിമതി അന്വേഷിക്കുന്ന ഒരു പത്രപ്രവർത്തകയായാണ് താരം തിളങ്ങിയത്.
ഉസ്താദ് ഹോട്ടൽ
നിത്യ മേനോൻ, ദുൽഖർ സൽമാൻ കോമ്പോ വീണ്ടും എത്തിയ സിനിമയായിരുന്നു ഉസ്താദ് ഹോട്ടൽ ഫൈസ എന്ന പെൺകുട്ടിയുടെ കഥാപാത്രത്തെയാണ് നിത്യ അവതരിപ്പിച്ചത്. ഉസ്താദ് ഹോട്ടലിലെ മികച്ച പ്രകടനത്തിന് മലയാളത്തിലെ മികച്ച നടിക്കുള്ള ഫിലിംഫെയർ അവാർഡ് നിത്യാ മേനോന് ലഭിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
