വിജയ്-ലോകേഷ് കനകരാജ് ചിത്രത്തിന്റെ ഓരോ പുതിയ അറിയിപ്പിനായി കാത്തിരിക്കുകയാണ് താരത്തിന്റെ ആരാധകരും തമിഴ് സിനിമ പ്രേമികളും. ജൂൺ 22ന് താരത്തിന്റെ പിറന്നാൾ ദിനത്തോട് അനുബന്ധിച്ച് പുതിയ ഒരു അപ്ഡേറ്റ് ഉണ്ടാകുമെന്ന് പ്രതീക്ഷയിലായിരുന്നു പ്രേക്ഷകർ. ആ പ്രതീക്ഷ മൂന്നിരട്ടിയാക്കിയിരിക്കുകയാണ് ലിയോയുടെ അണിയറ പ്രവർത്തകർ. ജൂൺ 22 വിജയിയുടെ പിറന്നാൾ ദിനത്തിൽ ചിത്രത്തിന്റെ ആദ്യ ഗാനം പുറത്ത് വിടും.
നാ റെഡി (ഞാൻ റെഡി) എന്ന ചിത്രത്തിന്റെ ഫസ്റ്റ് സിംഗിൾ വിജയിയുടെ പിറന്നാൾ ദിനത്തിൽ പുറത്ത് വിടുമെന്ന് സംവിധായകൻ ലോകേഷ് കനകരാജ് ട്വിറ്ററിലൂടെ അറിയിച്ചു. അനിരുദ്ധ് രവിചന്ദ്രൻ ഒരുക്കുന്ന ഗാനത്തിനായി കാത്തിരിക്കുകയാണ് കോളിവുഡ് ആരാധകർ. വിജയിയുടെ കഴിഞ്ഞ രണ്ട് ചിത്രങ്ങളായ മാസ്റ്റർ, ബീസ്റ്റ്, വാരിസ് എന്നീ ചിത്രങ്ങളുടെ ഫസ്റ്റ് സിംഗളുകൾ സോഷ്യൽ മീഡിയകളിൽ തരംഗം തന്നെ സൃഷ്ടിച്ചിരുന്നു. ലിയോയിലെ ഒരു തട്ടുപൊളിപ്പൻ ഗാനമാകാം ഫസ്റ്റ് സിംഗളിലൂടെ അവതരിപ്പിക്കുക എന്ന സൂചനയാണ് പുറത്ത് വിട്ട പോസ്റ്ററിൽ നിന്നും മനസ്സിലാക്കാൻ സാധിക്കുക. പോസ്റ്ററിൽ ചുണ്ടിൽ കത്തിച്ച സിഗ്രട്ടുമായി ഒരു തോക്കുമേന്തി താരം നിൽക്കുന്നതും കാണാം.
ALSO READ : Joju George : ജോഷി ചിത്രത്തിനായി വണ്ണം കുറച്ച് പുതിയ ലുക്കിൽ ജോജു ജോർജ്; ചിത്രങ്ങളേറ്റെടുത്ത് സോഷ്യൽ മീഡിയ
#NaaReady pic.twitter.com/1YcbAQMs8f
— Vijay (@actorvijay) June 16, 2023
മാസ്റ്റർ എന്ന സിനിമയ്ക്ക് ശേഷം വിജയിയും ലോകേഷ് കനകരാജും വീണ്ടും ഒന്നിക്കുന്ന ചിത്രമാണ് ലിയോ. ലോകേഷിന്റെ സിനിമാറ്റിക് യൂണിവേഴ്സാണ് ലോക്കിവേഴ്സിന്റെ ഭാഗമാണ് ലിയോ എന്നും നേരത്തെ സംവിധായകൻ അറിയിച്ചിരുന്നു. ചിത്രത്തിന്റെ ഭൂരിഭാഗവും ചിത്രീകരിച്ചത് ജമ്മു കശ്മീരിൽ വെച്ചായിരുന്നു. സെവൻ സ്ക്രീൻ സ്റ്റുഡിയോസിന്റെ ബാനറിൽ എസ് ലളിത് കുമാറാണ് ചിത്രം നിർമിക്കുന്നത്.
പാൻ ഇന്ത്യ തലത്തിൽ പ്രചാരം ലഭിക്കുന്ന ചിത്രത്തിന് വിവിധ ഭാഷകളിൽ നിന്നും പ്രമുഖ താരങ്ങൾ ലിയോയിൽ അണിനിരക്കുന്നുണ്ട്. മലയാളത്തിൽ നിന്ന് മാത്യു, ബാബു ആന്റണി എന്നിർ അഭിനയിക്കുന്നു. ചിത്രത്തിൽ പ്രധാന വേഷത്തിൽ സഞ്ജയ് ദത്ത് എത്തുന്നു. ആക്ഷൻ കിങ് അർജുനും ചിത്രത്തിൽ അഭിനയിക്കുന്നു. തൃഷയാണ് വിജയുടെ നായികയായി എത്തുന്നത്.
അതേസമയം ചിത്രത്തിന്റെ കശ്മീര്‍ ഷെഡ്യൂള്‍ നേരത്തെ പൂര്‍ത്തിയായിരുന്നു. ചിത്രം നിലവില്‍ ഒരു ഷെഡ്യൂള്‍ ബ്രേക്കില്‍ ആണ്. ചെന്നൈ, ഹൈദരാബാദ് എന്നിവിടങ്ങളിലാണ് വരും ഷെ‍ഡ്യൂളുകള്‍. സിനിമ പ്രഖ്യാപിച്ച വേളയിൽ തന്നെ ലിയോയുടെ ഡിജിറ്റൽ, സാറ്റ്ലൈറ്റ്, മ്യൂസിക് അവകാശങ്ങൾ വൻ തുകയ്ക്ക് വിറ്റ് പോയിരുന്നു. നെറ്റ്ഫ്ലിക്സാണ് ലിയോയുടെ ഒടിടി അവകാശം സ്വന്തമാക്കിയിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
