പത്തനംതിട്ട: നിർത്തിയിട്ടിരുന്ന തടി ലോറിക്ക് പിന്നിൽ സ്കൂട്ടറിടിച്ച് 2 പേർ മരിച്ചു. ഒരാൾക്ക് പരിക്ക്. സ്കൂട്ടർ യാത്രികരായ കാരക്കാട് പ്ലാവുനിൽക്കുന്നതിൽ മേലേതിൽ വിഷ്ണു (28), പെണ്ണുക്കര മാടമ്പറത്ത് മോടിയിൽ വിശ്വജിത്ത് (18) എന്നിവരാണ് മരിച്ചത്. ശനിയാഴ്ച്ച രാത്രി 11.30 ന് എം സി റോഡിലാണ് അപകടം. കുളനട-മാന്തുക ഗ്ലോബ് ജംഗ്ഷന് സമീപമാണ് നിർത്തിയിട്ടിരുന്ന തടി ലോറിക്ക് പിന്നിൽ യുവാക്കൾ സഞ്ചരിച്ച ഡിയോ സ്കൂട്ടർ ഇടിച്ചത്.
സ്കൂട്ടറിൽ ഉണ്ടായിരുന്ന മുളക്കുഴ തടത്തിൽ മേലേതിൽ വീട്ടിൽ അമൽ ജിത്തിന് അപകടത്തിൽ ഗുരുതരമായി പരിക്കേറ്റു. അമലിനെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പന്തളത്ത് നിന്നും ഫുട്ബോൾ കളി കഴിഞ്ഞ് കാരയ്ക്കാടിന് പോകുന്ന വഴിക്കാണ് അപകടം.
Accident: നടി അനുശ്രീയുടെ വാഹനം ബൈക്കിൽ ഇടിച്ചു; രണ്ട് യുവാക്കൾക്ക് പരിക്ക്
ഇടുക്കി: സിനിമാ താരം അനുശ്രീ സഞ്ചാരിച്ചിരുന്ന വാഹനം ഇടിച്ച് രണ്ട് യുവാക്കൾക്ക് പരിക്ക്. ഇടുക്കി നെടുങ്കണ്ടം കൈലാസം സ്വദേശികളായ വിഷ്ണു, ജിഷ്ണു എന്നി സഹോദരങ്ങൾക്കാണ് പരിക്കേറ്റത്. നെടുങ്കണ്ടം സ്വകാര്യ സ്ഥാപനത്തിന്റെ ഉദ്ഘാടനത്തിൽ പങ്കെടുത്ത് മടങ്ങുകയായിരുന്നു അനുശ്രീ.
നെടുങ്കണ്ടത്തിന് സമീപം കൈലാസത്തിനും മുള്ളരികുടിയ്ക്കും ഇടയിൽ വെച്ച് അനുശ്രീ സഞ്ചരിച്ച വാഹനം യുവാക്കൾ സഞ്ചരിച്ച ബൈക്കുമായി കൂട്ടി ഇടിയ്ക്കുകയായിരുന്നു. പരിക്കേറ്റ യുവാക്കളെ നെടുങ്കണ്ടത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടം നടന്ന ഉടനെ നാട്ടുകാരും അനുശ്രീയും ചേർന്ന് മറ്റൊരു വാഹനത്തിൽ യുവാക്കളെ ആശുപത്രിയിൽ എത്തിക്കുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
