ട്രെയിനിൽ യാത്ര ചെയ്യാൻ ഇഷ്ടമാണോ? എത്ര മണിക്കൂർ വരെ ട്രെയിനിൽ തന്നെ ഇരിക്കാൻ പറ്റും. 5 മണിക്കൂർ ? 10 മണിക്കൂർ ? 20 മണിക്കൂർ? ബോറടിക്കും അല്ലേ... അപ്പോൾ 63 മണിക്കൂർ സഞ്ചരിക്കേണ്ടി വന്നാലോ..അങ്ങനെ ഒരു ട്രെയിൻ ഉണ്ടോ എന്നായിരിക്കും ഇപ്പോൾ ചിന്ത. എങ്കിൽ ഉണ്ട്. തിരുവനന്തപുരം സെൻട്രലിൽ നിന്ന് (തിരുവനന്തപുരം) ഗുവാഹത്തിയിലേക്കുള്ള ട്രെയിൻ നമ്പർ 12507 ആണ് അത്രയും മണിക്കൂർ സഞ്ചരിക്കുന്ന ട്രെയിൻ. 3554 കി.മീറ്റർ ആണ് അത് യാത്ര ചെയ്യുന്നത്. ഈ ദൂരം താണ്ടുന്നതിനായി 63 മണിക്കൂറാണ് ട്രെയിൻ എടുക്കുന്നത്.
ഇന്ത്യൻ റെയിൽവേയുടെ ഉടമസ്ഥതയിലുള്ള NFR/വടക്കുകിഴക്കൻ അതിർത്തി മേഖലയിലെ ഒരു സൂപ്പർഫാസ്റ്റ് ട്രെയിനാണിത്. ഇതിന് 50 ഹാൾട്ടുകൾ ഉണ്ട്. തിരുവനന്തപുരം സെൻട്രലിനും (തിരുവനന്തപുരം) ഗുവാഹത്തിക്കുമിടയിലുള്ള 656 ഇന്റർമീഡിയറ്റ് സ്റ്റേഷനുകളും ഉൾപ്പെടുന്നു. എന്നാൽ ഇന്ത്യയിലെ ഏറ്റവും ദൂരം സഞ്ചരിക്കുന്ന ട്രെയിൻ ഇതല്ല. വിവേക് എക്സ്പ്രസ് ആണ്. ദിബ്രുഗഡിൽ നിന്നും കന്യാകുമാരിയിലേക്കാണ് ഈ ട്രെയിൻ യാത്ര ചെയ്യുന്നത്. 74 മണിക്കൂർ 35 മിനിറ്റിനുള്ളിൽ വിവേക് എക്സ്പ്രസ് 4,218.6 കിലോമീറ്റർ (2,621.3 മൈൽ) ദൂരം പിന്നിടുകയും ഇന്ത്യയിലെ എട്ട് സംസ്ഥാനങ്ങളിലൂടെ സഞ്ചരിക്കുകയും ചെയ്യുന്നു.
ALSO READ: ട്രെയിൻ ടിക്കറ്റ് നിരക്കിൽ വമ്പൻ കിഴിവുമായി ഇന്ത്യൻ റെയിൽവേ; വന്ദേഭാരത് ഉൾപ്പടെ കുറയും
നിലവിൽ ദൂരവും സമയവും അനുസരിച്ച് ഇന്ത്യയിലെ ഏറ്റവും ദൈർഘ്യമേറിയ ട്രെയിൻ റൂട്ടാണ്, അതുപോലെ തന്നെ ലോകത്തിലെ ഏറ്റവും ദൈർഘ്യമേറിയ 24-ാമത്തെ ട്രെയിൻ സർവീസും. ട്രെയിനിന് റൂട്ടിലുടനീളം 58 ഹാൾട്ടുകൾ ഉണ്ട്. കേരളത്തിൽ നിന്നും ദീർഘദൂരത്തിൽ പോകുന്ന മറ്റൊരു ട്രെയിൻ ആണ് ട്രെയിൻ നമ്പർ 12511 അഥവാ രപ്തി സാഗർ എക്സ്പ്രസ് ഗോരഖ്പൂരിനും തിരുവനന്തപുരത്തിനും ഇടയിൽ ഓടുന്ന ട്രെയിനാണ് ഇത്. ഗോരഖ്പൂർ ഉത്തർപ്രദേശിലും തിരുവനന്തപുരത്ത് കേരളത്തിലും സ്ഥിതി ചെയ്യുന്നു. ഈ രണ്ട് നഗരങ്ങളും 3253 കിലോമീറ്റർ ദൂരത്തിലാണ് സ്ഥിതി ചെയ്യുന്നത്.
ഇത് ആദ്യ ദിവസം 06:35 ന് ഗോരഖ്പൂരിൽ നിന്ന് പുറപ്പെട്ട് മൂന്നാം ദിവസം 17:15 ന് തിരുവനന്തപുരത്ത് എത്തിച്ചേരുന്നു. അതിന്റെ ഉറവിടത്തിൽ നിന്ന് ലക്ഷ്യസ്ഥാനത്ത് എത്തിച്ചേരാൻ 58 മണിക്കൂർ 40 മിനിറ്റ് എടുക്കും. കാൺപൂർ സെൻട്രൽ, വിജയവാഡ ജംഗ്ഷൻ, നാഗ്പൂർ എന്നിവയാണ് ട്രെയിൻ കടന്നുപോകുന്ന പ്രധാന സ്റ്റേഷനുകളിൽ ചിലത്. ഒരാഴ്ചയ്ക്കുള്ളിൽ, വ്യാഴം, വെള്ളി, ഞായർ ദിവസങ്ങളിൽ രപ്തി സാഗർ സർവ്വീസ് നടത്തുന്നുണ്ട്. മറ്റൊന്ന് ഡെറാ‍ൂൺ കൊച്ചുവേളി എക്സ്പ്രസ് ആണ്. ഈ ട്രെയിൻ ഡെറാഡൂണിൽ തുടങ്ങി കൊച്ചുവേളിയിൽ അവസാനിക്കുന്നു. ഈ യാത്ര പൂർത്തിയാക്കാൻ 2 ദിവസങ്ങളിലായി ആകെ 57 മണിക്കൂർ എടുക്കും.
കന്യാകുമാരിക്കും ജമ്മുവിനുമിടയിൽ ഓടുന്ന ട്രെയിൻ നമ്പർ 16317 ആണ് ഇന്ത്യയിലെ മറ്റൊരു ദീർഘദൂര സർവ്വീസ് നടത്തുന്ന ട്രെയിൻ. ഇതിനെ ഹിംസാഗർ എക്സ്പ്രസ്സ് എന്നും പറയുന്നു. കന്യാകുമാരി തമിഴ്നാട് സംസ്ഥാനത്തും ജമ്മു ജമ്മു & കാശ്മീർ സംസ്ഥാനത്തും സ്ഥിതി ചെയ്യുന്നു. രണ്ട് നഗരങ്ങളും 3714 കിലോമീറ്റർ ദൂരത്തിലാണ് സ്ഥിതി ചെയ്യുന്നത്. കന്യാകുമാരിയിൽ നിന്നും യാത്ര തുടങ്ങുന്ന ട്രെയിൻ ജമ്മുവിൽ എത്താൻ 71 മണിക്കൂർ 10 മിനുറ്റ് എടുക്കും. അതായത് 4 ദിവസം. ന്യൂഡൽഹി, വിജയവാഡ ജംഗ്ഷൻ, നാഗ്പൂർ എന്നിവയാണ് ട്രെയിൻ കടന്നുപോകുന്ന പ്രധാന സ്റ്റേഷനുകളിൽ ചിലത്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
