തിരൂർ: താൻ ഒാടിച്ച ലോറിയിടിച്ച് കാൽനട യാത്രികൻ മരിച്ച വിഷമത്തിൽ മനം നൊന്ത് ലോറി ഡ്രൈവർ ആത്മഹത്യ ചെയ്തു. മലപ്പുറം വെട്ടം ആലിശ്ശേരി,മുതിയേരി ബിജു (28)-നെയാണ് വീടിനുള്ളിലെ കിടപ്പുമുറിയിൽ മരിച്ച നിലയിൽ കണ്ടെത്തിയത്.
ഫർണിച്ചർ കടയിൽ നിന്നുള്ള ലോഡുമായി പുനലൂർക്ക് പോകുന്ന വഴിയിലാണ് റോഡ് മുറിച്ച് കടക്കാൻ ശ്രമിച്ചയാളെ വാഹനം ഇടിക്കുന്നത്. ഗുരുതരമായി പരിക്കേറ്റയാളെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തിന് പിന്നാലെ ബിജുവിന് മാനസിക ബുദ്ധിമുട്ടുണ്ടായിരുന്നതായി വീട്ടുകാർ പറയുന്നു. തനിക്ക് മനപ്രയാസം ഉള്ളതായി ബിജു പറഞ്ഞിരുന്നതായും വീട്ടുകാർ പറയുന്നു.
അവിവാഹിതനാണ് മരിച്ച ബിജു. മൃതദേഹം പരിശോധനക്കായി തിരൂർ ജില്ലാ ആശുപത്രിയിലേക്ക് എത്തിച്ചെങ്കിലും കോവിഡ് സ്ഥീരികരിച്ചതിനാൽ മോർച്ചറിയിലേക്ക് മാറ്റി.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
