Thiruvnanthapuram : രാജ്യത്ത് ഇന്ധന വില (Fuel Price Hike) ഇന്ന് വീണ്ടും വർധിച്ചു. ഇന്ന് ഒരു ലിറ്റർ ഡീസലിന് (Diesel Price)37 പൈസയും, പെട്രോളിന് (Petrol Price)35 പൈസയുമാണ് വർധിപ്പിച്ചിരിക്കുന്നത്. ഇതോടെ സംസ്ഥാനത്തെ പെട്രോൾ വില 110ൽ എത്തി. തിരുവനന്തപുരം പാറശ്ശാലയിലാണ് പെട്രോൾ വില 110 കടന്നത്. 110 രൂപ 10 പൈസയാണ് പാറശ്ശാലയിലെ പെട്രോൾ വില. ഡീസൽ വിലയാകട്ടെ 103.77 രൂപയാണ്.
കഴിഞ്ഞ 11 ദിവസത്തിനിടെ ഇത് 11-ാം തവണയാണ് രാജ്യത്ത് പെട്രോൾ വില വർധിപപ്പുക്കുന്നത്. ഒക്ടോബർ മാസത്തിൽ മാത്രം രാജ്യത്ത് പെട്രോളിന്റെ വില ലിറ്ററിന് 4 രൂപ 95 പൈസയും ഡീസലിന് 6 രൂപയാണ് വർധിച്ചത്. റിപ്പോർട്ടുകൾ അനുസരിച്ച് ഇനിയുള്ള ദിവസങ്ങളിലും മാറ്റമില്ലാതെ ഇന്ധന വില വർധിക്കും. കഴിഞ്ഞ ഒരു മാസത്തിനിടെ ഇന്ധന വിലയിൽ 7 രൂപയോളമാണ് വർദ്ധനവ് രേഖപ്പെടുത്തിയിരിക്കുന്നത്. ഇന്ധന വിലയിലെ ഈ കുതിച്ച് ചാട്ടം സാധാരണക്കാരന് വൻ തിരിച്ചടിയായിരിക്കുകയാണ് .
ALSO READ : Petrol, Diesel Price : ജനങ്ങൾക്ക് ഇരുട്ടടിയായി രാജ്യത്ത് ഇന്ധന വില വീണ്ടും വർധിച്ചു
ഇന്ധവില വർധനവിനെതിരെ കോൺഗ്രസ് നവംബർ 14 മുതൽ 29 വരെ കേന്ദ്രസർക്കാരിനെതിരെ പ്രചാരണം നടത്തി രാജ്യവ്യാപകമായി പ്രതിഷേധിക്കും. സംസ്ഥാന കോൺഗ്രസ് കമ്മറ്റികളുടെ നേതൃത്വത്തിലാകും പ്രതിഷേധമെന്ന് എഐസിസി ജനൽൽ സെക്രട്ടറി അറിയിച്ചു.
ഇന്ധനവില ഉയർന്ന വരുന്ന സാഹചര്യത്തിൽ നിത്യോപയോഗ സാധനങ്ങളുടെ വില ഉയരുന്നതും ജനങ്ങൾക്ക് പ്രതിസന്ധിയാകുന്നുണ്. ഇതിനിടയിൽ ഇന്ധന വില വർധിക്കുന്നതിന് പ്രതിസന്ധി ഒഴിവാക്കാൻ കേന്ദ്ര - സംസ്ഥാന സർക്കാരുകൾ ഏർപ്പെടുത്തിയിരിക്കുന്ന നികുതി ഒഴിവാക്കണമെന്ന ആവശ്യവും ശക്തമായിട്ടുണ്ട്.
ALSO READ : Fuel Price : ഇന്ധന വിലയിൽ വീണ്ടും വർധന; കൊച്ചിയിലും ഡീസൽ വില 100 കടന്നു
GSTയില്‍ ഉള്‍പ്പെടുത്തിയാല്‍ വില കുറയുമെന്ന കേന്ദ്രത്തിന്‍റെ വാദം അംഗീകരിക്കാന്‍ കേരളമടക്കം നിരവധി സംസ്ഥാനങ്ങള്‍ തയാറല്ല. ഭൂരിപക്ഷം സംസ്ഥാനങ്ങള്‍ എതിര്‍പ്പ് അറിയിച്ചതോടെ ഇന്ധന വില GSTയില്‍ ഉള്‍പ്പെടുത്തേണ്ടെന്ന തീരുമാനത്തിലേക്ക് GST കൗണ്‍സില്‍ എത്തുകയായിരുന്നു.
ALSO READ : Fuel Price : വീണ്ടും വർധിച്ച് രാജ്യത്തെ ഇന്ധന വില; തിരുവനന്തപുരത്ത് 108 രൂപയോടടുത്ത് പെട്രോൾ വില
രാജ്യാന്തര വിപണിയില്‍ അസംസ്കൃത എണ്ണ വിലയില്‍ ഉണ്ടായ വര്‍ദ്ധനവാണ് രാജ്യത്ത് ഇന്ധന വിലയിൽ പ്രതിഫലിക്കുന്നത്. ഓയിൽ മാർക്കറ്റിംഗ് കമ്പനികൾ വിദേശ വിനിമയ നിരക്കിലെ മാറ്റങ്ങൾ കണക്കിലെടുത്താണ് ആഭ്യന്തര ഇന്ധന വിലയെ ആഗോള മാനദണ്ഡങ്ങളുമായി യോജിപ്പിക്കുന്നത്. എല്ലാ ദിവസവും രാവിലെ 6 മുതൽ ഇന്ധന വിലയിലുള്ള മാറ്റങ്ങൾ പ്രാബല്യത്തിൽ വരും. മൂല്യവർദ്ധിത നികുതി അല്ലെങ്കിൽ വാറ്റ് കാരണം വിവിധ സംസ്ഥാനങ്ങളിൽ ഇന്ധന നിരക്ക് (Fuel Price) വ്യത്യസമായി രേഖപെടുത്തുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
