തിരുവനന്തപുരം: വർക്കലയിൽ ഓടയിൽ മൃതദേഹം കണ്ടെത്തി. വർക്കല മൈതാനം - പുത്തൻ ചന്ത റോഡിലാണ് ഓടയിൽ മൃതദേഹം കണ്ടെത്തിയത്. തിരക്കേറിയ റോഡിലെ ഓടയിലാണ് മൃതദേഹം കിടന്നിരുന്നത്. ദുർഗന്ധം വമിച്ചതോടെയാണ് മൃതദേഹം നാട്ടുകാരുടെ ശ്രദ്ധയിൽപ്പെട്ടത്. തുടർന്ന് വർക്കല പോലീസിൽ അറിയിക്കുകയായിരുന്നു.
ഓടയിൽ കമിഴ്ന്ന് കിടക്കുന്ന നിലയിൽ കണ്ടെത്തിയ മൃതദേഹം അഴുകിത്തുടങ്ങിയ നിലയിലാണ്. മരിച്ചത് ആരാണെന്നതിൽ വ്യക്തത വന്നിട്ടില്ല. സമീപത്ത് നിന്ന് ഭസ്മവും ഒരു കുപ്പിയിൽ കടൽവെള്ളവും കണ്ടെത്തിയിട്ടുണ്ട്. പാപനാശത്ത് ബലിയിടാൻ എത്തിയ ആരെങ്കിലുമായിരിക്കുമെന്ന നിഗമനത്തിലാണ് പോലീസ്.
മൃതദേഹത്തിന് മൂന്ന് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. ഫോറൻസിക്, വിരലടയാള വിദഗ്ധർ പരിശോധന നടത്തും. വർക്കല സ്റ്റേഷൻ പരിധിയിൽ മിസിങ് കേസുകൾ റിപ്പോർട്ട് ചെയ്യപ്പെട്ടിട്ടില്ല. സമീപ സ്റ്റേഷനുകളിലെ മിസിങ് കേസുകൾ കേന്ദ്രീകരിച്ച് പോലീസ് അന്വേഷണം ആരംഭിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
