ന്യൂഡൽഹി: ലോകത്തെ ഏറ്റവും വലിയ വാക്സിനേഷൻ പരിപാടിയാണ് ഇന്ത്യയിൽ നടക്കുന്നതെന്ന് പ്രധാനമന്ത്രി നരേന്ദ്ര മോദി.
പ്രതിമാസ റേഡിയോ പ്രോഗ്രാമായ Mann Ki Baat ന്റെ 75 മത്തെ എപ്പിസോഡിൽ രാജ്യത്തെ അഭിസംബോധന ചെയ്തു സംസാരിക്കവെയായിരുന്നു പ്രധാനമന്ത്രി ഇപ്രകാരം പറഞ്ഞത്.
കഴിഞ്ഞ വർഷം ഇന്ത്യയുടെ ജനത കർഫ്യൂ ലോകമെമ്പാടും പ്രചോദനമായി മാറിയെന്ന് പറഞ്ഞ പ്രധാനമന്ത്രി ഇത് അച്ചടക്കത്തിന്റെ അസാധാരണ ഉദാഹരണമാണെന്നാണ് പറഞ്ഞത്.
Also Read: Mann Ki Baat: തമിഴ് പഠിക്കാൻ കഴിയാത്തത് എന്റെ പോരായ്മയായി കണക്കാക്കുന്നുവെന്ന് PM Modi
കൊറോണ-പോരാളികളോടുള്ള സ്നേഹവും ആദരവും ഞങ്ങൾ കാണിച്ചുവെന്നും. അതിന്റെയൊക്കെ അടിസ്ഥാനത്തിലാണ് ഇന്ന് ഞങ്ങൾ ലോകത്തിലെ ഏറ്റവും വലിയ വാക്സിനേഷൻ പരിപാടി നടത്തുന്നതെന്നും പ്രധാനമന്ത്രി പറഞ്ഞു.
പ്രതിരോധ കുത്തിവയ്പ്പ് നടത്താനുള്ള ആവേശത്തെ പ്രശംസിച്ച പ്രധാനമന്ത്രി ലോകത്തിലെ ഏറ്റവും വലിയ പ്രതിരോധ കുത്തിവയ്പ്പ് പരിപാടി ഇന്ന് ഇന്ത്യയിൽ നടക്കുന്നുവെന്നും യു‌പിയുടെ ജൌൻ‌പൂരിൽ 109 വയസ്സുള്ള സ്ത്രീ പ്രതിരോധ കുത്തിവയ്പ്പ് എടുത്തുവെന്നും അതുപോലെ, ഡൽഹിയിൽ 107 വയസ്സുള്ള ഒരാൾക്ക് പ്രതിരോധ കുത്തിവയ്പ് നൽകിഎന്നും . ‘ദവായി ഭീ, കടായ് ഭി’ എന്ന മന്ത്രത്തിന് ഏവരും പ്രതിജ്ഞാബദ്ധരാണെന്നും പറഞ്ഞു.
മൻ കി ബാത്തിന്റെ ഈ 75 എപ്പിസോഡുകളിൽ ഹിമാലയൻ കൊടുമുടികളിലേക്കുള്ള നദികൾ, പ്രകൃതിദുരന്തങ്ങളിലേക്കുള്ള മരുഭൂമികൾ, മനുഷ്യരാശിയുടെ സേവന കഥകൾ, വിദൂര പ്രദേശങ്ങളിൽ നിന്നുള്ള പുതുമകളുടെ കഥകൾക്കുള്ള സാങ്കേതിക കണ്ടുപിടുത്തങ്ങൾ എന്നിങ്ങനെ നിരവധി നിരവധി വിഷയങ്ങൾ നമ്മൾ ചർച്ച ചെയ്തുവെന്നും പ്രധാനമന്ത്രി പറഞ്ഞു.
Also Read: സിഖ് ഗുരുക്കന്മാരെ അനുസ്മരിച്ച് 2020ലെ മോദിയുടെ അവസാനത്തെ Mann Ki Baat
ഇന്ത്യൻ വനിതാ ക്രിക്കറ്ററും മുൻ ക്യാപ്റ്റനുമായ മിഥാലി രാജിന്റെ റെക്കോർഡ് നേട്ടത്തിന് പ്രധാനമന്ത്രി അഭിനന്ദനം അറിയിച്ചു. മിഥാലി അന്താരാഷ്ട്ര ക്രിക്കറ്റിൽ പതിനായിരം റൺസ് തികയ്ക്കുന്ന ആദ്യ ഇന്ത്യൻ താരമാണ്. 212 ഏകദിനങ്ങളാണ് മിഥാലി കളിച്ചത്.
മിഥാലിയെ കൂടാതെ സ്വിസ് ഓപ്പണ്‍ സൂപ്പര്‍ 300 ടൂര്‍ണമെന്റില്‍ വെള്ളിമെഡല്‍ നേടിയ ബാഡ്മിന്റണ്‍ താരം പി.വി, സിന്ധുവിനെയും പ്രധാനമന്ത്രി അഭിനന്ദിച്ചു. കൂടാതെ ഇന്ത്യൻ വനിതകൾ കായിക മേഖലയിൽ മാത്രമല്ല ശാസ്ത്ര മേഖലയിലും ഉൾപ്പെടെ എല്ലാ രംഗത്തും അവരുടേതായ കഴിവ് രേഖപ്പെടുത്തുന്നുവെന്നും പ്രധാനമന്ത്രി പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
