ന്യൂഡല്‍ഹി: കൊറോണ വൈറസ് വിതച്ച പ്രതിസന്ധിയില്‍ പൊതുജന സഹകരണം അഭ്യര്‍ഥിച്ച് കേന്ദ്ര സര്‍ക്കാര്‍ ആരംഭിച്ചിരിക്കുന്ന PM-CARES Fundലേയ്ക്ക് സിനിമാ താരങ്ങള്‍ നല്‍കുന്ന സംഭാവനകള്‍ക്ക് നന്ദിയറിയിച്ച് പ്രധാനമന്ത്രി നരേന്ദ്രമോദി...
'രാജ്യത്തെ ജനങ്ങളുടെ ആരോഗ്യം ഉറപ്പുവരുത്തുന്നതിൽ ഇന്ത്യയിലെ സിനിമാ താരങ്ങൾ പ്രധാന പങ്ക് വഹിക്കുന്നു. ജനങ്ങളില്‍ അവബോധം വളർത്തുന്നതിലും PM-CARES Fundലേക്ക് സംഭാവന ചെയ്യുന്നതിലും അവർ ഒരു പ്രധാന പങ്ക് വഹിക്കുന്നു', പ്രധാനമന്ത്രി ട്വീറ്റ റില്‍ കുറിച്ചു. ഒപ്പം ബോളിവുഡ് താരങ്ങളായ നാനാ പടെക്കർ, അജയ് ദേവഗണ്‍ , കാര്‍ത്തിക് ആര്യന്‍ , ശില്പാഷെട്ടി തുടങ്ങിയ താരങ്ങള്‍ക്ക് അദ്ദേഹം പ്രത്യേകം നന്ദിയറിയിച്ചു.
India’s stars are playing a starring role even in ensuring the health of the nation. They’re playing a leading role in raising awareness as well as in contributing to PM-CARES. Thanks @nanagpatekar, @AjayDevgnFilms, @TheAaryanKartik and @TheShilpaShetty.
— Narendra Modi (@narendramodi) March 31, 2020
കൊറോണ വൈറസിനെതിരേ നടത്തുന്ന പ്രതിരോധ യുദ്ധത്തിൽ ഇതുവരെ സിനിമാ ലോകത്തുനിന്നും വലിയ പിന്തുണയാണ് ലഭിക്കുന്നത്. നിരവധി താരങ്ങളാണ് PM-CARES Fundലേയ്ക്ക് സംഭാവന നല്‍കിയിരിക്കുന്നത്
അതേസമയം, ബോളിവുഡ് താര൦ അക്ഷയ് കുമാര്‍ 25 കോടി രൂപ PM-CARES Fundലേയ്ക്ക് സംഭാവന നല്‍കിയത് വാര്‍ത്തകളില്‍ ഇടം പിടിച്ചിരുന്നു.
കഴിഞ്ഞ 29നാണ് PM-CARES Fund എന്ന പേരില്‍ കൊറോണ വൈറസ് പ്രതിരോധത്തിനായി കേന്ദ്ര സര്‍ക്കാ ര്‍ ഫണ്ട് രൂപീകരിക്കുന്നത്. ഫണ്ടിലേയ്ക്ക് ഏവരുടേയും സഹകരണം അഭ്യർത്ഥിച്ച പ്രധാനമന്ത്രി, പൊതുജനങ്ങളുടെ സഹകരണം ആരോഗ്യകരമായ ഇന്ത്യയെ സൃഷ്ടിക്കാന്‍ ഉപകരിക്കുമെന്നും അഭിപ്രായപ്പെട്ടിരുന്നു.
