Chhattisgarh Exit Poll 2023: കസേര ഉറപ്പിച്ച് ഭൂപേഷ് ബാഗേൽ!! എക്സിറ്റ് പോള്‍ പ്രവചനങ്ങള്‍ പറയുന്നത് ഇങ്ങനെ

Chhattisgarh Exit Poll 2023: 2023ലെ ഛത്തീസ്ഗഢ് എക്‌സിറ്റ് പോൾ ഫലം നിർണായക പ്രാധാന്യമർഹിക്കുന്നു. അടുത്ത വർഷം ഏപ്രിൽ-മെയ് മാസങ്ങളിൽ  ലോക്‌സഭാ തിരഞ്ഞെടുപ്പ് നടക്കാനിരിക്കേ  നക്സല്‍ പ്രഭാവിത സംസ്ഥാനമായ ഛത്തീസ്ഗഢിന് ഏറെ പ്രാധാന്യം ആണ് ഉള്ളത്.

Also Read: Exit Poll Results 2023: രാജസ്ഥാന്‍ ഇക്കുറി ആര്‍ക്കൊപ്പം? കോണ്‍ഗ്രസ്‌ -  BJP പോരാട്ടത്തില്‍ ഫിനിഷിംഗ് പോയിന്‍റില്‍ ആര്? 

ഏറെ പ്രതീക്ഷയോടെ കാത്തിരിക്കുന്ന എക്സിറ്റ് പോള്‍ പ്രവചനങ്ങളില്‍ ടുഡേയ്‌സ് ചാണക്യ, സി-വോട്ടർ, ആക്‌സിസ് മൈ ഇന്ത്യ, ജാൻ കി ബാത്ത്, പോൾസ്‌ട്രാറ്റ് എന്നിവയുൾപ്പെടെ അഞ്ച് പ്രമുഖ പോളിംഗ് ഏജൻസികളിൽ നിന്നുള്ള പ്രവചനങ്ങളുടെ ഒരു പ്രത്യേക സംയോജനമാണ് സീ ന്യൂസ് ഡിജിറ്റൽ നൽകുന്നത്. ഛത്തീസ്ഗഢ് നിയമസഭാ തിരഞ്ഞെടുപ്പിന്‍റെ സാധ്യതകളെക്കുറിച്ച് വിലപ്പെട്ട ഉൾക്കാഴ്ചകൾ നൽകാനാണ് ഈ സൂക്ഷ്മ എക്സിറ്റ് പോളുകൾ ലക്ഷ്യമിടുന്നത്. 

Also Read:  Telangana Exit Poll 2023: തെലങ്കാനയില്‍ BRSനെ അട്ടിമറിയ്ക്കുമോ കോണ്‍ഗ്രസ്‌? ത്രികോണ മത്സരത്തില്‍ താമര വിജയം കൊയ്യുമോ? 

നവംബർ 7, 17 തീയതികളിൽ രണ്ട് ഘട്ടമായാണ് സംസ്ഥാനത്ത് തിരഞ്ഞെടുപ്പ് പ്രക്രിയ നടന്നത്. ഇത്തവണ തിരഞ്ഞെടുപ്പ് നടന്ന സംസ്ഥാനങ്ങളില്‍ ഛത്തീസ്ഗഢില്‍ മാത്രമാണ് രണ്ട് ഘട്ടമായി തിരഞ്ഞെടുപ്പ് നടന്നത്. ഛത്തീസ്ഗഢില്‍ ബിജെപിയും ഭരണകക്ഷിയായ കോണ്‍ഗ്രസും തമ്മില്‍ കടുത്ത പോരാട്ടമാണ് നടന്നത്. അധികാരം നിലനിർത്താൻ കോൺഗ്രസ് ശ്രമിക്കുമ്പോൾ, 2003 മുതൽ 2018 വരെയുള്ള 15 വർഷത്തെ ഭരണത്തിന് ശേഷം ബിജെപി ഒരു തിരിച്ചു വരവിന് ശ്രമിക്കുന്നു. 15 വർഷത്തെ ബിജെപി ഭരണത്തിന് ശേഷം 2018ലാണ് ഛത്തീസ്ഗഢിൽ കോൺഗ്രസ് അധികാരത്തിലെത്തിയത്. 

ഈ തിരഞ്ഞെടുപ്പിലെ പ്രധാന കളിക്കാരിൽ മുഖ്യമന്ത്രി ഭൂപേഷ് ബാഗേൽ,  മുൻ മുഖ്യമന്ത്രി രമൺ സിംഗ്, മുൻ മുഖ്യമന്ത്രി അജിത് ജോഗിയുടെ മകൻ ജനതാ കോൺഗ്രസ് നേതാവ് അമിത് ജോഗി എന്നിവര്‍ ഉള്‍പ്പെടുന്നു. 

ഛത്തീസ്ഗഢില്‍ ആകെയുള്ള 90 സീറ്റുകളിലേയ്ക്ക് രണ്ട് ഘട്ടമായി നടക്കുന്ന നിയമസഭ തിരഞ്ഞെടുപ്പിന്‍റെ ഒന്നാം ഘട്ടം  നവംബര്‍ 7നും  രണ്ടാം ഘട്ട തിരഞ്ഞെടുപ്പ് നവംബര്‍ 17നും നടന്നിരുന്നു.  ഡിസംബർ 3 ന് വോട്ടെണ്ണൽ നടക്കും. 

എക്സിറ്റ് പോള്‍ പ്രവചനങ്ങള്‍ കോണ്‍ഗ്രസിന് തുടര്‍ ഭരണം പ്രവചിക്കുമ്പോഴും ഒപ്പത്തിനൊപ്പം BJP നിലകൊള്ളുന്നു.    
 
എക്സിറ്റ് പോള്‍ പ്രവചനങ്ങള്‍ ചുവടെ: - 

സിഎൻഎക്സ് (CNX): ബിജെപി 30-40, കോൺഗ്രസ് 46-56, മറ്റുള്ളവർ 03-05

ആക്സിസ് മൈ ഇന്ത്യ (Axis My India): ബിജെപി 36-46, കോൺഗ്രസ് 40-50, മറ്റുള്ളവർ 01-05

മട്രിസ്  (Matrize): ബിജെപി 34-42, കോൺഗ്രസ് 44-52,  മറ്റുള്ളവർ 00-02

സീ വോട്ടര്‍  (C-Voter): ബിജെപി 36-38, കോൺഗ്രസ് 41-53, മറ്റുള്ളവർ 00-04

ചാണക്യ (Today's Chanakya): ബിജെപി 33 (+/-8), കോൺഗ്രസ്  57 (+/-8), മറ്റുള്ളവർ 00  (+/-3)

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.