Air India Cockpit Incident Update: ദുബായ്-ഡൽഹി വിമാനത്തില്‍ പൈലറ്റ് വനിതാ സുഹൃത്തിനെ കോക്ക്പിറ്റിനുള്ളിൽ സമയം ചിലവഴിക്കാന്‍ അനുവദിച്ച സംഭവത്തിൽ കര്‍ശന നടപടി കൈക്കൊണ്ട് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (Directorate General of Civil Aviation (DGCA).
Also Read: Love life: പ്രണയം ഈ രാശിക്കാര്‍ക്ക് കിട്ടാക്കനി, ജീവനുതുല്യം പങ്കാളിയെ സ്നേഹിച്ചാലും ഈ രാശിക്കാര്‍ ദുഖിതര്‍
നടപടിയുടെ ഭാഗമായി എയർ ഇന്ത്യ പൈലറ്റിനെ മൂന്ന് മാസത്തേയ്ക്ക് സസ്‌പെന്‍ഡ് ചെയ്തു. കൂടാതെ, എയര്‍ ഇന്ത്യയ്ക്ക് ഡി.ജി.സി.എ. 30 ലക്ഷം രൂപ പിഴയും ചുമത്തി.
Also Read: The KeralaStory Ban: 'ദ് കേരള സ്റ്റോറി' നിരോധിച്ചതില്‍ പശ്ചിമ ബംഗാളിനും തമിഴ് നാടിനും സുപ്രീം കോടതി നോട്ടീസ്
സംഭവം സംബന്ധിച്ച പരാതി ലഭിച്ച ഉടന്‍ തന്നെ DGCA നടപടികളിലേയ്ക്ക് കടന്നിരുന്നു. എയര്‍ ഇന്ത്യ സിഇഒ കാംബെൽ വിൽസണിനും വിമാന സുരക്ഷാ മേധാവി ഹെൻറി ഡോണോഹോയ്ക്കും DGCA കാരണം കാണിക്കൽ നോട്ടീസ് നൽകിയിരുന്നു.
ഫെബ്രുവരി 27 നാണ് സംഭവം നടക്കുന്നത്. എയർ ഇന്ത്യയുടെ ദുബായ്-ഡൽഹി വിമാനത്തില്‍ തന്‍റെ പെണ്‍സുഹൃത്തിനായി കോക്ക്പിറ്റില്‍ പൈലറ്റ് പ്രത്യേക "സൗകര്യങ്ങള്‍" ഒരുക്കി.
പൈലറ്റിനെതിരെ കാബിന്‍ ക്രൂ അംഗങ്ങളാണ് പരാതി നല്‍കിയത്.
ഒരു എയർ ഹോസ്റ്റസ് പരാതി നല്‍കിയതോടെയാണ് സംഭവം പുറത്തറിയുന്നത്. എയർ ഇന്ത്യ ഫ്‌ളൈറ്റ് എഐ-915-ന്‍റെ പൈലറ്റ് തന്‍റെ വനിതാ സുഹൃത്തിന് കോക്‌പിറ്റിൽ 'സുഖകരമായ സ്വീകരണമുറി' പോലെയുള്ള ഒരു അനുഭവം സൃഷ്ടിക്കാൻ ജീവനക്കാരോട് ആവശ്യപ്പെട്ടുവെന്നാണ് പരാതിയില്‍ പറഞ്ഞിരുന്നത്.
കൂടാതെ, വിമാനം പുറപ്പെടുന്നതിന് മുന്‍പേ തന്നെ പ്രശ്‌നങ്ങള്‍ ആരംഭിച്ചതായും റിപ്പോര്‍ട്ടിംഗ് സമയം കഴിഞ്ഞാണ് വിമാനത്തിലെ രണ്ടു പൈലറ്റുമാരും എത്തിച്ചേര്‍ന്നത് എന്നും യാത്രക്കാര്‍ക്കൊപ്പമാണ് അവരും വിമാനത്തിനുള്ളില്‍ പ്രവേശിച്ചതെന്നും ഡി.ജി.സി.എയ്ക്ക് ലഭിച്ച പരാതിയില്‍ പറയുന്നു.
ഫെബ്രുവരി 27 ന് നടന്ന സംഭവത്തില്‍ മാര്‍ച്ച് 3 ന് വനിതാ കാബിന്‍ ക്രൂ പരാതി നല്‍കിയത്. സംഭവം അന്വേഷിക്കാന്‍ എയര്‍ ഇന്ത്യ മൂന്നംഗ സമിതിയ്ക്ക് രൂപം നല്‍കിയിരുന്നു. റെഗുലേറ്ററിന്‍റെ സുരക്ഷാ നിർദ്ദേശങ്ങൾ ലംഘിച്ച് സംഭവത്തെക്കുറിച്ച് യഥാസമയം ഡിജിസിഎയ്ക്ക് റിപ്പോർട്ട് ചെയ്യാത്തതിന് ഏപ്രിൽ 21 ന് എയർ ഇന്ത്യ സിഇഒയ്ക്കും ഫ്ലൈറ്റ് സേഫ്റ്റി മേധാവിക്കും കാരണം കാണിക്കൽ നോട്ടീസ് നൽകി.
എന്താണ് സിവില്‍ ഏവിയേഷന്‍ നിയമങ്ങള്‍ പറയുന്നത് ?
DGCA CAR (ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ - സിവിൽ ഏവിയേഷൻ റെഗുലേഷൻസ്), എയർ ഇന്ത്യ ഓപ്പറേഷൻസ് മാനുവൽ എന്നിവ പ്രകാരം പ്രീഫ്ലൈറ്റ് BA ടെസ്റ്റ് (നിയമപ്രകാരം നടപ്പിലാക്കിയിരിക്കുന്നത്) നടത്തിയ അംഗീകൃത വ്യക്തികൾക്ക് മാത്രമേ കോക്ക്പിറ്റിൽ പ്രവേശിക്കാനും ഇരിക്കാനും കഴിയൂ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
