എയ്റോ ഷോ 2023: ഇന്ത്യയിലെ ഏറ്റവും വലിയ എയർഷോയുടെ പതിനാലാമത് എഡിഷൻ ബെംഗളൂരുവിൽ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. 2023 ഫെബ്രുവരി പതിമൂന്നിന് ആരംഭിച്ച അഞ്ച് ദിവസത്തെ എയ്റോ ഷോയിൽ വിവിധതരം മെയ്ഡ്-ഇൻ-ഇന്ത്യ പ്രതിരോധ വസ്തുക്കൾ പ്രദർശിപ്പിക്കും.
#WATCH | Light Combat Helicopter 'Prachand' performs aerobatic display at #AeroIndia in Bengaluru, Karnataka. pic.twitter.com/SxCFIDSrQD
— ANI (@ANI) February 13, 2023
1- രാജ്യത്തിന്റെ വികസിച്ചുകൊണ്ടിരിക്കുന്ന എയ്‌റോസ്‌പേസ്, പ്രതിരോധ ശേഷികളുടെ പ്രദർശനത്തിലൂടെ ശക്തവും സ്വതന്ത്രവുമായ പുതിയ ഇന്ത്യയുടെ വികസനം ഉയർത്തിക്കാട്ടുന്നതാകും എയ്റോ ഷോ.
2- ഈ വർഷത്തെ എയ്റോ ഷോയിൽ മുതിർന്ന സൈനിക ഉദ്യോഗസ്ഥരും പങ്കാളികളാകും. കഴിഞ്ഞ വർഷമാണ് ലൈറ്റ് കോംബാറ്റ് ഹെലികോപ്റ്റര്‍ സായുധ സേനയുടെ ഭാഗമായത്.
3- എയ്റോ ഇന്ത്യയിലെ പ്രധാന എക്‌സിബിറ്ററുകളിൽ എയർബസ്, ബോയിംഗ്, ദസ്സാൾട്ട് ഏവിയേഷൻ, ലോക്ക്ഹീഡ് മാർട്ടിൻ, ഇസ്രായേൽ എയ്‌റോസ്‌പേസ് ഇൻഡസ്‌ട്രി, ബ്രഹ്മോസ് എയ്‌റോസ്‌പേസ്, ആർമി ഏവിയേഷൻ, എച്ച്‌സി റോബോട്ടിക്‌സ്, സാബ്, സഫ്രാൻ, റോൾസ് റോയ്‌സ്, ലാർസൻ ആൻഡ് ടൂബ്രോ, ഭാരത് ഫോർജ് ലിമിറ്റഡ്, ഹിന്ദുസ്ഥാൻ എയറോനോട്ടിക്സ് ലിമിറ്റഡ് (HAL), ഭാരത് ഇലക്ട്രോണിക്സ് ലിമിറ്റഡ് (BEL), ഭാരത് ഡൈനാമിക്സ് ലിമിറ്റഡ് (BDL), ബിഇഎംഎൽ ലിമിറ്റഡ് എന്നിവ ഉൾപ്പെടുന്നു.
4- 98 രാജ്യങ്ങളുടെ പങ്കാളിത്തത്തിന് എയ്റോ ഷോ സാക്ഷ്യം വഹിക്കും. അന്താരാഷ്ട്ര, ഇന്ത്യൻ ഒറിജിനൽ ഉപകരണ നിർമ്മാതാക്കളുടെ 73 സിഇഒമാരും 32 രാജ്യങ്ങളിലെ പ്രതിരോധ മന്ത്രിമാരും 29 രാജ്യങ്ങളിൽ നിന്നുള്ള വ്യോമസേനാ മേധാവികളും ചടങ്ങിൽ പങ്കെടുക്കുമെന്ന് പ്രതീക്ഷിക്കുന്നു.
5- ബെംഗളൂരുവിലെ യലഹങ്ക എയർഫോഴ്‌സ് സ്റ്റേഷൻ സമുച്ചയത്തിൽ നടക്കുന്ന അഞ്ച് ദിവസത്തെ ഷോയിൽ 809 പ്രതിരോധ വ്യവസായങ്ങളും 98 രാജ്യങ്ങളിൽ നിന്നുള്ള പ്രതിനിധികളും പങ്കെടുക്കുമെന്നാണ് പ്രതീക്ഷിക്കുന്നത്.
6- 250 ബിസിനസ്-ടു-ബിസിനസ് ഡീലുകൾ എയ്റോ ഇന്ത്യയിൽ ഉണ്ടാകുമെന്ന് പ്രതീക്ഷിക്കുന്നു. ഇത് 75,000 കോടി രൂപയുടെ പുതിയ നിക്ഷേപം ഉണ്ടാക്കുമെന്നാണ് പ്രതീക്ഷിക്കുന്നത്.
7- സിംഗിൾ എഞ്ചിൻ, ഭാരം കുറഞ്ഞ, മൾട്ടി-റോൾ സൂപ്പർസോണിക് യുദ്ധവിമാനമായ ഫുൾ ഓപ്പറേഷണൽ കപ്പബിലിറ്റി (എഫ്‌ഒസി) കോൺഫിഗറേഷനിലുള്ള ഫുൾ സ്കെയിൽ എയർക്രാഫ്റ്റ് എൽസിഎ തേജസ് സെന്റർ സ്റ്റേജിലായിരിക്കും.
8- അഞ്ചാം തലമുറ അഡ്വാൻസ്ഡ് മീഡിയം കോംബാറ്റ് എയർക്രാഫ്റ്റ്, എൽസിഎ മാർക്ക്2, നേവൽ ട്വിൻ എഞ്ചിൻ ഡെക്ക് അധിഷ്ഠിത ഫൈറ്റർ ജെറ്റ് എന്നിവയുൾപ്പെടെ ഇന്ത്യയുടെ ഭാവി തദ്ദേശീയ വിമാനങ്ങളുടെ മോഡലുകൾ പ്രദർശിപ്പിക്കും. എല്ലാ വിമാനങ്ങളും നിർമാണത്തിന്റെ വിവിധ ഘട്ടങ്ങളിലാണ്.
9- എയ്റോ ഇന്ത്യയിൽ, HLFT-42 സൂപ്പർസോണിക് ട്രെയിനർ വിമാനത്തിന്റെ പൂർണ്ണ സ്കെയിൽ മോക്ക്അപ്പ് HAL പ്രദർശിപ്പിക്കുന്നു. ഒരു സമകാലിക കോംബാറ്റ് ട്രെയിനർ എന്ന നിലയിൽ വിമാനം വികസിപ്പിക്കാനും വിപണനം ചെയ്യാനും ഉദ്ദേശിച്ചാണ് പ്രവർത്തനങ്ങൾ നടക്കുന്നത്.
10- ഒരു ഇന്ത്യൻ സ്റ്റാർട്ടപ്പ് വികസിപ്പിച്ചെടുക്കുന്ന ജെറ്റ് പായ്ക്ക് ധരിച്ച ഒരു സൈനികന്റെ മാതൃക പ്രദർശിപ്പിച്ചിട്ടുണ്ട്. വടക്കൻ അതിർത്തിയിൽ വിന്യസിച്ചിരിക്കുന്ന സൈനികർക്കായി 48 ജെറ്റ്പാക്കുകൾ വാങ്ങാൻ ഇന്ത്യൻ സൈന്യം ടെൻഡർ നൽകിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
