പഴങ്ങൾ ആരോഗ്യകരവും പോഷകസമ്പന്നവുമാണ്. പഴങ്ങളിൽ സ്വാഭാവിക മധുരമാണ് ഉള്ളത്. മറ്റ് മധുരമുള്ള ഭക്ഷണങ്ങളെ അപേക്ഷിച്ച് പഴങ്ങൾ ആരോഗ്യത്തിന് നല്ലതാണ്. എന്നാൽ രാത്രിയിൽ പഴങ്ങൾ കഴിക്കുന്നത് ആരോഗ്യത്തിന് ദോഷം ചെയ്യുമോയെന്നതും പലരെയും കുഴക്കുന്ന ചോദ്യമാണ്. ആയുർവേദം അനുശാസിക്കുന്നത് വൈകുന്നേരം നാല് മണിക്ക് ശേഷം പഴങ്ങൾ കഴിക്കരുതെന്നാണ്. ഇതിന് വ്യക്തമായ കാരണങ്ങളും ഉണ്ട്. എന്താണ് രാത്രിയിൽ പഴങ്ങൾ കഴിക്കുന്നതുകൊണ്ടുള്ള ആരോഗ്യപ്രശ്നങ്ങൾ എന്ന് നോക്കാം.
രാത്രിയിൽ പഴങ്ങൾ കഴിക്കുന്നത് ഒഴിവാക്കണമെന്ന് പറയുന്നത് എന്തുകൊണ്ട്?
രാത്രിയിൽ പഴങ്ങൾ കഴിക്കുന്നത് രക്തത്തിലെ പഞ്ചസാരയുടെ അളവ് വർധിപ്പിക്കും. പല പഴങ്ങളിലും പഞ്ചസാര കൂടുതലാണ്. അത്താഴത്തിന് മുമ്പ് അവ കഴിക്കുന്നത് രക്തത്തിലെ പഞ്ചസാരയുടെ അളവ് വർധിപ്പിക്കും. ജനസംഖ്യയുടെ ഭൂരിഭാഗവും പ്രമേഹ രോഗത്താൽ ബുദ്ധിമുട്ടുന്നവരാണ്. ചില പഴങ്ങൾ കഴിക്കുന്നത് പ്രമേഹ രോഗികൾക്ക് അപകടസാധ്യത വർധിപ്പിക്കുന്നു. അതിനാൽ, ഉറങ്ങാൻ പോകുന്നതിന് മുൻപ് ചില പഴങ്ങൾ കഴിക്കുന്നത് ഒഴിവാക്കണം.
മറ്റ് പോഷകങ്ങളുടെ നഷ്ടം: പഴങ്ങൾ കൂടുതലായി കഴിക്കുമ്പോൾ മിക്ക ആളുകളും പച്ചക്കറികളും പ്രോട്ടീനുകളും പോലുള്ള മറ്റ് ഭക്ഷണങ്ങൾ ഒഴിവാക്കുന്നു. കാരണം, ഭക്ഷണക്രമം നിയന്ത്രിക്കുന്നതിനൊപ്പം പഴങ്ങൾ കൂടുതലായി കഴിക്കുന്നു. എന്നാൽ, പോഷകങ്ങൾ അടങ്ങിയിട്ടുള്ള മറ്റ് ഭക്ഷണങ്ങൾ ഒഴിവാക്കുന്നത് ആരോഗ്യത്തെ ദോഷകരമായി ബാധിച്ചേക്കാം.
ALSO READ: Stomach Cancer: വയറിലെ കാൻസ‍റിന്റെ ലക്ഷണങ്ങൾ; ഈ പത്ത് ലക്ഷണങ്ങൾ അവഗണിക്കരുത്
ഉറക്കം തടസപ്പെട്ടേക്കാം: ഉറങ്ങാൻ പോകുന്നതിന് തൊട്ടുമുമ്പ് അത്താഴസമയത്ത് പഴങ്ങൾ കഴിക്കുന്നത് കൂടുതൽ ഊർജ്ജസ്വലനാകാൻ സഹായിക്കും. ഇത് ഉറക്കത്തെ തടസപ്പെടുത്തും. ശരിയായ ഉറക്കം ലഭിക്കില്ല. പ്രഭാതഭക്ഷണത്തിന് പഴങ്ങൾ കഴിക്കണം, കാരണം അവ ശരീരത്തിലെ ഊർജം വർധിപ്പിക്കും. ക്ഷീണം തോന്നാതെ ദിവസം മുഴുവൻ പ്രവർത്തിക്കാൻ സഹായിക്കും.
ശരീരഭാരം വർധിക്കാൻ സാധ്യത: പഴങ്ങളിൽ പൊതുവെ കലോറി കുറവായതിനാൽ ഒരു കഷ്ണം കഴിച്ചാൽ കാര്യമായ ഭാരം വർധിക്കില്ല. എന്നിരുന്നാലും, ഓരോ ദിവസവും കിടക്കുന്നതിന് മുമ്പ് ഒരു ഇടത്തരം വലിപ്പമുള്ള വാഴപ്പഴം കഴിച്ചാൽ കലോറി അധികമാകും. ഇത് ഭാരം വർധിക്കാൻ ഇടയാക്കും.
ALSO READ: Dark Chocolate: ഡാർക്ക് ചോക്ലേറ്റ് ഹൃദയത്തിന്റെ ആരോഗ്യത്തിന് നല്ലതാണോ? ഹൃദ്രോഗമുള്ളവർ ശ്രദ്ധിക്കണം
പഴങ്ങൾ കഴിക്കാൻ ഏറ്റവും അനുയോജ്യമായ സമയം: രാവിലെ, പ്രഭാതഭക്ഷണത്തിനൊപ്പം പഴങ്ങൾ കഴിക്കുന്നത് നല്ലതാണ്. രാവിലെയും ഭക്ഷണത്തിനിടയിലും വെറും വയറ്റിൽ പഴങ്ങൾ കഴിക്കുന്നതാണ് നല്ലത്. വേഗത്തിൽ ദഹിക്കാനും പരമാവധി പോഷകങ്ങൾ സ്വാംശീകരിക്കാനും ഇതുവഴി സാധിക്കും. നാരുകൾ, വിറ്റാമിനുകൾ, ലളിതമായ പഞ്ചസാര എന്നിവയാണ് പഴങ്ങളിൽ അടങ്ങിയിരിക്കുന്നത്. വ്യായാമത്തിന് മുമ്പോ ശേഷമോ പഴങ്ങൾ കഴിക്കാം. ജോലി ചെയ്യുന്നതിനുമുമ്പ് നിങ്ങൾ പഴങ്ങൾ കഴിക്കുമ്പോൾ, പഴങ്ങളിലെ ലളിതമായ പഞ്ചസാര ശരീരം ഉടനടി ഊർജസ്വലമാകുന്നതിന് സഹായിക്കും. വ്യായാമത്തിന് ശേഷം പഴങ്ങൾ കഴിക്കുമ്പോൾ, വ്യായാമ വേളയിൽ ചെലുത്തിയ ഊർജത്തിന് പകരമായി പോഷകങ്ങൾ വേഗത്തിൽ ശരീരം സ്വാംശീകരിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
