Benefits of Tamarind: സന്ധി വേദന മുതൽ ഹൃദ്രോഗം വരെ... പുളിയുടെ അത്ഭുത ഔഷധ ഗുണങ്ങൾ!

നമ്മൾ പലപ്പോഴും അടുgക്കളയിൽ ഭക്ഷണത്തിന്റെ രുചിക്കായി ഉപയോ​ഗിക്കുന്ന പല സാധനങ്ങൾക്കും വലിയ ഔഷധ​ഗുണങ്ങളാണ് ഉള്ളത്. എന്നാൽ പലപ്പോഴും നമ്മൾ അത് അറിയുന്നില്ലെന്ന് മാത്രം. അത്തരത്തിൽ ഒരു ഭക്ഷണ സാധനമാണ് നമ്മൾ കറിയിൽ ചേർക്കുന്ന പുളി.   പുളിയിൽ ധാരാളം അവശ്യ പോഷകങ്ങൾ അടങ്ങിയിട്ടുണ്ട്. ഒന്നിലധികം വിധങ്ങളിൽ അവ നിങ്ങളുടെ മൊത്തത്തിലുള്ള ആരോഗ്യത്തിന് ഗുണം ചെയ്യും. 

സാമ്പാർ മുതൽ വിവിധ ദക്ഷിണേന്ത്യൻ വിഭവങ്ങൾ തയ്യാറാക്കാൻ പുളി പലപ്പോഴും ഉപയോഗിക്കുന്നു. ചട്ണി, കറി എന്നിവയുടെ പാചകത്തിലും ഇവ ചേർക്കുന്നുണ്ട്. മാത്രമല്ല ഭാരം കുറയ്ക്കാൻ ആ​ഗ്രഹിക്കുന്നവർ  പുളിവെള്ളവും കഴിക്കാറുണ്ട്. അതായത് കൃത്യമായ അളവിൽ ശരിയായ രീതിയിൽ പുളി കഴിച്ചാൽ അത് ശരീരത്തിന് പല ​ഗുണങ്ങളും ചെയ്യുന്നു. 

ആരോഗ്യകരമായ രക്തസമ്മർദ്ദം നിലനിർത്താൻ സഹായിക്കുന്ന പൊട്ടാസ്യത്തിന്റെയും മഗ്നീഷ്യത്തിന്റെയും നല്ല ഉറവിടമാണ് പുളി. കൂടാതെ, കൊളസ്ട്രോൾ അളവ് നിയന്ത്രിക്കാൻ സഹായിക്കുന്ന ഫ്ലേവനോയ്ഡുകൾ പോലുള്ള പോളിഫെനോളുകളും ഇതിൽ അടങ്ങിയിട്ടുണ്ട്. സന്ധിവേദനയെ ശമിപ്പിക്കാനുള്ള ശക്തി പുളിക്കുണ്ട്. പുളി അസ്ഥികളുടെ തേയ്മാനം കുറയ്ക്കുന്നു. അതിനാൽ, അസ്ഥികളുടെ തേയ്മാനം മൂലമുണ്ടാകുന്ന സന്ധിവാതം ഉടൻ നിയന്ത്രണവിധേയമാകും.  

ALSO READ: അവോക്കാഡോ എന്ന മാന്ത്രികപഴം..! അറിയണം ​ഗുണങ്ങൾ

കുടലിന്റെയും ദഹനത്തിന്റെയും പ്രവർത്തനത്തെ പുളി നിയന്ത്രിക്കുന്നു. ദഹനവ്യവസ്ഥയെ നിയന്ത്രിക്കുകയും ദഹനേന്ദ്രിയങ്ങളെ ശക്തിപ്പെടുത്തുകയും ചെയ്യുന്ന ഒരു ടോണിക്കാണ് പുളി. ശരീരത്തിലെയും കുടലിലെയും വിഷവസ്തുക്കളെ നീക്കം ചെയ്യുന്ന ഒരു ഡിടോക്സിഫയറായി ഇത് പ്രവർത്തിക്കുമെന്ന് പോഷകാഹാര വിദഗ്ധർ പറയുന്നു. 

വിറ്റാമിൻ സി, ആന്റിഓക്‌സിഡന്റുകൾ, ഫ്ലേവനോയിഡുകൾ, കരോട്ടീനുകൾ, മറ്റ് പോഷകങ്ങൾ എന്നിവയാൽ സമ്പന്നമായ പുളി നിങ്ങളുടെ രോഗപ്രതിരോധ സംവിധാനത്തിന്റെ പ്രവർത്തനം മെച്ചപ്പെടുത്തുന്ന നിരവധി ഗുണങ്ങളുണ്ട്. പുളിയിൽ അടങ്ങിയിരിക്കുന്ന ഒരു സവിശേഷ സംയുക്തത്തിന് കുമിളുകളെ നശിപ്പിക്കാനുള്ള കഴിവുണ്ട്. ആന്റിഫംഗൽ ഗുണങ്ങളാൽ സമ്പന്നമാണ് പുളി.  

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy 

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.