തിരുവനന്തപുരം: കണിയാപുരം കരിച്ചാറയില്‍ യുവതിയെ വീടിനുള്ളില്‍ മരിച്ചനിലയില്‍ കണ്ടെത്തിയത് കൊലപാതകമെന്ന് റിപ്പോർട്ട്. കഴുത്തിൽ കയർ മുറുക്കിയാണ് കൊലപ്പെടുത്തിയതെന്നാണ് പ്രാഥമിക നിഗമനം.
Also Read: ഒന്ന് ബ്രേക്കിട്ട് സ്വർണവില; പവന് ഇന്ന് 80 രൂപ കുറഞ്ഞു!
അയകെട്ടിയിരുന്ന കയർ പൊട്ടിച്ചെടുത്താണ് കൊലപാതകം നടത്തിയിരിക്കുന്നത്. ഷാനുവിന്റെ മാലയും കമ്മലും മൊബൈൽ ഫോണും കാണാനില്ല. തഹസിൽദാരുടെ സാന്നിദ്ധ്യത്തിൽ ഇൻക്വിസ്റ്റ് നടന്നു. കണ്ടല്‍ നിയാസ് മന്‍സിലില്‍ ഷാനുവിനെയാണ് മരിച്ചനിലയില്‍ കണ്ടെത്തിയത്.
വീട്ടിലെ ഹാളിൽ നിലത്തുകിടക്കുന്ന നിലയിലായിരുന്നു മൃതദേഹം കണ്ടത്. തിങ്കളാഴ്ച വൈകുന്നേരം അഞ്ചരമണിയോടെ സ്‌കൂളില്‍ നിന്നെത്തിയ കുട്ടികളാണ് ഷാനുവിനെ മരിച്ച നിലയിൽ കണ്ടെത്തിയത്. ഷാനുവിന്റെ ആദ്യഭര്‍ത്താവ് എട്ടുവര്‍ഷം മുന്‍പ് മരിച്ചു. കുറച്ചുനാളായി തമിഴ്നാട് സ്വദേശിയായ രങ്കൻ ഇവർക്കൊപ്പമാണ് താമസിച്ചിരുന്നത്.
Also Read: മകരസംക്രാന്തിയിൽ നവപഞ്ചമ യോഗം; ഇവർക്ക് ലഭിക്കും ധനവരവും ഡബിൾ നേട്ടങ്ങളും!
ഹോട്ടല്‍ ജീവനക്കാരനായ രങ്കനെ സംഭവശേഷം കാണാനില്ല. തിങ്കളാഴ്ച രാവിലെ ഷാനുവിന്റെ മക്കള്‍ സ്‌കൂളിലേക്കു പോകുമ്പോള്‍ ഇരുവരും വീട്ടിലുണ്ടായിരുന്നു. ആറ്റിങ്ങല്‍ ഡിവൈ.എസ്.പി. മഞ്ജുലാലിന്റെ നേതൃത്വത്തിലുള്ള മംഗലപുരം പോലീസ് സംഭവസ്ഥലത്തെത്തി അന്വേഷണം ആരംഭിച്ചിട്ടുണ്ട്. ഒളിവിൽ പോയ തമിഴ്നാട് സ്വദേശി രംഗനുവേണ്ടിയുള്ള തിരച്ചിൽ പോലീസ് ആരംഭിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
