New Delhi: രാജ്യത്തെ മറ്റ് ബാങ്കുകള്‍ക്ക് പിന്നാലെ സ്വകാര്യമേഖലയിലെ പ്രമുഖ ബാങ്കായ ഇന്‍ഡസ്ട്രിയല്‍ ഡെവലപ്‌മെന്‍റ് ബാങ്ക് ഓഫ് ഇന്ത്യയും (IDBI) സ്ഥിരനിക്ഷേപങ്ങളുടെ പലിശനിരക്ക് പുതുക്കിയിരിയ്ക്കുകയാണ്.
ഓഗസ്റ്റ് 16 മുതല്‍ മുന്‍കാല പ്രബല്യത്തോടെയാണ് IDBI Bank പലിശ നിരക്കുകളില്‍ മാറ്റം വരുത്തിയിരിക്കുന്നത്. 7 ദിവസം മുതല്‍ 10 വര്‍ഷം വരെയുള്ള 2 കോടിയില്‍ താഴെയുള്ള നിക്ഷേപങ്ങള്‍ക്ക് ഈ പുതുക്കിയ പലിശ നിരക്ക് ബാധകമാണ്.
സുവിധാ സ്ഥിരനിക്ഷേപം, നികുതിയിളവ് നല്‍കുന്ന സ്ഥിരനിക്ഷേപം എന്നിങ്ങനെ രണ്ടുതരം നിക്ഷേപങ്ങളാണ് IDBI ബാങ്ക് ഉപയോക്താക്കള്‍ക്കു വാഗ്ദാനം ചെയ്യുന്നത്. സുവിധാ പദ്ധതിക്കു കീഴില്‍ 7 ദിവസം മുതല്‍ 20 വര്‍ഷം വരെ കാലാവധിയുള്ള നിക്ഷേപങ്ങള്‍ സാധ്യമാണ്. അതേസമയം നികുതിയിളവുകള്‍ക്കായി അഞ്ചുവര്‍ഷത്തെ ലോക്ക് ഇന്‍ പിരീഡുള്ള നിക്ഷേപങ്ങള്‍ മാത്രമേ ബാങ്ക് ഉപയോക്താക്കള്‍ക്ക് നല്‍കുന്നുള്ളു.
7 ദിവസം മുതല്‍ 30 ദിവസം വരെ കാലാവധിയുള്ള നിക്ഷേപങ്ങള്‍ക്ക് 2.70% ആണ് പലിശ ബാങ്ക് വാഗ്ദാനം ചെയ്യുന്നത്. 31 മുതല്‍ 45 ദിവസം വരെയുള്ള നിക്ഷേപങ്ങള്‍ക്ക് 2.80% വും 46 ദിവസം മുതല്‍ 90 ദിവസം വരെയുള്ള നിക്ഷേപങ്ങള്‍ക്കും 91 ദിവസം മുതല്‍ ആറു മാസം വരെയുള്ള നിക്ഷേപങ്ങള്‍ക്കും യഥാക്രമം 3 ശതമാനവും 3.50 ശതമാനവും പലിശ ലഭിക്കും. ആറു മാസം മുതല്‍ ഒരു വര്‍ഷം വരെയുള്ള നിക്ഷേപങ്ങള്‍ക്ക് 4.30 ശതമാനം പലിശ ലഭിക്കും.
ഒരു വര്‍ഷത്തെ നിക്ഷേപങ്ങള്‍ക്ക് ബാങ്ക് 5.05%, ഒരു വര്‍ഷം മുതല്‍ രണ്ടു വര്‍ഷം വരെയുള്ള നിക്ഷേപങ്ങള്‍ക്ക് 5.15% രണ്ടു വര്‍ഷം മുതല്‍ മൂന്നു വര്‍ഷം വരെയുള്ള നിക്ഷേപങ്ങള്‍ക്ക് 5.20% പലിശയുമാണ് ബാങ്ക് വാഗ്ദാനം ചെയ്യുന്നത്. മൂന്നു മുതല്‍ അഞ്ചു വര്‍ഷം വരെയുള്ള നിക്ഷേപങ്ങള്‍ക്ക് 5.40 ശതമാനവും അഞ്ചു വര്‍ഷം മുതല്‍ 10 വര്‍ഷം വരെയുള്ള നിക്ഷേപങ്ങള്‍ക്ക് 5.25% പലിശയാണ് ലഭിക്കുക. എന്നാല്‍, 10 മുതല്‍ 20 വര്‍ഷം വരെയുള്ള നിക്ഷേപങ്ങള്‍ക്ക് 4.80% ശതമാനം പലിശ ലഭിക്കും.
അതേസമയം, മുതിർന്ന പൗരൻമാർക്ക് (Senior Citizen) രണ്ടുകോടി രൂപവരെയുള്ള നിക്ഷേപങ്ങള്‍ക്ക് എല്ലാ കാലവധിയിലും ബാങ്ക് 0.5% അധിക പലിശ നല്‍കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
