7th Pay Commission : സർക്കാർ ജീവനക്കാർക്ക് സന്തോഷവാർത്ത; ജൂലൈയിൽ ഡിഎ 39 ശതമാനമായി ഉയർന്നേക്കാം

ന്യൂഡൽഹി: കേന്ദ്ര സർക്കാർ ജീവനക്കാർക്ക് സന്തോഷ വാർത്ത. ജീവനക്കാരുടെ ക്ഷാമബത്ത വർധിപ്പിക്കാൻ ഒരുങ്ങുകയാണ് കേന്ദ്രം. വർഷത്തിൽ രണ്ട് തവണയാണ് ജീവനക്കാരുടെ ‍ഡിഎ കേന്ദ്ര സർക്കാർ ഉയർത്തുന്നത്. 

കേന്ദ്രം തങ്ങളുടെ ജീവനക്കാരുടെ ക്ഷാമബത്ത (ഡിഎ, ഡിആർ) വർധിപ്പിക്കാൻ ഒരുങ്ങുന്നു.  വർഷത്തിൽ രണ്ട് തവണയാണ് സർക്കാർ ജീവനക്കാരുടെ ഡിഎ ഉയർത്തുന്നത്. അതനുസരിച്ച് 2022 ജനുവരിയിൽ കേന്ദ്രം ക്ഷാമബത്ത മൂന്ന് ശതമാനം ഉയർത്തിയിരുന്നു. രാജ്യത്തെ വില കയറ്റം വിലയിരുത്തിയാണ് കേന്ദ്രത്തിന്റെ നടപടി. 

ഈ വർഷത്തെ രണ്ടാമത്തെ ഡിയർനസ് അലവൻസ് (ഡിഎ) വർധന ജൂലൈയിൽ ഉണ്ടാകുമെന്നാണ് റിപ്പോർട്ട്. നിലവിലെ വില കയറ്റവും പണപ്പെരുപ്പവും പരിഗണിച്ച് സർക്കാർ ഡിഎ നാല് ശതമാനം വർധിപ്പിച്ചേക്കുമെന്നായിരുന്നു ദേശീയ മാധ്യമങ്ങൾ റിപ്പോർട്ട് ചെയ്തിരുന്നത്. അത് പ്രകാരം ജീവനക്കാർക്ക് ലഭിക്കേണ്ടത് 38 ശതമാനം ഡിഎ ആണ്. എന്നാൽ പുതിയ റിപ്പോർട്ട് പ്രകാരം ഇത് ഉയർന്നേക്കുമെന്നാണ് വിവരം. ജനുവരിയിൽ 3% ഡിഎ വർധിപ്പിച്ചപ്പോൾ ജീവനക്കാരുടെ ക്ഷാമബത്ത 31ൽ നിന്ന് 34 ശതമാനത്തിലേക്ക് ഉയരുകയും ചെയ്തിരുന്നു. 

Also Read: 7th Pay Commission : സർക്കാർ ജീവനക്കാരുടെ ഡിഎ ഉടൻ വർധിക്കും; ശമ്പളം 27,000 രൂപ വരെ ഉയർന്നേക്കും

ഡിഎ 39 ആകുന്നതോടെ കേന്ദ്ര സർക്കാർ ജീവനക്കാർ നേരത്തെ പ്രതീക്ഷിച്ചതിലും വലിയ ശമ്പള വർധനവ് അവർക്കുണ്ടാകാം. നേരത്തെ പ്രതീക്ഷിച്ചിരുന്ന ഡിഎ വർദ്ധനവ് നാല് ശതമാനമായിരുന്നെങ്കിലും, വ്യവസായ തൊഴിലാളികൾക്കായുള്ള സമീപകാല അഖിലേന്ത്യാ ഉപഭോക്തൃ വില സൂചിക അല്ലെങ്കിൽ CPI(IW) ഡാറ്റ കാരണം ഈ കണക്ക് ഉയർന്നേക്കാം.

നിലവിൽ, ഡിഎ 34 ശതമാനമാണ്. ഇതിൽ 5 ശതമാനത്തിൽ കൂടുതലായിരിക്കും വർധനവ് ഉണ്ടായേക്കാമെന്നാണ് പുതിയ റിപ്പോർട്ട്. ഇത് 2022 ഏപ്രിലിലെ AICPI (ഓൾ-ഇന്ത്യ ഉപഭോക്തൃ വില സൂചിക) അടിസ്ഥാനമാക്കിയുള്ളതാണ്. അഞ്ച് ശതമാനം വർധിപ്പിച്ചാൽ പുതിയ ഡിഎ നിരക്ക് 39 ശതമാനമായി നിൽക്കും. ഇത് കേന്ദ്രത്തിന് കീഴിലുള്ള തൊഴിലാളികൾക്ക് വലിയ ഉത്തേജനം നൽകും. 2022-ലെ ആദ്യ ഡിഎ പരിഷ്‌കരണം മാർച്ചിൽ സർക്കാർ പ്രഖ്യാപിച്ചത് 3 ശതമാനം വർദ്ധനയോടെ നിരക്ക് 31 ശതമാനത്തിൽ നിന്ന് 34 ശതമാനമായി ഉയർത്തി.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...