ರಷ್ಯಾಕ್ಕೆ ವಿಮಾನದ ಬಿಡಿ ಭಾಗಗಳನ್ನು ಪೂರೈಸಲು ನಿರಾಕರಿಸಿದ ಚೀನಾ

ನವದೆಹಲಿ: ವಿಮಾನದ ಬಿಡಿಭಾಗಗಳ ಪೂರೈಕೆಗಾಗಿ, ರಷ್ಯಾ ಈಗ ಭಾರತ, ಟರ್ಕಿ ಮತ್ತು ಇತರ ದೇಶಗಳಿಂದ ನೆರವು ಪಡೆಯಲು ಯೋಜಿಸಿದೆ.ರಷ್ಯಾಕ್ಕೆ ವಿಮಾನದ ಭಾಗಗಳನ್ನು ಪೂರೈಸಲು ಚೀನಾ ನಿರಾಕರಿಸಿರುವ ಬೆನ್ನಲ್ಲೇ ಈಗ ರಷ್ಯಾ ಭಾರತದೆಡೆಗೆ ಮುಖ ಮಾಡಿದೆ ಎಂದು ಗ್ಲೋಬಲ್ ಡಿಫೆನ್ಸ್ ಕಾರ್ಪ್ ವರದಿ ಮಾಡಿದೆ.

ಇದನ್ನೂ ಓದಿ:ಮೊದಲೇ ಭಾರತೀಯರನ್ನು ವಾಪಸ್ ಯಾಕೆ ಕರೆ ತರಲಿಲ್ಲ?- ಪ್ರಧಾನಿ ಮೋದಿ ವಿರುದ್ಧ ದೀದಿ ವಾಗ್ದಾಳಿ

ರಷ್ಯಾದ ವಾಯುಯಾನ ವಲಯವು ಉಕ್ರೇನ್ ವಿರುದ್ಧದ ಯುದ್ಧಕ್ಕಾಗಿ ಪಾಶ್ಚಿಮಾತ್ಯ ನಿರ್ಬಂಧಗಳನ್ನು ದುರ್ಬಲಗೊಳಿಸಿದ ನಂತರ, ಚೀನಾ ಈ ನಿರ್ಧಾರವನ್ನು ತೆಗೆದುಕೊಂಡಿತು. ನಿರ್ಬಂಧಗಳ ಮಧ್ಯೆ ಚೀನಾ ವಿಮಾನದ ಭಾಗಗಳನ್ನು ಪೂರೈಸಲು ನಿರಾಕರಿಸಿದ ನಂತರ ರಷ್ಯಾದ ವಾಯು ಸಾರಿಗೆ ಸಂಸ್ಥೆ ರೊಸಾವಿಯಾಟ್ಸಿಯಾ ವಿಮಾನದ ಬಿಡಿಭಾಗಗಳ ಪೂರೈಕೆಗಾಗಿ ವಿವಿಧ ಪರ್ಯಾಯಗಳನ್ನು ಪರಿಗಣಿಸುತ್ತಿದೆ.

 "ನಾವು ವಿಮಾನಯಾನ ಸಂಸ್ಥೆಗಳಿಗೆ ಸ್ವಂತವಾಗಿ ಬಿಡಿಭಾಗಗಳ ಪೂರೈಕೆದಾರರನ್ನು ಹುಡುಕುವ ಕಾರ್ಯವನ್ನು ಮಾಡಿದ್ದೇವೆ. ನನಗೆ ತಿಳಿದಿರುವಂತೆ, ಚೀನಾಕ್ಕೆ ವಿನಂತಿಯನ್ನು ಮಾಡಲಾಗಿದೆ ಎಂಬ ಮಾಹಿತಿಯಿದೆ, ಆದರೆ ಚೀನಾ ನಿರಾಕರಿಸಿದೆ" ಎಂದು ರೋಸಾವಿಯಾಟ್ಸಿಯಾ ಅಧಿಕಾರಿ ವ್ಯಾಲೆರಿ ಕುಡಿನೋವ್ ತಿಳಿಸಿದ್ದಾರೆ.

"ನಾವು ಇತರ ದೇಶಗಳಲ್ಲಿ ಅವಕಾಶಗಳಿಗಾಗಿ ಹುಡುಕುತ್ತಿದ್ದೇವೆ. ಬಹುಶಃ, ನಮ್ಮ ಪಾಲುದಾರರು, ಟರ್ಕಿ ಅಥವಾ ಭಾರತ (India) ದ ಮೂಲಕ ನೋಡುತ್ತಿದ್ದೆವೆ. ಪ್ರತಿಯೊಂದು ಕಂಪನಿಯು ತನ್ನದೇ ಆದ ಒಪ್ಪಂದವನ್ನು ತಲುಪುತ್ತದೆ ಆದರೆ ನಾವು (ರೋಸಾವಿಯಾಟ್ಸಿಯಾ) ಈ ಭಾಗಗಳನ್ನು ಕಾನೂನುಬದ್ಧಗೊಳಿಸಲು ಸಹಾಯ ಮಾಡುತ್ತೇವೆ" ಎಂದು ಕುಡಿನೋವ್ ಹೇಳಿದರು.

ಇದನ್ನೂ ಓದಿ: ಬಿಜೆಪಿ ಪ್ರಜಾಪ್ರಭುತ್ವವನ್ನು ನಾಶಪಡಿಸಲು ಯತ್ನಿಸುತ್ತಿದೆ- ಮಮತಾ ಬ್ಯಾನರ್ಜೀ

“ರಷ್ಯಾ (Russia)ದ ವಿಮಾನಯಾನ ಸಂಸ್ಥೆಗಳು ಬಳಸುವ ಹೆಚ್ಚಿನ ವಿಮಾನಗಳು ಬೋಯಿಂಗ್ ಮತ್ತು ಏರ್‌ಬಸ್‌ನಿಂದ ತಯಾರಿಸಲ್ಪಟ್ಟಿದೆ.ಈ ತಿಂಗಳ ಆರಂಭದಲ್ಲಿ, ಬೋಯಿಂಗ್ ಮತ್ತು ಏರ್‌ಬಸ್ ಅವರು ಉಕ್ರೇನ್‌ನ ಆಕ್ರಮಣಕ್ಕೆ ಪ್ರತಿಕ್ರಿಯೆಯಾಗಿ ರಷ್ಯಾಕ್ಕೆ ವಿಮಾನದ ಬಿಡಿಭಾಗಗಳ ಪೂರೈಕೆಯನ್ನು ನಿಲ್ಲಿಸುವುದಾಗಿ ಘೋಷಿಸಿದವು, ”ಎಂದು ಕುಡಿನೋವ್ ಹೇಳಿದರು.

ಇವೆರಡನ್ನು ಹೊರತುಪಡಿಸಿ, ವಿಮಾನಯಾನ ವಲಯದ ಇತರ ಹಲವು ಕಂಪನಿಗಳು ದೇಶದೊಂದಿಗಿನ ತಮ್ಮ ಸಂಬಂಧಗಳನ್ನು ಕಡಿತಗೊಳಿಸಿವೆ ಎಂದು ಗ್ಲೋಬಲ್ ಡಿಫೆನ್ಸ್ ಕಾರ್ಪೊರೇಷನ್ ವರದಿ ಮಾಡಿದೆ. ಇತ್ತೀಚೆಗೆ, ರಷ್ಯಾದ ವಿದೇಶಾಂಗ ಸಚಿವಾಲಯವು ರಷ್ಯಾದ ಪ್ರಯಾಣಿಕ ವಾಹಕಗಳ ಸುರಕ್ಷತೆಯ ಬಗ್ಗೆ ತನ್ನ ಕಳವಳವನ್ನು ವ್ಯಕ್ತಪಡಿಸಿದೆ.ಈ ವಾರದ ಆರಂಭದಲ್ಲಿ, ರಷ್ಯಾದ ಧ್ವಜ ವಾಹಕ ಏರೋಫ್ಲೋಟ್ ನೆರೆಯ ಬೆಲಾರಸ್ ಅನ್ನು ಹೊರತುಪಡಿಸಿ ತನ್ನ ಎಲ್ಲಾ ಅಂತರರಾಷ್ಟ್ರೀಯ ವಿಮಾನ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿತು.

ಏತನ್ಮಧ್ಯೆ, ಪಶ್ಚಿಮದಿಂದ ಅದರ ಮೇಲೆ ಹೇರಿದ ನಿರ್ಬಂಧಗಳಿಗೆ ಪ್ರತೀಕಾರವಾಗಿ, ರಷ್ಯಾ ಈಗ ವಿಮಾನ ಮತ್ತು ಡ್ರೋನ್‌ಗಳ ರಫ್ತುಗಳನ್ನು ನಿಷೇಧಿಸಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.