Aditya-L1: ಇಸ್ರೋ ಹಾಗೂ ಇಡೀ ಭಾರತಕ್ಕೆ ಇಂದು ಅತ್ಯಂತ ಮಹತ್ವದ ದಿನ. ಸೋಲಾರ್ ಮಿಷನ್ ಅಡಿಯಲ್ಲಿ ಇಸ್ರೋ ಕಳುಹಿಸಿರುವ ಆದಿತ್ಯ-L1 ಇಂದು ತನ್ನ ಗಮ್ಯಸ್ಥಾನ L1 ಪಾಯಿಂಟ್ ಅನ್ನು ತಲುಪಲಿದೆ, ಅಂದರೆ ಶನಿವಾರ ಸಂಜೆ ಸುಮಾರು 4 ಗಂಟೆಗೆ ಆದಿತ್ಯ-L1 ಸೂರ್ಯನ ಮೇಲೆ ಕಾಲಿಡುತ್ತಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು ಭೂಮಿಯಿಂದ ಸುಮಾರು 15 ಲಕ್ಷ ಕಿಲೋಮೀಟರ್ ದೂರದಲ್ಲಿರುವ ತನ್ನ ಅಂತಿಮ ಗಮ್ಯಸ್ಥಾನ ಕಕ್ಷೆಯ L1 ಪಾಯಿಂಟ್‌ನಲ್ಲಿ ಸೂರ್ಯನನ್ನು ಅಧ್ಯಯನ ಮಾಡಲು ದೇಶದ ಮೊದಲ ಬಾಹ್ಯಾಕಾಶ ಆಧಾರಿತ ಮಿಷನ್ 'ಆದಿತ್ಯ- L1' ಬಾಹ್ಯಾಕಾಶ ನೌಕೆಯನ್ನು ಸ್ಥಾಪಿಸಲು ಸಂಪೂರ್ಣ ಸಿದ್ಧತೆಗಳನ್ನು ಮಾಡಿದೆ.
ಏನಿದು ಲಗ್ರೇಂಜ್ ಪಾಯಿಂಟ್
ಇಸ್ರೋ ಪ್ರಕಾರ, ಬಾಹ್ಯಾಕಾಶ ನೌಕೆ ಆದಿತ್ಯ- L1 ಭೂಮಿಯಿಂದ ಸುಮಾರು 15 ಲಕ್ಷ ಕಿಲೋಮೀಟರ್ ದೂರದಲ್ಲಿರುವ ಸೂರ್ಯ-ಭೂಮಿ ವ್ಯವಸ್ಥೆಯ 'ಲಾಗ್ರೇಂಜ್ ಪಾಯಿಂಟ್ 1 (L1) ಸುತ್ತ 'ಹಾಲೋ' ಕಕ್ಷೆಯನ್ನು ತಲುಪಲಿದೆ. 'L1 ಪಾಯಿಂಟ್' ಭೂಮಿ ಮತ್ತು ಸೂರ್ಯನ ನಡುವಿನ ಒಟ್ಟು ಅಂತರದ ಸರಿಸುಮಾರು ಒಂದು ಶೇಕಡಾ. ಭೂಮಿ ಮತ್ತು ಸೂರ್ಯನ ನಡುವಿನ ಗುರುತ್ವಾಕರ್ಷಣೆಯು ತಟಸ್ಥವಾಗುವ ಪ್ರದೇಶವೇ 'ಲಗ್ರೇಂಜ್ ಪಾಯಿಂಟ್'. 'ಹಾಲೋ' ಕಕ್ಷೆಯು L1, L2 ಅಥವಾ L3 'ಲಾಗ್ರೇಂಜ್ ಪಾಯಿಂಟ್'ಗಳಲ್ಲಿ ಒಂದರ ಸಮೀಪವಿರುವ ಆವರ್ತಕ, ಮೂರು ಆಯಾಮದ ಕಕ್ಷೆಯಾಗಿದೆ.
ಇದನ್ನೂ ಓದಿ: ನಾಳೆಯೇ L-1 ಪಾಯಿಂಟ್ ತಲುಪಲಿದೆ ಆದಿತ್ಯ : ಸೂರ್ಯನ ಮೇಲೂ ರಾರಾಜಿಸುವುದು ಭಾರತ ಧ್ವಜ
ಸೂರ್ಯನನ್ನು ಅಧ್ಯಯನ ಮಾಡಲಾಗುವುದು
ಇಸ್ರೋ ಪ್ರಕಾರ, 'ಎಲ್ 1 ಪಾಯಿಂಟ್' ಸುತ್ತಲಿನ 'ಹಾಲೋ' ಕಕ್ಷೆಯಲ್ಲಿರುವ ಉಪಗ್ರಹದಿಂದ ಸೂರ್ಯನನ್ನು ನಿರಂತರವಾಗಿ ನೋಡಬಹುದಾಗಿದೆ. ಇದು ಸೌರ ಚಟುವಟಿಕೆಗಳನ್ನು ಮತ್ತು ನೈಜ ಸಮಯದಲ್ಲಿ ಬಾಹ್ಯಾಕಾಶ ಹವಾಮಾನದ ಮೇಲೆ ಅದರ ಪರಿಣಾಮವನ್ನು ವೀಕ್ಷಿಸಲು ಹೆಚ್ಚಿನ ಪ್ರಯೋಜನವನ್ನು ನೀಡುತ್ತದೆ. ಮತ್ತು ಶನಿವಾರ ಸಂಜೆ ಸುಮಾರು 4 ಗಂಟೆಗೆ ಆದಿತ್ಯ-ಎಲ್ 1 ಅನ್ನು ಎಲ್ 1 ಸುತ್ತ 'ಹಾಲೋ' ಕಕ್ಷೆಯಲ್ಲಿ ಇರಿಸಲಾಗುವುದು ಎಂದು ಇಸ್ರೋ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಆದಿತ್ಯ- L1 ಸೆಪ್ಟೆಂಬರ್ 2 ರಿಂದ ಪ್ರಯಾಣದಲ್ಲಿದೆ
ಇಸ್ರೋದ ಪೋಲಾರ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (PSLV-C57) ಸೆಪ್ಟೆಂಬರ್ 2 ರಂದು ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ (SDSC) ಎರಡನೇ ಉಡಾವಣಾ ಕೇಂದ್ರದಿಂದ ಆದಿತ್ಯ-L1 ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿತು. ಬಾಹ್ಯಾಕಾಶ ನೌಕೆಯು ವಿವಿಧ ಹಂತಗಳ ಮೂಲಕ ಸಾಗಿತು ಮತ್ತು ಭೂಮಿಯ ಪ್ರಭಾವದ ಗೋಳವನ್ನು ತಪ್ಪಿಸಿ, ಸೂರ್ಯ-ಭೂಮಿಯ 'ಲಾಗ್ರೇಂಜ್ ಪಾಯಿಂಟ್ 1' (L1) ಕಡೆಗೆ ಚಲಿಸಿತು ಎಂದು ಅವರು ಹೇಳಿದರು. 'ಆದಿತ್ಯ L1' ಅನ್ನು ಸೌರವ್ಯೂಹದ ದೂರಸ್ಥ ವೀಕ್ಷಣೆಗಾಗಿ ಮತ್ತು ಭೂಮಿಯಿಂದ ಸುಮಾರು 1.5 ಮಿಲಿಯನ್ ಕಿಲೋಮೀಟರ್ ದೂರದಲ್ಲಿರುವ 'L1' (ಸೂರ್ಯ-ಭೂಮಿಯ ಲಗ್ರಾಂಜಿಯನ್ ಪಾಯಿಂಟ್) ನಲ್ಲಿ ಸೌರ ಮಾರುತದ ನೈಜ ವೀಕ್ಷಣೆಗಳನ್ನು ನಡೆಸಲು ವಿನ್ಯಾಸಗೊಳಿಸಲಾಗಿದೆ.
ಇದನ್ನೂ ಓದಿ: ಸ್ಪೇಸ್‌ಎಕ್ಸ್‌ನಿಂದ ನಿಂದ ಉಪಗ್ರಹ ಉಡಾವಣೆ ಮಾಡಲಿರುವ ISRO ! ಇನ್ನೊಬ್ಬರ ಸಹಾಯ ಪಡೆಯುವ ಅನಿವಾರ್ಯತೆ ಎದುರುರಾಗಿದ್ದು ಯಾಕೆ ?
ಈ ಸನ್ ಮಿಷನ್‌ನ ಮುಖ್ಯ ಉದ್ದೇಶವೆಂದರೆ ಸೌರ ವಾತಾವರಣದಲ್ಲಿನ ಡೈನಾಮಿಕ್ಸ್, ಸೂರ್ಯನ ಕರೋನದ ಶಾಖ, ಸೌರ ಭೂಕಂಪಗಳು ಅಥವಾ ಸೂರ್ಯನ ಮೇಲ್ಮೈಯಲ್ಲಿ 'ಕರೋನಲ್ ಮಾಸ್ ಎಜೆಕ್ಷನ್' (CME), ಸೌರ ಜ್ವಾಲೆಗೆ ಸಂಬಂಧಿಸಿದ ಚಟುವಟಿಕೆಗಳನ್ನು ಅಧ್ಯಯನ ಮಾಡುವುದು, ಮತ್ತು ಅವುಗಳ ಪರಿಣಾಮಗಳನ್ನು ಕಂಡಿಹಿಡಿವುದು. ಅಲ್ಲದೇ ಭೂಮಿಯ ಸಮೀಪದಲ್ಲಿರುವ ಹವಾಮಾನಕ್ಕೆ ಸಂಬಂಧಿಸಿದ ಗುಣಲಕ್ಷಣಗಳು ಮತ್ತು ಸಮಸ್ಯೆಗಳನ್ನು ಅರ್ಥಮಾಡಿಕೊಳ್ಳವ ಉದ್ದೇಶವಾಗಿದೆ. ಮುಖ್ಯವಾಗಿ ಆದಿತ್ಯ ಎಲ್-1 ಯಶಸ್ಸಿನಿಂದ ಸೂರ್ಯನ ಎಲ್ಲಾ ರಹಸ್ಯಗಳು ಜಗತ್ತಿಗೆ ತಿಳಿಯಲಿವೆ ಎನ್ನಲಾಗಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
