ಬೆಂಗಳೂರು: ಮೊಬೈಲ್ ನಂಬರ್ ಬ್ಲಾಕ್ ಮಾಡುವುದಾಗಿ ಬೆದರಿಕೆ ಹಾಕುವ ನಕಲಿ ಕರೆಗಳ ಬಗ್ಗೆ TRAI ಬಳಕೆದಾರರಿಗೆ ಎಚ್ಚರಿಕೆ ನೀಡಿದೆ. ಸೈಬರ್ ಕಳ್ಳರು TRAI ಹೆಸರಿನಲ್ಲಿ ಈ ಕರೆಗಳನ್ನು ಮಾಡಿ ನಂಬರ್ ಬ್ಲಾಕ್ ಮಾಡುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ ಎಂದು ಟೆಲಿಕಾಂ ನಿಯಂತ್ರಕ ಹೇಳಿದೆ. TRAI ಅಂತಹ ಕರೆಗಳನ್ನು ನಕಲಿ ಎಂದು ಕರೆದಿದೆ ಮತ್ತು ನಿಯಂತ್ರಕವು ಯಾವುದೇ ವೈಯಕ್ತಿಕ ಟೆಲಿಕಾಂ ಗ್ರಾಹಕರ ಸಂಖ್ಯೆಯನ್ನು ಬಂದ್ ಮಾಡುತ್ತಿಲ್ಲ ಅಥವಾ ನಿರ್ಬಂಧಿಸುತ್ತಿಲ್ಲ ಎಂದು ಬಳಕೆದಾರರಿಗೆ ತಿಳಿಸಿದೆ. ಸೈಬರ್ ಅಪರಾಧಿಗಳಿಂದ ಇಂತಹ ಬೆದರಿಕೆ ಕರೆಗಳು ಬರುತ್ತಿವೆ. ಸೈಬರ್ ಅಪರಾಧಿಗಳು ಟೆಲಿಕಾಂ ಬಳಕೆದಾರರಿಗೆ ಬೆದರಿಕೆ ಹಾಕುವ ಮೂಲಕ ವೈಯಕ್ತಿಕ ಮಾಹಿತಿಯನ್ನು ಹೊರತೆಗೆಯಲು ಯತ್ನಿಸುತ್ತಿದಾರೆ, ಇದರಿಂದಾಗಿ ದೊಡ್ಡ ವಂಚನೆಯನ್ನು ಅವರು ಎಸಗುವ ಸಾಧ್ಯತೆ ಇದೆ ಎಂದು ಅದು ಹೇಳಿದೆ. (Technology News In Kannada)
ಹೇಳಿಕೆ ನೀಡಿದ ಟ್ರಾಯ್
ಕೆಲವು ಕಂಪನಿಗಳು/ಏಜೆನ್ಸಿಗಳು/ವ್ಯಕ್ತಿಗಳು TRAI ಹೆಸರಿನಲ್ಲಿ ನಕಲಿ ಕರೆಗಳನ್ನು ಮಾಡುವ ಮೂಲಕ ಜನರಿಗೆ ಬೆದರಿಕೆ ಹಾಕುತ್ತಿರುವುದು ನಮಗೆ ತಿಳಿದು ಬಂದಿದೆ ಎಂದು TRAI ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಅವರು ಜನರ ಮೊಬೈಲ್ ಸಂಖ್ಯೆಗಳನ್ನು ಮುಚ್ಚುವ ಮತ್ತು ನಿರ್ಬಂಧಿಸುವ ಬಗ್ಗೆ ಬೆದರಿಕೆ ಹಾಕುತ್ತಿದ್ದಾರೆ ಮತ್ತು ಅವರ ಸಂಖ್ಯೆಗಳನ್ನು ಟೆಲಿಮಾರ್ಕೆಟಿಂಗ್ ಸಂದೇಶಗಳಿಗೆ ಬಳಸಲಾಗುತ್ತಿದೆ. ಈ ಮೂಲಕ ಸೈಬರ್ ಕ್ರಿಮಿನಲ್ ಗಳು ಜನರನ್ನು ಬೆದರಿಸಿ ಸಿಮ್ ಕಾರ್ಡ್ ಗಾಗಿ ಬಳಸಿರುವ ಆಧಾರ್ ವಿವರಗಳನ್ನು ಪಡೆದುಕೊಳ್ಳುತ್ತಿದ್ದಾರೆ. ಈ ರೀತಿಯಾಗಿ, ಅವರ ಆಧಾರ್ ಕಾರ್ಡ್ ಅನ್ನು ದುರ್ಬಳಕೆ ಮಾಡುವ ಮೂಲಕ ಸೈಬರ್ ಅಪರಾಧವನ್ನು ಎಸಗಬಹುದು ಎಂದು ಹೇಳಿದೆ.
ಇದನ್ನೂ ಓದಿ-ನಿಮ್ಮ ಫೋನ್ ಗೆ ಈ 7 ಸಂದೇಶಗಳು ಬಂದರೆ, ಮರೆತೂ ಓಪನ್ ಮಾಡ್ಬೇಡಿ, ಇಲ್ದಿದ್ರೆ... ಖಾತೆ ಖಾಲಿ ಗ್ಯಾರಂಟಿ!
ಅಷ್ಟೇ ಅಲ್ಲ, ಈ ಕ್ರಿಮಿನಲ್‌ಗಳು ಬಳಕೆದಾರರಿಗೆ ಬೆದರಿಕೆ ಹಾಕುತ್ತಿದ್ದಾರೆ ಮತ್ತು ಸ್ಕೈಪ್ ವೀಡಿಯೊ ಕರೆಗಳಿಗೆ ಬರುವಂತೆ ಆಹ್ವಾನಿಸುತ್ತಿದ್ದಾರೆ. ಸಂಖ್ಯೆಯನ್ನು ನಿರ್ಬಂಧಿಸಲು ಮತ್ತು ಸಂಖ್ಯೆಯನ್ನು ಸ್ವಿಚ್ ಆಫ್ ಮಾಡಲು ನಿಯಂತ್ರಕರು ಈ ರೀತಿಯಲ್ಲಿ ಯಾವುದೇ ವೈಯಕ್ತಿಕ ಬಳಕೆದಾರರಿಗೆ ಕರೆ ಮಾಡುವುದಿಲ್ಲ ಎಂದು TRAI ಸ್ಪಷ್ಟಪಡಿಸಿದೆ. ಇದಲ್ಲದೆ, ಗ್ರಾಹಕರ ಸಂಖ್ಯೆಗಳನ್ನು ನಿರ್ಬಂಧಿಸುವ ಯಾವುದೇ ಏಜೆನ್ಸಿಯನ್ನು ನಾವು ನೇಮಿಸಿಕೊಂಡಿಲ್ಲ ಟೆಲಿಕಾಂ ನಿಯಂತ್ರಕ ಸ್ಪಷ್ಟಪಡಿಸಿದೆ. ಇಂತಹ ನಕಲಿ ಕರೆ ಮಾಡುವವರ ವಿರುದ್ಧ ಕಾನೂನಿನಡಿ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದೆ.
ಇದನ್ನೂ ಓದಿ-ವಾಟ್ಸ್ ಆಪ್ ಬಳಕೆದಾರರಿಗೊಂದು ಬ್ಯಾಡ್ ನ್ಯೂಸ್, ಇನ್ಮುಂದೆ ಆಪ್ ಬಳಸಲು ಹಣ ಪಾವತಿಸಬೇಕು?
ಕರೆಗಳು ಬಂದರೆ ಇಲ್ಲಿ ವರದಿ ಮಾಡಿ
ಯಾವುದೇ ಬಳಕೆದಾರರಿಗೆ ಇಂತಹ ಕರೆಗಳನ್ನು ಬಂದರೆ, ಅವರು ಟೆಲಿಕಾಂ ಆಪರೇಟರ್‌ಗಳನ್ನು ಸಂಪರ್ಕಿಸಬಹುದು ಎಂದು TRAI ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಇದಲ್ಲದೆ, ಅವರು ರಾಷ್ಟ್ರೀಯ ಸೈಬರ್ ಅಪರಾಧ ವರದಿ ಪೋರ್ಟಲ್ cybercrime.gov.in ಅಥವಾ ಸೈಬರ್ ಅಪರಾಧ ಸಹಾಯವಾಣಿ ಸಂಖ್ಯೆ 1930 ಗೆ ಕರೆ ಮಾಡಬಹುದು ಎಂದು ಹೇಳಿದೆ.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://t.co/lCSPNypK2U
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
