ನವದೆಹಲಿ: ಇನ್ಸ್ಟಂಟ್ ಮೆಸ್ಸೇಜಿಂಗ್ ಅಪ್ಲಿಕೇಶನ್ ವಾಟ್ಸಾಪ್ (WhatsApp) ತನ್ನ ಬಳಕೆದಾರರಿಗಾಗಿ ಹೊಸ ವೈಶಿಷ್ಟ್ಯಗಳ ನವೀಕರಣಗಳನ್ನು ತರುತ್ತಿದೆ. ಇದೇ ವೇಳೆ ಹೊಸ ವೈಶಿಷ್ಟ್ಯ ಫೇಸ್ ಅನ್ಲಾಕ್ ಶೀಘ್ರದಲ್ಲೇ ಅಪ್ಲಿಕೇಶನ್‌ನಲ್ಲಿ ಬರಲಿದೆ ಎಂಬ ಸುದ್ದಿ ಇದೆ. ಅಪ್ಲಿಕೇಶನ್‌ನ ಆಂಡ್ರಾಯ್ಡ್ ಬಳಕೆದಾರರು ಇಲ್ಲಿಯವರೆಗೆ ಫಿಂಗರ್ಪ್ರಿಂಟ್ ಲಾಕ್ ಅನ್ನು ಬಳಸುತ್ತಿದ್ದರು, ಆದರೆ ಈಗ ಅವರು ಶೀಘ್ರದಲ್ಲೇ ಫೇಸ್ ಅನ್ಲಾಕ್ ಸೌಲಭ್ಯವನ್ನು ಪಡೆಯಲಿದ್ದಾರೆ. ಈ ಫೇಸ್ ಅನ್ಲಾಕ್ ವೈಶಿಷ್ಟ್ಯವನ್ನು ಈಗಾಗಲೇ ಐಓಎಸ್ ಬಳಕೆದಾರರಿಗೆ ವಾಟ್ಸ್ ಆಪ್ ಪರಿಚಯಿಸಿದೆ.
ಇದನ್ನು ಓದಿ- ಬೇರೊಬ್ಬರ WhatsApp ಸ್ಟೇಟಸ್ ನಿಮಗೆ ಇಷ್ಟವಾಗಿದೆಯೆ? ಈ ರೀತಿ ಡೌನ್ಲೋಡ್ ಮಾಡಿ
ಶೀಘ್ರದಲ್ಲಿಯೇ ಬಿಡುಗಡೆಯಾಗಲಿದೆ ಈ ವೈಶಿಷ್ಟ್ಯ
ವಾಟ್ಸ್ ಆಪ್ ಅಪ್ಡೇಟ್ ಗಳ ಕುರಿತು ಮಾಹಿತಿ ನೀಡುವ ಬ್ಲಾಗ್ ವಾಟ್ಸಾಪ್‌ನ WABetaInfoಗೆ ಬೀಟಾ ಬಿಲ್ಡ್ 2.20.203.3 ನಲ್ಲಿ ಮುಂಬರುವ ವಾಟ್ಸ್ ಆಪ್ ನ ಈ ವೈಶಿಷ್ಟ್ಯದ ಕುರಿತು ಮಾಹಿಸಿ ಲಭಿಸಿದೆ. ಆದರೂ ಈ ವೈಶಿಷ್ಟ್ಯವನ್ನು ಯಾವಾಗ ಪ್ರಾರಂಭಿಸಲಾಗುವುದು ಎಂಬ ಬಗ್ಗೆ ಅಧಿಕೃತ ಮಾಹಿತಿ ಬಹಿರಂಗಗೊಂಡಿಲ್ಲ, ಆದರೆ ಶೀಘ್ರದಲ್ಲೇ ಈ ವೈಶಿಷ್ಟ್ಯವು ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಜಾರಿಗೊಳಿಸಲಾಗುತ್ತಿದೆ ಎಂದು ತಜ್ಯರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನು ಓದಿ- Facebook Messenger, ಇನ್‌ಸ್ಟಾಗ್ರಾಮ್‌ನಲ್ಲಿ ಹೊಸ ವೈಶಿಷ್ಟ್ಯ
ಫೋನ್ ಬದಲಾಯಿಸಿದರೂ ಕೂಡ ಇದು ಕಾರ್ಯನಿರ್ವಹಿಸಲಿದೆ
ವಾಟ್ಸ್ ಆಪ್ ನ ಈ ನೂತನ ವೈಶಿಷ್ಟ್ಯ ಫೋನ್ ಬದಲಾವಣೆಯ ಸಂದರ್ಭದಲ್ಲಿಯೂ ಕೂಡ ಕೆಲಸ ಮಾಡುತ್ತದೆ. ಅಂದರೆ, ಸ್ಮಾರ್ಟ್‌ಫೋನ್ ಬದಲಾಯಿಸಿದ ನಂತರವೂ ನೀವು ಹಳೆಯ ಫೋನ್‌ನ ಫೇಸ್ ಅನ್‌ಲಾಕ್‌ನೊಂದಿಗೆ ಅಪ್ಲಿಕೇಶನ್ ತೆರೆಯಲು ಸಾಧ್ಯವಾಗುತ್ತದೆ. ವರದಿಯ ಪ್ರಕಾರ, ವಾಟ್ಸಾಪ್ ಬೀಟಾ ಬಿಲ್ಡ್ 2.20.203.3 ಸಹ ಮೊದಲಿಗಿಂತ ಫಿಂಗರ್ಪ್ರಿಂಟ್ ಲಾಕ್ ಅನ್ನು ಮತ್ತಷ್ಟು ನವೀಕರಿಸಿದೆ ಎನ್ನಲಾಗಿದೆ.
ಇದನ್ನು ಓದಿ- Big news: ಈಗ ನೀವು WhatsApp ಮೂಲಕವೂ ಪೇಮೆಂಟ್ ಮಾಡಬಹುದು
ಫಿಂಗರ್ಪ್ರಿಂಟ್ ಬಿಟ್ಟರೆ ಹೊಸ ಆಪ್ಶನ್ ಇಲ್ಲ
ಫೇಸ್ ಅನ್ಲಾಕ್ ವೈಶಿಷ್ಟ್ಯದ ನಂತರ, ಅಪ್ಲಿಕೇಶನ್‌ನಲ್ಲಿನ ಫಿಂಗರ್ಪ್ರಿಂಟ್ ಲಾಕ್ ಆಯ್ಕೆಯನ್ನು ಬಯೋಮೆಟ್ರಿಕ್ ಲಾಕ್‌ಗೆ ಬದಲಾಯಿಸಲಾಗುತ್ತದೆ, ಏಕೆಂದರೆ ಈ ವೈಶಿಷ್ಟ್ಯವು ಲಾಕ್ ಅನ್ನು ಹೆಚ್ಚಿನ ರೀತಿಯಲ್ಲಿ ಅನ್ಲಾಕ್ ಮಾಡಲು ಸಾಧ್ಯವಾಗುತ್ತದೆ. ಫಿಂಗರ್ಪ್ರಿಂಟ್ ವಿಫಲವಾದರೆ ಅಥವಾ ಮುಖ ಗುರುತಿಸುವಿಕೆಯ ಸಂದರ್ಭದಲ್ಲಿ ನಿರ್ದಿಷ್ಟ ಗುರುತಿಸುವಿಕೆಯನ್ನು ಸಹ ವಾಟ್ಸಾಪ್ ಪರಿಗಣಿಸುತ್ತದೆ. ಈಗ ಇರುವ ವೈಶಿಷ್ಟ್ಯದ ಪ್ರಕಾರ, ಫಿಂಗರ್‌ಪ್ರಿಂಟ್‌ನೊಂದಿಗೆ ಅಪ್ಲಿಕೇಶನ್ ಅನ್ಲಾಕ್ ಆಗದಿದ್ದರೆ, ಬೇರೆ ಯಾವುದೇ ಆಯ್ಕೆ ಲಭ್ಯವಿಲ್ಲ.
