Shocking: ಕೇವಲ 3x4 ಸೆಂ.ಮಿ ಗಾತ್ರದ ಈ ಬಟ್ಟೆಯಿಂದ ನೀವು 100 ಎಲ್ಇಡಿ ಬಲ್ಬ್ ಗಳನ್ನು ಉರಿಸಬಹುದಂತೆ

Electricity Generating Fabric to charge Small devices and light up to 100 LEDs: ಇಂದಿನ ತಂತ್ರಜ್ಞಾನದ ಯುಗದಲ್ಲಿ ತಂತ್ರಜ್ಞಾನ ಯಾವ ಮಟ್ಟಿಗೆ ಬೆಳೆಯುತ್ತಿದೆ ಎಂಬುದಕ್ಕೆ ನಾವೆಲ್ಲಾ ಸಾಕ್ಷಿಯಾಗಿದ್ದೇವೆ. ಇತ್ತೀಚೆಗಷ್ಟೇ ವಿಜ್ಞಾನಿಗಳು ತಂತ್ರಜ್ಞಾನವೊಂದನ್ನು ಅಭಿವೃದ್ಧಿಪಡಿಸಿದ್ದು, ಇದರಿಂದ ನೀವು ಕೇವಲ ಒಂದು 3x4 ಸೆಂ.ಮಿ ಗಾತ್ರದ ಒಂದು ಬಟ್ಟೆಯಿಂದ ವಿದ್ಯುತ್ತನ್ನು ಉತ್ಪಾದಿಸಬಹುದು ಎಂದು ಹೇಳಲಾಗಿದೆ. ಈ ಬಟ್ಟೆ ಉತ್ಪಾದಿಸುವ ವಿದ್ಯುತ್ ಶಕ್ತಿಯಿಂದ ನೀವು ಹಲವು ಸಣ್ಣ ಉಪಕರಣಗಳನ್ನು ಚಾರ್ಜ್ ಮಾಡಬಹುದು. ಅಷ್ಟೇ ಅಲ್ಲ ಇದರ ವಿದ್ಯುತ್ ಶಕ್ತಿಯಿಂದ ನೀವು 100 ಎಲ್ಇಡಿ ಬಲ್ಬ್ ಗಳನ್ನೂ ಕೂಡ ಉರಿಸಬಹುದು. ಹಾಗಾದರೆ ಬನ್ನಿ ಈ ವಿಶೇಷ ಬಟ್ಟೆ ಯಾವುದು ತಿಳಿದುಕೊಳ್ಳೋಣ.

ನಿಬ್ಬೇರಗಾಗಿಸುವ ತಂತ್ರಜ್ಞಾನ ಅಭಿವೃದ್ಧಿಪಡಿಸಿದ ವಿಜ್ಞಾನಿಗಳು Nanyang Technological University (NTU), Singapore  ವಿಜ್ಞಾನಿಗಳು ಈ ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದ್ದು, ಇದರಲ್ಲಿ 3x4 ಸೆಂ.ಮಿ ಗಾತ್ರದ ಬಟ್ಟೆಯ ಮೂಲಕ ವಿದ್ಯುತ್ ಉತ್ಪಾದಿಸಬಹುದು ಎನ್ನಲಾಗಿದೆ. ಈ ವಿದ್ಯುತ್ ಶಕ್ತಿಯಿಂದ ನಾವು ಸಣ್ಣ ಉಪಕರಣಗಳನ್ನು ಚಾರ್ಜ್ ಮಾಡಬಹುದು ಮತ್ತು 100 ಎಲ್ಇಡಿ ಬಲ್ಬ್ ಗಳನ್ನು ಉರಿಸಬಹುದು ಎಂದು ವಿಜ್ಞಾನಿಗಳು ತಮ್ಮ ವಾದ ಮಂಡಿಸಿದ್ದಾರೆ. ಈ ಬಟ್ಟೆ ಒಂದು ಸ್ಟ್ರೆಚೆಬಲ್ ಹಾಗೂ ವಾಟರ್ ಪ್ರೂಫ್ ಬಟ್ಟೆಯಾಗಿರಲಿದ್ದು, ಇದು ಮನುಷ್ಯರ ಶರೀರದಿಂದ ಕೂಡ ವಿದ್ಯುತ್ ಶಕ್ತಿಯನ್ನು ಉತ್ಪಾದಿಸಬಲ್ಲದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ. 'ಅಡ್ವಾನ್ಸ್ ಮಟೀರಿಯಲ್' ನಲ್ಲಿ ಪ್ರಕಟಗೊಂಡ ಒಂದು ಲೇಖನದಲ್ಲಿ ಈ ಕಾನ್ಸೆಪ್ಟ್ ಕುರಿತು ಉಲ್ಲೇಖಿಸಲಾಗಿದೆ.

3x4 ಸೆಂ.ಮಿ ಗಾತ್ರದ ಬಟ್ಟೆ ವಿದ್ಯುತ್ ಶಕ್ತಿ ಉತ್ಪಾದಿಸಬಲ್ಲದು
ಲೇಖನದ ಪ್ರಕಾರ, ಈ 3x4cm ಬಟ್ಟೆಯ ಮೇಲೆ ಟೈಪ್ ಮಾಡುವ ಮೂಲಕ ವಿದ್ಯುತ್ ಉತ್ಪಾದಿಸಬಹುದು ಎನ್ನಲಾಗಿದೆ. ಈ ಪ್ರಕ್ರಿಯೆಯನ್ನು ಎರಡು ರೀತಿಯಲ್ಲಿ ಪೂರ್ಣಗೊಳಿಸಬಹುದು. ಈ ಬಟ್ಟೆಯನ್ನು ಒತ್ತಿ ಅಥವಾ ಹಿಸುಕುವ ಮೂಲಕ ಪೀಜೋಎಲೆಕ್ಟ್ರಿಸಿಟಿಯನ್ನು ಉತ್ಪಾದಿಸಬಹುದು ಮತ್ತು ಈ ಬಟ್ಟೆಯನ್ನುಇತರ ಬಟ್ಟೆ ಅಥವಾ ನಮ್ಮ ಚರ್ಮಕ್ಕೆ ಸಂಪರ್ಕಿಸುವ ಮೂಲಕ ಟ್ರೈಬೋಎಲೆಕ್ಟ್ರಿಕ್ ಎಫೆಕ್ಟ್‌ನಿಂದ ವಿದ್ಯುತ್ ಅನ್ನು ಸಹ ಉತ್ಪಾದಿಸಬಹುದು.

ಇದನ್ನೂ ಓದಿ-Oukitel WP19- ಫುಲ್ ಚಾರ್ಜ್‌ನಲ್ಲಿ 7 ದಿನಗಳವರೆಗೆ ಕಾರ್ಯನಿರ್ವಹಿಸುತ್ತಂತೆ ಈ ಸ್ಮಾರ್ಟ್‌ಫೋನ್

ಈ ಬಟ್ಟೆಯನ್ನು ತೊಲಿಯುವುದರಿಂದ ಅಥವಾ ಅದನ್ನು ಮದಚುವುದರಿಂದ ಅದರ ಕಾರ್ಯಕ್ಷಮತೆಯ ಮೇಲೆ ಯಾವುದೇ ರೀತಿಯ ಪರಿಣಾಮ ಉಂಟಾಗುವುದಿಲ್ಲ ಎಂದು ಸಂಶೋಧಕರು ಹೇಳುತ್ತಾರೆ. ಇದಲ್ಲದೆ, ಐದು ತಿಂಗಳವರೆಗೆ ಈ ಬಟ್ಟೆಯ ಔಟ್ ಪುಟ್ ನಲ್ಲಿ  ಯಾವುದೇ ಕೊರತೆ ಎದುರಾಗುವುದಿಲ್ಲ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಇದನ್ನೂ ಓದಿ-ಈ ಸ್ಮಾರ್ಟ್ ಫೋನ್ ಗಳನ್ನೂ ಸುಲಭವಾಗಿ ಹ್ಯಾಕ್ ಮಾಡುವ ಹ್ಯಾಕರ್‌ಗಳು ..!

100 ಎಲ್ಇಡಿ ಬಲ್ಬ್ ಗಳನ್ನು ಬೆಳಗಬಹುದು!
ವಿಜ್ಞಾನಿಗಳ ಪ್ರಕಾರ, ಡಿಜಿಟಲ್ ವಾಚ್‌ಗಳು, ಫಿಟ್‌ನೆಸ್ ಬ್ಯಾಂಡ್‌ಗಳು ಮತ್ತು LCD ಸ್ಕ್ರೀನ್‌ಗಳಂತಹ ಅನೇಕ ಸಣ್ಣ ಎಲೆಕ್ಟ್ರಾನಿಕ್ ಸಾಧನಗಳನ್ನು ಈ ಬಟ್ಟೆಯಿಂದ ಚಾರ್ಜ್ ಮಾಡಬಹುದು ಎಂಬುದು ಇಲ್ಲಿ ಲ್ಲೆಖನೀಯ. ಈ ಬಟ್ಟೆಯನ್ನು ವಿದ್ಯುತ್ ಶಕ್ತಿ ಶೇಖರಣಾ ಸಾಧನಗಳೊಂದಿಗೆ ಸಂಯೋಜಿಸಬಹುದು. ಈ ಬಟ್ಟೆಯಿಂದ ಉತ್ಪಾದಿಸುವ ವಿದ್ಯುತ್‌ನಿಂದ 100 ಎಲ್‌ಇಡಿ ಬಲ್ಬ್‌ಗಳನ್ನು ಬೆಳಗಿಸಬಹುದು ಎಂದು ಹೇಳಲಾಗುತ್ತಿದೆ.

ಇದನ್ನೂ ನೋಡಿ- 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.