IPL 2021: ಕೊನೆಯ ಬಾಲ್‌ವರೆಗೂ ಕುತೂಹಲ, ರೋಮಾಂಚಕ ಪಂದ್ಯದಲ್ಲಿ ಆರ್‌ಸಿಬಿ ಗೆಲುವು

ಚೆನ್ನೈ:  ಕ್ರಿಕೆಟ್ ಅಭಿಮಾನಿಗಳ ಉತ್ಸವವಾದ ಐಪಿಎಲ್ ಪಂದ್ಯ ಎಪ್ರಿಲ್ 9ರಿಂದ ಆರಂಭವಾಗಿದೆ. ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು  (MI vs RCB) ನಡುವಿನ ಐಪಿಎಲ್ 2021ರ ಆರಂಭಿಕ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ  (Virat Kohli) ಆರ್‌ಸಿಬಿ ತಂಡ ಜಯಗಳಿಸಿದೆ. ರೋಹಿತ್ ಶರ್ಮಾ ಅವರ ಮುಂಬೈ ಇಂಡಿಯನ್ಸ್ ತಂಡವು ಮೊದಲ ಪಂದ್ಯದಲ್ಲಿ 2 ವಿಕೆಟ್‌ಗಳಿಂದ ಸೋಲನುಭವಿಸಿದೆ.

ರೋಚಕ ಪಂದ್ಯದಲ್ಲಿ ಆರ್‌ಸಿಬಿ ಗೆಲುವು:
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) 20 ನೇ ಓವರ್‌ನ ಕೊನೆಯ ಎಸೆತದಲ್ಲಿ 160 ರನ್‌ಗಳ ಗುರಿ ಸಾಧಿಸಿತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು  ಪರ ಎಬಿ ಡಿವಿಲಿಯರ್ಸ್ 27 ಎಸೆತಗಳಲ್ಲಿ 48 ರನ್ ಗಳಿಸಿದರು. ಕೊನೆಯ ಓವರ್ ಬಹಳ ರೋಮಾಂಚನಕಾರಿಯಾಗಿತ್ತು, ನಾಲ್ಕನೇ ಎಸೆತದಲ್ಲಿ ಡಿವಿಲಿಯರ್ಸ್ ರನ್ ಔಟ್ ಆಗಿದ್ದಾಗ, 2 ಎಸೆತಗಳಲ್ಲಿ ಗೆಲ್ಲಲು 2 ರನ್ ಗಳ ಆಗತ್ಯವಿತ್ತು. ಸಿರಾಜ್ ಮತ್ತು ಹರ್ಷಲ್ ಪಟೇಲ್ 1-1ರಿಂದ ಮುಂಬೈಯನ್ನು ಸೋಲಿಸಿದರು.

#RCB win the #VIVOIPL 2021 season opener against #MI by two wickets.

Scorecard - https://t.co/PiSqZirK1V #MIvRCB #VIVOIPL pic.twitter.com/87Cu6fkXO3

— IndianPremierLeague (@IPL) April 9, 2021

159 ರನ್ ಗಳಿಸಿದ ಮುಂಬೈ :
ಮುಂಬೈ ಇಂಡಿಯನ್ಸ್ (Mumbai Indians) ತಂಡವು ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ ನಷ್ಟಕ್ಕೆ 159 ರನ್ ಗಳಿಸಿತು. ಮುಂಬೈ ಪರ ಕ್ರಿಸ್ ಲಿನ್ ಹೆಚ್ಚು ರನ್ ಗಳಿಸಿದರು. ಅವರು 4 ಫೋರ್ ಮತ್ತು 3 ಸಿಕ್ಸರ್‌ಗಳ ಸಹಾಯದಿಂದ 35 ಎಸೆತಗಳಲ್ಲಿ ಅದ್ಭುತ 49 ರನ್ ಕಲೆಹಾಕಿದರು. ವಾಷಿಂಗ್ಟನ್ ಸುಂದರ್ ಅವರನ್ನು ಬೌಲ್ ಮಾಡಿದರು.

ಇದನ್ನೂ ಓದಿ - MI vs RCB IPL 2021: 'ಭಾರತದ ಅತೀ ಹೆಚ್ಚು ವಿಕೆಟ್ ಪಡೆದ ಆಟಗಾರನಾಗಬೇಕೆಂಬ ಕನಸಿದೆ'

ಹರ್ಷಲ್ ಪಟೇಲ್ ಮ್ಯಾಜಿಕ್ :
ಈ ಪಂದ್ಯದಲ್ಲಿ ಹರ್ಷಲ್ ಪಟೇಲ್ ಆರ್‌ಸಿಬಿ ನಾಯಕ ವಿರಾಟ್ ಕೊಹ್ಲಿಯ ನಿರೀಕ್ಷೆಗೆ ತಕ್ಕಂತೆ ಉತ್ತಮ ಆಟ ಆಡಿದರು. ಅವರು ತಮ್ಮ 4 ಓವರ್ ನಲ್ಲಿ 6.75 ಸರಾಸರಿಯಲ್ಲಿ 27 ರನ್ ನೀಡಿದರು ಮತ್ತು ಅವರ ಹೆಸರಿನಲ್ಲಿ 5 ವಿಕೆಟ್ ಪಡೆದರು. ಅವರು ಇಶಾನ್ ಕಿಶನ್, ಹಾರ್ದಿಕ್ ಪಾಂಡ್ಯ, ಕೀರನ್ ಪೊಲಾರ್ಡ್, ಕ್ರುನಾಲ್ ಪಾಂಡ್ಯ ಮತ್ತು ಮಾರ್ಕೊ ಜೆನ್ಸನ್ ಅವರನ್ನು ಔಟ್ ಮಾಡಿದರು.

Just ONE run off the last over. Fifer and an economy of 6️⃣.8️⃣.

You’re a 🌟, Harshal! 👏🏻 👏🏻 #PlayBold #WeAreChallengers #MIvRCB #DareToDream pic.twitter.com/fazyvpwSTl

— Royal Challengers Bangalore (@RCBTweets) April 9, 2021

ಮುಂಬೈ ವಿರುದ್ಧದ ಅತ್ಯುತ್ತಮ ಬೌಲಿಂಗ್ :
ಈ ಪಂದ್ಯದಲ್ಲಿ ಹರ್ಷಲ್ ಪಟೇಲ್  (Harshal Patel) ತಮ್ಮ ಐಪಿಎಲ್ ವೃತ್ತಿಜೀವನದ ಅತ್ಯುತ್ತಮ ಪ್ರದರ್ಶನ ನೀಡಿದರು. ಮುಂಬೈ ಇಂಡಿಯನ್ಸ್ ವಿರುದ್ಧದ ಅತ್ಯುತ್ತಮ ಬೌಲರ್‌ ಆಗಿ ಅವರು ಕಾಣಿಸಿಕೊಂಡರು. ಈ ಹಿಂದೆ ರೋಹಿತ್ ಶರ್ಮಾ (Rohit Sharma) ಅವರ ಹೆಸರಿನಲ್ಲಿ ಈ ದಾಖಲೆ ಇತ್ತು. 2009 ರಲ್ಲಿ ಡೆಕ್ಕನ್ ಚಾರ್ಜರ್ಸ್ ಪರ ಆಡಿದ್ದ ಅವರು 2 ಓವರ್‌ಗಳಲ್ಲಿ 6 ರನ್‌ಗಳಿಗೆ 4 ವಿಕೆಟ್ ಕಬಳಿಸಿ ಹೆಸರು ಮಾಡಿದ್ದರು.

ಇದನ್ನೂ ಓದಿ - world's Richest Cricketer: ವಿಶ್ವದ ಅತ್ಯಂತ 'ಶ್ರೀಮಂತ ಕ್ರಿಕೆಟಿಗರ ಟಾಪ್ 5 ಪಟ್ಟಿಯಲ್ಲಿ ಭಾರತದ ಮೂವರು ಆಟಗಾರರು!

ಹ್ಯಾಟ್ರಿಕ್ ತಪ್ಪಿಸಿಕೊಂಡ ಹರ್ಷಲ್ ಪಟೇಲ್ :
ಆರ್‌ಸಿಬಿ ಬೌಲಿಂಗ್ ಸಮಯದಲ್ಲಿ ಹರ್ಷಲ್ ಪಟೇಲ್ 20 ನೇ ಓವರ್‌ನಲ್ಲಿ 4 ವಿಕೆಟ್ ಪಡೆದರು. ಈ ಓವರ್‌ನ ಮೊದಲ, ಎರಡನೇ, ನಾಲ್ಕನೇ ಮತ್ತು ಆರನೇ ಎಸೆತದೊಂದಿಗೆ ಮುಂಬೈ ಇಂಡಿಯನ್ಸ್‌ನ 4 ಬ್ಯಾಟ್ಸ್‌ಮನ್‌ಗಳನ್ನು ಅವರು ಔಟ್ ಮಾಡಿದರು. ಹ್ಯಾಟ್ರಿಕ್ ತೆಗೆದುಕೊಳ್ಳಲು ಅವರಿಗೆ ಉತ್ತಮ ಅವಕಾಶವಿತ್ತು. ಆದರೆ ಈ ಮೈಲಿಗಲ್ಲು ಸಾಧಿಸುವುದನ್ನು ತಪ್ಪಿಸಿಕೊಂಡರು.

2013 ರಿಂದ ತಮ್ಮ ಮೊದಲ ಪಂದ್ಯವನ್ನು ಗೆದ್ದಿಲ್ಲ:
5 ಬಾರಿಯ ಐಪಿಎಲ್ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಅತ್ಯಂತ ಕೆಟ್ಟ ದಾಖಲೆಯನ್ನು ಹೊಂದಿದೆ. ಈ ಸೋಲಿನೊಂದಿಗೆ ಮುಂಬೈ ಇಂಡಿಯನ್ಸ್ (Mumbai Indians) ತಮ್ಮ ಮುಜುಗರದ ದಾಖಲೆಯನ್ನು ಉಳಿಸಿಕೊಂಡಿದೆ. ಐಪಿಎಲ್‌ನ ಅತ್ಯಂತ ಯಶಸ್ವಿ ತಂಡ ಮುಂಬೈ ಇಂಡಿಯನ್ಸ್ 2013 ರಿಂದ ಪಂದ್ಯಾವಳಿಯ ಮೊದಲ ಪಂದ್ಯವನ್ನು ಗೆದ್ದಿಲ್ಲ ಎಂದರೆ ಆಶ್ಚರ್ಯವನ್ನುಂಟು ಮಾಡುತ್ತದೆ. ಕೊನೆಯ ಬಾರಿಗೆ ಮುಂಬೈ 2012 ರಲ್ಲಿ ತಮ್ಮ ಮೊದಲ ಪಂದ್ಯವನ್ನು ಗೆದ್ದಿತು. ಆ ಸಮಯದಲ್ಲಿ, ಈ ತಂಡವು 3 ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 8 ವಿಕೆಟ್‌ಗಳಿಂದ ಜಯಗಳಿಸಿತ್ತು.