ನವದೆಹಲಿ: T20 ವಿಶ್ವಕಪ್ ಪ್ರಾರಂಭವಾಗುವ ಮೊದಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ದೊಡ್ಡ ನಿರ್ಧಾರವೊಂದನ್ನು ತೆಗೆದುಕೊಂಡಿದೆ. ಅಕ್ಟೋಬರ್ 1 ರಿಂದಲೇ ಕ್ರಿಕೆಟ್‌ನಲ್ಲಿ ಕೆಲವು ಹೊಸ ನಿಯಮಗಳು ಜಾರಿಗೆ ಬರಲಿವೆ. ಈ ಬದಲಾದ ನಿಯಮಗಳೊಂದಿಗೆ T20 ವಿಶ್ವಕಪ್ ಆಡಲಾಗುತ್ತದೆ. ಸೌರವ್ ಗಂಗೂಲಿ ನೇತೃತ್ವದ ಪುರುಷರ ಕ್ರಿಕೆಟ್ ಸಮಿತಿಯ ಶಿಫಾರಸುಗಳನ್ನು ಅಂಗೀಕರಿಸಿದ ನಂತರ ನಿಯಮಗಳನ್ನು ಬದಲಾಯಿಸಲಾಗಿದೆ.
ಕ್ಯಾಚ್‍ಔಟ್ ಆದಾಗ ಬ್ಯಾಟಿಂಗ್
ಐಸಿಸಿಯ ಹೊಸ ನಿಯಮಗಳ ಪ್ರಕಾರ, ಕ್ಯಾಚ್‍ಔಟ್ ಆದಾಗ ಹೊಸ ಬ್ಯಾಟ್ಸ್ ಮನ್ ಮಾತ್ರ ಬ್ಯಾಟಿಂಗ್ ಮಾಡುತ್ತಾರೆ. ಈ ಹಿಂದೆ ಬ್ಯಾಟ್ಸ್ಮನ್ ಕ್ಯಾಚ್‌ ಔಟ್ ಆದಾಗ ಕ್ರಿಸ್ ಬಿಟ್ಟಿದ್ದರೆ ನಾನ್‌ಸ್ಟ್ರೈಕರ್‌ ಬ್ಯಾಟ್ಸ್ಮನ್ ಬ್ಯಾಟಿಂಗ್ ಮಾಡುತ್ತಿದ್ದರು. ಈ ಪರಿಸ್ಥಿತಿಯಲ್ಲಿ ಹೊಸ ಬ್ಯಾಟ್ಸ್ಮನ್ ನಾನ್ ಸ್ಟ್ರೈಕ್ ಎಂಡ್‌ನಲ್ಲಿ ಬರುತ್ತಿದ್ದರು. ಆದರೆ ಈಗ ಸ್ಟ್ರೈಕ್ ಬದಲಾಯಿಸಿದ ನಂತರವೂ ಹೊಸ ಬ್ಯಾಟ್ಸ್ಮನ್ ಸ್ಟ್ರೈಕ್ ತೆಗೆದುಕೊಳ್ಳುತ್ತಾರೆ.
ಇದನ್ನೂ ಓದಿ: IND vs AUS: ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯಕ್ಕೆ ಏಕಾಏಕಿ ಎಂಟ್ರಿ ಕೊಟ್ಟ ಈ ಆಟಗಾರ..!
ಚೆಂಡು ಪಾಲಿಶ್ ಮಾಡುವುದಕ್ಕೆ ನಿಷೇಧ
ಕೊರೊನಾ ಹಿನ್ನೆಲೆ ಐಸಿಸಿ ಕಳೆದ 2 ವರ್ಷಗಳಿಂದ ಚೆಂಡಿನ ಮೇಲೆ ಉಗುಳುವುದನ್ನು ನಿಷೇಧಿಸಿತ್ತು. ಈಗ ಈ ನಿಯಮವನ್ನು ಶಾಶ್ವತವಾಗಿ ನಿಷೇಧಿಸಲಾಗಿದೆ. ಅಂದರೆ ಈಗ ಮುಂದಿನ ನಿಯಮವನ್ನು ಬದಲಾಯಿಸುವವರೆಗೆ ಯಾವುದೇ ಬೌಲರ್ ಚೆಂಡಿನ ಮೇಲೆ ಉಗುಳಲು ಸಾಧ್ಯವಾಗುವುದಿಲ್ಲ. ಚೆಂಡನ್ನು ಪಾಲಿಶ್ ಮಾಡದಿರುವ ನಿಯಮವನ್ನು 2020ರಲ್ಲಿ ಪರಿಚಯಿಸಲಾಗಿತ್ತು.
ಕೇವಲ 2 ನಿಮಿಷಗಳಲ್ಲಿ ಸಿದ್ಧವಾಗಬೇಕು
ಬ್ಯಾಟ್ಸ್ಮನ್ ಈಗ ಟೆಸ್ಟ್ ಮತ್ತು ODIಗಳಲ್ಲಿ 2 ನಿಮಿಷಗಳಲ್ಲಿ ಬ್ಯಾಟಿಂಗ್ ಮಾಡಲು ಸಿದ್ಧರಾಗಿರಬೇಕು. ಆದರೆ T20 ಸ್ವರೂಪದಲ್ಲಿ ಈ ಸಮಯವು ಕೇವಲ 90 ಸೆಕೆಂಡುಗಳಿರುತ್ತದೆ. ಈ ಮೊದಲು ಟೆಸ್ಟ್ ಮತ್ತು ODI ಪಂದ್ಯಗಳಲ್ಲಿ 3 ನಿಮಿಷಗಳ ಅವಧಿಯನ್ನು ಬಳಸಲಾಗುತ್ತಿತ್ತು ಮತ್ತು ಬ್ಯಾಟ್ಸ್ಮನ್ ಬಾರದಿದ್ದಾಗ ಫೀಲ್ಡಿಂಗ್ ಕ್ಯಾಪ್ಟನ್ ಸಮಯ ಮೀರುತ್ತಿದ್ದರು.
ಇದನ್ನೂ ಓದಿ: IND vs AUS: ಟೀಂ ಇಂಡಿಯಾ ಈ ಸಮಸ್ಯೆ ಸರಿಪಡಿಸದಿದ್ದರೆ ಆಸ್ಟ್ರೇಲಿಯಾ ವಿರುದ್ಧ ಸೋಲೋದು ಖಂಡಿತ!
ಫೀಲ್ಡರ್‌ನ ತಪ್ಪು ದಾರಿಯ ಚಲನೆ(Wrong Way Movement)ಗೆ ಶಿಕ್ಷೆ
ಫೀಲ್ಡಿಂಗ್ ಸಮಯದಲ್ಲಿ ಆಟಗಾರನು ಉದ್ದೇಶಪೂರ್ವಕವಾಗಿ ತಪ್ಪು ಚಲನೆಯನ್ನು ಮಾಡಿದರೆ ಬ್ಯಾಟ್ಸ್‌ಮನ್‌ಗೆ ಪೆನಾಲ್ಟಿಯಾಗಿ 5 ರನ್ ನೀಡಲಾಗುವುದು. ಮೊದಲು ಈ ಚೆಂಡನ್ನು ಡೆಡ್ ಬಾಲ್ ಎಂದು ಕರೆಯಲಾಗುತ್ತಿತ್ತು ಮತ್ತು ಬ್ಯಾಟ್ಸ್ಮನ್ ಹೊಡೆತವನ್ನು ರದ್ದುಗೊಳಿಸಲಾಗಿತ್ತು.
ಬ್ಯಾಟ್ಸ್‌ಮನ್‌ಗಳು ಪಿಚ್‌ನಿಂದಲೇ ಚೆಂಡನ್ನು ಹೊಡೆಯಬಹುದು
ಚೆಂಡು ಪಿಚ್‌ನಿಂದ ದೂರ ಬಿದ್ದರೆ, ಬ್ಯಾಟ್ಸ್ಮನ್ ಈಗ ಪಿಚ್‌ನಲ್ಲಿಯೇ ಇರಬೇಕಾಗುತ್ತದೆ. ಒಬ್ಬ ಬ್ಯಾಟ್ಸ್ಮನ್ ಪಿಚ್‌ನಿಂದ ಹೊರಗೆ ಹೋದರೆ, ಅಂಪೈರ್ ಅವನಿಗೆ ಡೆಡ್ ಬಾಲ್ ನೀಡುತ್ತಾನೆ. ಯಾವುದೇ ಬಾಲ್‌ನಲ್ಲಿ ಬ್ಯಾಟ್ಸ್ಮನ್ ಪಿಚ್‌ನಿಂದ ಹೊರಹೋಗಲು ಮತ್ತು ಶಾಟ್ ಆಡುವಂತೆ ಒತ್ತಾಯಿಸಿದರೆ ನೋ ಬಾಲ್ ನೀಡಲಾಗುತ್ತದೆ.
ಸ್ಲೋ ಓವರ್ ರೇಟ್ ನಿಯಮ
ಸ್ಲೋ ಓವರ್ ರೇಟ್ ನಿಯಮವನ್ನು ಜನವರಿ 2022 T20 ಫಾರ್ಮ್ಯಾಟ್‌ನಲ್ಲಿ ಜಾರಿಗೆ ತರಲಾಯಿತು. ಇದರಲ್ಲಿ ತಂಡಗಳಿಗೆ slow over rateಗೆ ದಂಡ ವಿಧಿಸಲಾಗುತ್ತಿತ್ತು. ಇದೀಗ ಏಕದಿನ ಪಂದ್ಯಗಳಿಗೂ ಈ ನಿಯಮ ಅನ್ವಯವಾಗಲಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
