8ನೇ ವೇತನ ಆಯೋಗದಲ್ಲಿ ವೇತನವನ್ನು ಗಗನಕ್ಕೇರಿಸುವುದೇ ಫಿಟ್‌ಮೆಂಟ್ ಫ್ಯಾಕ್ಟರ್ ! ಇದರ ಲೆಕ್ಕಾಚಾರ ಹೇಗೆ ? ಈ ಬಾರಿ ಎಷ್ಟು ಏರಿಕೆಯಾಗಲಿದೆ ಈ ಅಂಶ

1 /8

8ನೇ ವೇತನ ಆಯೋಗಕ್ಕೆ ಕೇಂದ್ರ ಸಚಿವ ಸಂಪುಟ ಅನುಮೋದನೆ ನೀಡುತ್ತಿದ್ದಂತೆ ಕೇಂದ್ರ ಸರ್ಕಾರಿ ನೌಕರರಲ್ಲಿ ಹರ್ಷ ಮೂಡಿದೆ.ಈ ಮೂಲಕ ಸರ್ಕಾರಿ ನೌಕರರ ಬಹುಕಾಲದ ಬೇಡಿಕೆ ಈಡೇರಿದೆ.

2 /8

8ನೇ ವೇತನ ಆಯೋಗ ಜಾರಿಗೆ ಬಂದರೆ ಮಾಸಿಕ ಆದಾಯ, ಪಿಂಚಣಿ ಮೊತ್ತ ಮತ್ತು ಭತ್ಯೆಗಳನ್ನು ಪರಿಷ್ಕರಿಸಲಾಗುವುದು.ಅದರಲ್ಲೂ 8ನೇ ವೇತನ ಆಯೋಗ ಜಾರಿಗೆ ಬಂದರೆ ಕೇಂದ್ರ ಸರ್ಕಾರಿ ನೌಕರರ ಮಾಸಿಕ ಆದಾಯ ಹಾಗೂ ಪಿಂಚಣಿದಾರರ ಪಿಂಚಣಿ ಭಾರೀ  ಪ್ರಮಾಣದಲ್ಲಿ ಏರಿಕೆಯಾಗಲಿದೆ. 

3 /8

ಇಲ್ಲಿ ವೇತನ ಏರಿಕೆಗೆ ಮೂಲ ಕಾರಣವಾಗುವುದು ಫಿಟ್ಮೆಂಟ್ ಫ್ಯಾಕ್ಟರ್. ಅಂದರೆ, ಈ ಫಿಟ್‌ಮೆಂಟ್ ಅಂಶ ಕಡಿಮೆಯಿದ್ದರೆ, ವೇತನ ಕಡಿಮೆಯಾಗುತ್ತದೆ, ಫಿಟ್‌ಮೆಂಟ್ ಅಂಶ ಹೆಚ್ಚಿದ್ದರೆ, ವೇತನವೂ ಹೆಚ್ಚಾಗುತ್ತದೆ.

4 /8

6ನೇ ವೇತನ ಆಯೋಗದ ಅವಧಿಯಲ್ಲಿ ಫಿಟ್‌ಮೆಂಟ್ ಅಂಶ 1.86 ಆಗಿತ್ತು. ಇದರಿಂದ ಸರಕಾರಿ ನೌಕರರ ಮೂಲ ವೇತನ 7 ಸಾವಿರ ರೂ.ಆಗಿತ್ತು. ನಂತರ ಫಿಟ್‌ಮೆಂಟ್ ಅಂಶವು 7 ನೇ ಪೇ ಬ್ಯಾಂಡ್‌ನಲ್ಲಿ 2.57 ಆಗಿದೆ. ಇದರಿಂದ ಮೂಲವೇತನ ರೂ.7 ಸಾವಿರದಿಂದ 18 ಸಾವಿರಕ್ಕೆ ಏರಿಕೆಯಾಗಿದೆ. ಈ ಪ್ರಕಾರ 8 ನೇ ವೇತನ ಆಯೋಗದಲ್ಲಿ ಫಿಟ್‌ಮೆಂಟ್ ಅಂಶವು 2.86 ಅಥವಾ ಅದಕ್ಕಿಂತ ಹೆಚ್ಚೇ ಇರಲಿದೆ.

5 /8

ಒಂದು ವೇಳೆ 8ನೇ ವೇತನ ಆಯೋಗದ ಫಿಟ್‌ಮೆಂಟ್ ಅಂಶವನ್ನು 2.86ಕ್ಕೆ ನಿಗದಿಪಡಿಸಿದರೆ ಮೂಲ ವೇತನ 18 ಸಾವಿರದಿಂದ 51 ಸಾವಿರದ 480ಕ್ಕೆ ಏರಿಕೆಯಾಗಲಿದೆ. ಪಿಂಚಣಿ 9 ಸಾವಿರದಿಂದ 25 ಸಾವಿರದ 740 ರೂ.ಗೆ ಏರಿಕೆಯಾಗುವ ನಿರೀಕ್ಷೆ ಇದೆ.   

6 /8

ಇದೇ ವೇಳೆ ಫಿಟ್‌ಮೆಂಟ್ ಅಂಶವನ್ನು 3.68ಕ್ಕೆ ನಿಗದಿಪಡಿಸಬೇಕು ಎಂದು ಸರಕಾರಿ ನೌಕರರ ಸಂಘ ಒತ್ತಾಯಿಸುತ್ತಿದೆ. ಇದು ಜಾರಿಗೆ ಬಂದರೆ  ಆದಾಯ ಮತ್ತಷ್ಟು ಹೆಚ್ಚಾಗಲಿದೆ.

7 /8

ಈ ಫಿಟ್‌ಮೆಂಟ್ ಅಂಶವು ಸರ್ಕಾರಿ ನೌಕರರ ಮಾಸಿಕ ಆದಾಯ ಮತ್ತು ಪಿಂಚಣಿದಾರರ ಪಿಂಚಣಿಯನ್ನು ಹಣದುಬ್ಬರಕ್ಕೆ ಅನುಗುಣವಾಗಿ ಹೊಂದಿಸಲು ಅನುಸರಿಸುವ ಪ್ರಮುಖ ಕಾರ್ಯವಿಧಾನವಾಗಿದೆ. ವಿವಿಧ ಅಂಶಗಳನ್ನು ಆಧರಿಸಿ, ಮೂಲ ಆದಾಯವನ್ನು ಹೆಚ್ಚಿಸಲಾಗುತ್ತದೆ ಮತ್ತು ಹೊಸ ವೇತನದ ಪ್ರಕಾರ ಲೆಕ್ಕಹಾಕಲಾಗುತ್ತದೆ.

8 /8

3.68ಕ್ಕೆ ಫಿಟ್‌ಮೆಂಟ್ ಅಂಶವನ್ನು ಹೆಚ್ಚಿಸುವಂತೆ ಸರ್ಕಾರಿ ನೌಕರರ ಸಂಘ ಒತ್ತಾಯಿಸುತ್ತಿದೆ.  ಸರ್ಕಾರದ ಆರ್ಥಿಕ ಸ್ಥಿತಿ ಮತ್ತು ಹಣದುಬ್ಬರ ದರವನ್ನು ಗಮನದಲ್ಲಿಟ್ಟುಕೊಂಡು ಫಿಟ್‌ಮೆಂಟ್ ಅಂಶವನ್ನು ಅಂತಿಮಗೊಳಿಸಲಾಗುತ್ತದೆ.