Rocky Aur Rani Kii Prem Kahani : ರಣವೀರ್ ಸಿಂಗ್ ಮತ್ತು ಆಲಿಯಾ ಭಟ್ ಅಭಿನಯದ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾಗಿದೆ. ಕರಣ್ ಜೋಹರ್ ಅವರ ಈ ಸಿನಿಮಾ ಫಸ್ಟ್‌ಲುಕ್‌ನಲ್ಲೇ ಜನರ ಗಮನ ಸೆಳೆಯುತ್ತಿದೆ. ಇಂದು ಈ ಸಿನಿಮಾ ಟ್ರೈಲರ್ ರಿಲೀಸ್‌ ಆಗಿದ್ದು, ಆಲಿಯಾ ರಣವೀತ್‌ ಕೆಮಿಸ್ಟ್ರೀ ಸಖತ್ತಾಗಿದೆ ಅಂತ ನೆಟ್ಟಿಗರು ಹೇಳುತಿದ್ದಾರೆ.
'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ರಣವೀರ್ ಮತ್ತು ಆಲಿಯಾ ಅವರ ಆನ್-ಸ್ಕ್ರೀನ್ ಕೆಮಿಸ್ಟ್ರಿ ಸಾಕಷ್ಟು ಗಮನ ಸೆಳೆಯುತ್ತಿದೆ.
'ಗಲ್ಲಿ ಬಾಯ್' ಜೋಡಿ ಸದ್ಯ ಕರಣ್ ಜೋಹರ್ ನಿರ್ದೇಶನ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಸಿನಿಮಾದ ಮೂಲಕ ಒಂದಾಗಿದ್ದಾರೆ.
ಅರಮನೆಯಲ್ಲಿ ವಾಸಿಸುವ ರಾಕಿ ರಾಂಧವಾ ಎಂಬ ಅಬ್ಬರದ ಪಂಜಾಬಿ ವ್ಯಕ್ತಿಯಾಗಿ ರಣವೀರ್ ಕಾಣಿಸಿಕೊಳ್ಳಲಿದ್ದರೆ. ಆಲಿಯಾ ರಾಣಿ ಚಟರ್ಜಿಯ ಪಾತ್ರವನ್ನು ನಿಭಾಯಿಸುತ್ತಿದ್ದಾರೆ.
ಮಂಗಳವಾರ ಚಿತ್ರದ ಟ್ರೈಲರ್ ರಿಲೀಸ್‌ ಆಗಿದೆ. ಅರಿಜಿತ್ ಸಿಂಗ್ ಮತ್ತು ಶ್ರೇಯಾ ಘೋಷಾಲ್ ಹಾಡಿರುವ ಚಿತ್ರದ ಮೊದಲ ಹಾಡು 'ತುಮ್ ಕ್ಯಾ ಮೈಲ್' ಬಿಡುಗಡೆಯಾದಾಗಿನಿಂದ ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ.
'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಕರಣ್ ಜೋಹರ್ ಅವರಿಗೆ ವಿಶೇಷ ಸಿನಿಮಾ. ಏಕೆಂದರೆ ಆರು ವರ್ಷಗಳ ವಿರಾಮದ ನಂತರ ಮತ್ತೇ ನಿರ್ದೇಶಕರ ಕುರ್ಚಿಗೆ ಕರಣ್ ಮರಳಿದ್ದಾರೆ.
ಬಹು ನಿರೀಕ್ಷಿತ ಪ್ರಣಯ ನಾಟಕ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಜುಲೈ 28 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
