Unlucky Zodiac Sign: ಹಿಂದೂ ಧರ್ಮದ ಹೊಸ ವರ್ಷ ಇಂದಿನಿಂದ ಪ್ರಾರಂಭವಾಗಿದೆ. ಶೋಭಕೃತ್ ಸಂವತ್ಸರ ಯುಗಾದಿ ಹಬ್ಬವನ್ನು ಇಂದು ಅದ್ಧೂರಿಯಾಗಿ ಆಚರಣೆ ಮಾಡಲಾಗಿದೆ. ಆದರೆ ಈ ಸಂವತ್ಸರದಲ್ಲಿ ಕೆಲ ರಾಶಿಗಳಿಗೆ ಭಾರೀ ಸಮಸ್ಯೆ ಎದುರಾಗಲಿದೆ. ಬರೀ ಕಹಿಯೇ ಈ ಮೂರು ರಾಶಿಯವರ ಜೀವನದಲ್ಲಿ ತುಂಬಲಿದೆ ಎಂದು ಜೋತಿಷ್ಯ ಹೇಳುತ್ತಿದೆ.
ಜ್ಯೋತಿಷ್ಯದ ಪ್ರಕಾರ, ರಾಹು ಮತ್ತು ಕೇತು ಗ್ರಹಗಳನ್ನು ಅತ್ಯಂತ ಕೆಟ್ಟ ಗ್ರಹಗಳು ಎಂದು ಪರಿಗಣಿಸಲಾಗುತ್ತದೆ. ಈ ರಾಹು ಕೇತು ಗ್ರಹಗಳು ಯಾವ ರಾಶಿಯನ್ನ ಪ್ರವೇಶಿಸಿದರೂ ಆ ಜಾತಕದಲ್ಲಿ ಕೆಟ್ಟ ಪ್ರಭಾವ ಖಂಡಿತ ಎಂದು ಹೇಳಲಾಗುತ್ತದೆ.
ಪ್ರತಿಯೊಂದು ಗ್ರಹವು ತನ್ನ ಪಥವನ್ನು ಬದಲಾಯಿಸುತ್ತದೆ. ಆಗ ಕೆಲವು ರಾಶಿಗಳಿಗೆ ಒಳಿತಾದರೆ, ಇನ್ನೂ ಕೆಲ ರಾಶಿಗಳಿಗೆ ಕೆಡುಕಾಗುತ್ತದೆ.
ಹಿಂದೂ ಪಂಚಾಂಗದಲ್ಲಿ ರಾಹು ಮತ್ತು ಕೇತು ಗ್ರಹವು ತನ್ನ ರಾಶಿಯನ್ನು ಬದಲಾಯಿಸಿದಾಗ, ಅದರ ಪರಿಣಾಮವು ಆಯಾ ರಾಶಿಗಳ ಮೇಲೆ ಬಹಳ ನಕಾರಾತ್ಮಕವಾಗಿ ಬೀರುತ್ತದೆ. ಇದೀಗ ಈ ಗ್ರಹಗಳ ಸಂಚಾರದಿಂದ ಹಲವು ರಾಶಿಯವರ ಜೀವನವು ನರಕವಾಗಬಹುದು. ಅಂತಹ ಮೂರು ರಾಶಿಗಳ ಬಗ್ಗೆ ಇಂದು ಮಾಹಿತಿ ನೀಡಲಿದ್ದೇವೆ.
ಮೇಷ ರಾಶಿ: ರಾಹು-ಕೇತುವಿನ ಸಂಚಾರದಿಂದ ಮೇಷ ರಾಶಿಯವರ ಜೀವನ ಅಲ್ಲೋಲ ಕಲ್ಲೋಲ ಆಗಬಹುದು. ಆರ್ಥಿಕ ಸಮಸ್ಯೆಗಳು, ಆರೋಗ್ಯ ಸಮಸ್ಯೆಗಳು, ವ್ಯವಹಾರದಲ್ಲಿ ನಷ್ಟ ಆಗುವ ಸಾಧ್ಯತೆಗಳಿವೆ. ಹೂಡಿಕೆ ಮಾಡಲು ಸಹ ಇದು ಸರಿಯಾದ ಸಮಯವಲ್ಲ. ಈ ಒಂದು ವರ್ಷ ನೀವು ಬಹಳ ಎಚ್ಚರಿಕೆಯಿಂದ ಇರಬೇಕಾಗುತ್ತದೆ.
ವೃಷಭ ರಾಶಿ: ಈ ರಾಶಿಯವರ ಮೇಲೂ ರಾಹು ಕೇತು ಪ್ರಭಾವ ಬೀರಲಿದೆ. ಮನೆಯಲ್ಲಿ ಸಹ ಅಶಾಂತಿ, ಸಂಗಾತಿಯ ಜೊತೆ ಮೈಮನಸ್ಸು, ಆರ್ಥಿಕ ನಷ್ಟ ಹೀಗೆ ಅನೇಕ ಸಮಸ್ಯೆಗಳು ಬರಬಹುದು.
ಕನ್ಯಾ ರಾಶಿಯವರಿಗೆ ನರಕಯಾತನೆ ತಪ್ಪಿದ್ದಲ್ಲ. ಉದ್ಯೋಗ, ವ್ಯವಹಾರಗಳಲ್ಲಿ ಅನೇಕ ಸಮಸ್ಯೆಗಳು ಎದುರಾಗುತ್ತದೆ. ಹಣದ ನಷ್ಟ, ಕುಟುಂದಲ್ಲಿ ಜಗಳ, ಸಾಲ ತೀರಿಸಲು ಪರದಾಡುವ ಸ್ಥಿತಿ ನಿರ್ಮಾಣವಾಗುವುದು. ಬಹಳ ಎಚ್ಚರದಿಂದ ಹೆಜ್ಜೆಯಿಡಿ.
ಈ ಮೂರು ರಾಶಿಗಳಲ್ಲದೆ, ಬಹುತೇಕ ಎಲ್ಲಾ ರಾಶಿಗಳಿಗೂ ಸಮಸ್ಯೆಯಾಗಲಿದೆ. ಹಾಗಾಗಿ ಬಹಳ ಎಚ್ಚರವಹಿಸುವುದು ಸೂಕ್ತ.
(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)
