ಬೆಂಗಳೂರು: ಕೆಜಿಎಫ್-1' ಹಾಗೂ 'ಕೆಜಿಎಫ್-2' ಮೂಲಕ ಇಡೀ ಜಗತ್ತಿನ ಗಮನ ಕನ್ನಡ ಸಿನಿಮಾ ಇಂಡಸ್ಟ್ರಿ ಮೇಲೆ ಬೀಳುವಂತೆ ಮಾಡಿದ 'ಹೊಂಬಾಳೆ' ಸಂಸ್ಥೆ, ಈಗ ದೊಡ್ಮನೆಯ ಮತ್ತೊಂದು ಕುಡಿಯನ್ನ ಸ್ಯಾಂಡಲ್‌ವುಡ್‌ಗೆ ಪರಿಚಯ ಮಾಡುತ್ತಿದೆ. ಯುವರಾಜ್ ನಾಯಕನಾಗಿ ನಟಿಸಲು ಸಿನಿಮಾ ಸಿದ್ಧವಾಗ್ತಾ ಇದ್ದು, ಈ ಸಿನಿಮಾಗೆ 'ವಿಶ್ವ ಸುಂದರಿ' ಎಂಟ್ರಿ ಕೊ‌ಡುತ್ತಿದ್ದಾರೆ ಎಂಬ ಸುದ್ದಿ ಬಲವಾಗಿ ಹರಿದಾಡುತ್ತಿದೆ.
ಅಂದ ಹಾಗೆ ಇತ್ತೀಚೆಗಷ್ಟೇ ನಟ ರಾಘವೇಂದ್ರ ರಾಜ್ ಕುಮಾರ್ ಅವರ ಮಗ ಯುವರಾಜ್ ಕುಮಾರ್ ಎಂಟ್ರಿ ಕನ್ಫರ್ಮ್‌ ಆಗಿತ್ತು. ಯುವರಾಜ್ ಸಿನಿಮಾ ಹೊಂಬಾಳೆ ಸಂಸ್ಥೆಯಿಂದ ನಿರ್ಮಾಣವಾಗುತ್ತಿದೆ. ಈ ಚಿತ್ರಕ್ಕೆ 'ವಿಶ್ವ ಸುಂದರಿ' ಪಟ್ಟ ಗಿಟ್ಟಿಸಿಕೊಂಡಿದ್ದ ಮಾನುಷಿ ಎಂಟ್ರಿಯಾಗಿದ್ದಾರೆ ಎನ್ನಲಾಗುತ್ತಿದೆ. ಯುವರಾಜ್ ಅವರಿಗೆ ನಾಯಕಿಯಾಗಿ ಮಾನುಷಿ ಚಿಲ್ಲರ್ ನಟಿಸಲಿದ್ದಾರೆ ಎಂಬ ಮಾತುಗಳು ಬಲವಾಗಿ ಕೇಳಿಬರುತ್ತಿವೆ.
ಇದನ್ನೂ ಓದಿ: Shocking News: ಹಳ್ಳದಲ್ಲಿ ತೇಲಿಬಂದ ಭ್ರೂಣಗಳು! ಬೆಚ್ಚಿಬಿದ್ದ ಬೆಳಗಾವಿ ಜನರು
'ವಿಶ್ವ ಸುಂದರಿ' ಪಟ್ಟ ಗಿಟ್ಟಿಸಿಕೊಂಡಿದ್ದ ಮಾನುಷಿ ಚಿಲ್ಲರ್ ಇದೀಗ ಸಖತ್‌ ಬ್ಯುಸಿಯಾಗಿದ್ದಾರೆ.ಮಾನುಷಿ ಚಿಲ್ಲರ್ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳು ಇವೆ. 2017ರಲ್ಲಿ 'ವಿಶ್ವ ಸುಂದರಿ' ಪಟ್ಟ ಗಿಟ್ಟಿಸಿಕೊಂಡಿದ್ದರು. ಇತ್ತೀಚೆಗಷ್ಟೇ ಮಾನುಷಿ ಚಿಲ್ಲರ್ ಹಾಗೂ ಅಕ್ಷಯ್ ಕುಮಾರ್ ಕಾಂಬಿನೇಷನ್‌ನ 'ಸಾಮ್ರಾಟ್ ಪೃಥ್ವಿರಾಜ್' ಸಿನಿಮಾ ರಿಲೀಸ್‌ ಆಗಿತ್ತು. ಇದೀಗ ಯುವರಾಜ್ ಅಭಿನಯದ ಸಿನಿಮಾಗೆ ಮಾನುಷಿ ಚಿಲ್ಲರ್ ಬರ್ತಿದ್ದಾರೆ ಎನ್ನಲಾಗಿದೆ.
A quick Rendezvous with our Miss World @ManushiChhillar at @Hombalefilms office, Bangalore.@VKiragandur pic.twitter.com/FdhJeSmgy3
— Hombale Films (@hombalefilms) June 24, 2022
ಸಖತ್‌ ಸದ್ದು..!
ಯುವರಾಜ್ ಎಂಟ್ರಿಗೆ ದೊಡ್ಡ ವೇದಿಕೆ ರೆಡಿಯಾಗಿದ್ದು, ಹೊಂಬಾಳೆ ಸಂಸ್ಥೆ ಕೂಡ ಇದಕ್ಕೆ ಬೇಕಾದ ಎಲ್ಲಾ ತಯಾರಿಗಳನ್ನ ಮಾಡಿಕೊಂಡಿದೆ. ಈ ಹಿಂದೆ ‘ನಿನ್ನಿಂದಲೇ’ ಸಿನಿಮಾದಿಂದ ಶುರುವಾದ ಹೊಂಬಾಳೆ ಸಂಸ್ಥೆಯ ಸಿನಿಮಾ ಪಯಣ, ‘ಮಾಸ್ಟರ್ ಪೀಸ್’, ‘ರಾಜಕುಮಾರ’ ಸಿನಿಮಾದಂತಹ ಬ್ಲಾಕ್‌ ಬಸ್ಟರ್‌ ಚಿತ್ರಗಳನ್ನ ನೀಡಿತ್ತು.
ಇದನ್ನೂ ಓದಿ: Gold-Sliver Price: ಗ್ರಾಹಕರಿಗೆ ಸಿಹಿ ಸುದ್ದಿ: ಇಂದಿನ ಚಿನ್ನ ಬೆಳ್ಳಿ ದರ ಗಮನಿಸಿ
‘ಕೆಜಿಎಫ್’ ಬಳಿಕ ಹೊಂಬಾಳೆ ಸಂಸ್ಥೆ ಜಗತ್ತಿನಾದ್ಯಂತ ದೊಡ್ಡ ಸದ್ದು ಮಾಡಿತ್ತು. ಕರ್ನಾಟಕ ರತ್ನ ಪುನೀತ್‌ ರಾಜ್‌ಕುಮಾರ್‌ ಅವರ ‘ಯುವರತ್ನ’ ಕೂಡ ದೊಡ್ಡ ಹಿಟ್‌ ಆಗಿತ್ತು. ಇದೀಗ ‘ಕಾಂತಾರ’ ಮತ್ತು ‘ರಾಘವೇಂದ್ರ ಸ್ಟೋರ್ಸ್’ ಬಿಡುಗಡೆಗೆ ಸಿದ್ಧವಾಗಿದೆ. ಹಾಗೂ ಹೊಂಬಾಳೆ ಫಿಲಂಸ್ ನಿರ್ಮಾಣದಲ್ಲಿ ‘ಸಲಾರ್’, ‘ಬಘೀರಾ’, ‘ರಿಚರ್ಡ್ ಆಂಟನಿ’, ‘ಟೈಸನ್’ ನಿರ್ಮಾಣ ಹಂತದಲ್ಲಿದೆ. ಈ ನಡುವೆ ಯುವರಾಜ್‌ಗೂ ಹೊಂಬಾಳೆ ಸಂಸ್ಥೆ ಸಿನಿಮಾ ನಿರ್ಮಿಸಲಿದೆ.
ಯುವರಾಜ್ ಅಭಿನಯಿಸುತ್ತಿರುವ ಚೊಚ್ಚಲ ಸಿನಿಮಾಗೆ ಸಂತೋಷ್ ಆನಂದ್ ರಾಮ್ ಅವರು ಆಕ್ಷನ್‌ & ಕಟ್‌ ಹೇಳಲಿದ್ದು, ಸದ್ಯದಲ್ಲೇ ಚಿತ್ರದ ಶೂಟಿಂಗ್‌ ಶುರುವಾಗಲಿದೆ. ಇದಕ್ಕಾಗಿ ಯುವರಾಜ್ ಕೂಡ ತಯಾರಿ ಆರಂಭಿಸಿದ್ದಾರೆ. ಈ ನಡುವೆ ಹೊಂಬಾಳೆ ಸಂಸ್ಥೆಯ ವಿಜಯ್ ಕಿರಗಂದೂರ್ ಅವರನ್ನ ವಿಶ್ವ ಸುಂದರಿ ಮಾನುಷಿ ಭೇಟಿ ಮಾಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ವೈರಲ್‌ ಆಗುತ್ತಿದೆ. ಮಾನುಷಿ ಚಿಲ್ಲರ್ ಕನ್ನಡ ಸಿನಿಮಾ ಎಂಟ್ರಿಗೆ ವೇದಿಕೆ ಸಿದ್ಧವಾಗಿದೆ ಎನ್ನಲಾಗ್ತಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
