ದಶಕಗಳಿಂದ ಸ್ಯಾಂಡಲ್‌ವುಡ್‌ನಲ್ಲಿ ಮಿಂಚುತ್ತಿರುವ ನಟ ಕಿಚ್ಚ ಸುದೀಪ್‌ ಸ್ಟೈಲಿಶ್‌ ಕಿಂಗ್‌ ಎಂದೂ ಹೆಸರುವಾಸಿಯಾಗಿದ್ದಾರೆ. ಬ್ರ್ಯಾಂಡೆಡ್‌ ಬಟ್ಟೆಗಳನ್ನು ಹಾಕಿಕೊಂಡು ಸಖತ್‌ ಲುಕ್‌ನಲ್ಲಿ ಸೂಪರ್‌ ಮಿಂಚುವ ಈ ನಟನಿಗೆ ಅಪಾರ ಅಭಿಮಾನಿ ಬಳಗವಿದೆ. ಇನ್ನೂ ಅತೀ ಶೀಘ್ರದಲ್ಲಿ ಕಿಚ್ಚ ಅಭಿನಯದ ವಿಕ್ರಾಂತ್ ರೋಣಾ ಸಿನಿಮಾ ತೆರೆಗೆ ಅಪ್ಪಳಿಸಲಿದೆ. ಈ ಸಿನಿಮಾದ 3ಡಿ ಟ್ರೈಲರ್‌ ಲಾಂಚ್‌ ಸಂದರ್ಭದಲ್ಲಿ ಕಿಚ್ಚ ತೊಟ್ಟ ಜಾಕೆಟ್ ಇದೀಗ ಸಖತ್‌ ಸದ್ದು ಮಾಡುತ್ತಿದೆ. ಅದಕ್ಕೆ ಕಾರಣ ಜಾಕೆಟ್‌ನ ಬೆಲೆ.
ಕಿಚ್ಚ ಸುದೀಪ್‌ ಸಿನಿಮಾ ರಂಗದಲ್ಲಿ ಸಾಕಷ್ಟು ಅಭಿಮಾನಿಗಳ ಬಳಗವನ್ನು ಹೊಂದಿದ್ದಾರೆ. ನಟನೆಯ ಜೊತೆಗೆ ಸ್ಟೈಲಿಶ್‌ ಲುಕ್‌ಗೆ ಸಹ ಆಗಾಗ ಸದ್ದು ಮಾಡುವ ನಟ, ಕಳೆದ ದಿನ ನಡೆದ ವಿಕ್ರಾಂತ್ ರೋಣಾ ಸಿನಿಮಾದ 3ಡಿ ಟ್ರೈಲರ್‌ ಲಾಂಚ್‌ ಸಂದರ್ಭದಲ್ಲಿ ತೊಟ್ಟಿದ್ದ ಜಾಕೆಟ್‌ಗೆ ಇದೀಗ ಸಖತ್‌ ಸುದ್ದಿಯಾಗುತ್ತಿದೆ.
ಸಿಂಪಲ್‌ ಲುಕ್‌ನಲ್ಲಿಯೂ ಸಖತ್‌ ಆಗಿ ಮಿಂಚಿದ್ದ ಕಿಚ್ಚ, ಬರೋಬ್ಬರಿ 23 ಸಾವಿರ ರೂ ಬೆಲೆಯ ಪುಲ್ಲೋವರ್‌ ಜಾಕೆಟ್ ತೊಟ್ಟಿದ್ದರು. ಆನ್‌ಲೈನ್‌ನಲ್ಲಿ ಈ ಜಾಕೆಟ್ ಬೆಲೆ ಡಾಲರ್‌ ಮತ್ತು ಯುರೋಗಳಲ್ಲಿ ಇದ್ದು, ಭಾರತೀಯ ಮೌಲ್ಯ 23,047ರೂ. ಇದೆ.
ಕಪ್ಪು ಮತ್ತು ಬೂದು ಬಣ್ಣದ ಕಾಂಬಿನೇಶನ್‌ ಹೊಂದಿರುವ ಈ ಪುಲ್ಲೋವರ್‌ ಉದ್ದನೆಯ ತೋಳು ಜೊತೆಗೆ ಟೋಪಿ ಹೊಂದಿದೆ.
ಈ ಪುಲ್ಲೋವರ್‌ ಹೆಸರಾಂತ ಬ್ರ್ಯಾಂಡ್‌ನದ್ದಾಗಿದೆ. ಕಿಚ್ಚ ಹೆಚ್ಚಾಗಿ ಎಂಪಾರಿಯೋ ಅರ್ಮಾನಿ ಬ್ಯ್ರಾಂಡ್‌ನ ಬಟ್ಟೆಗಳನ್ನು ಇಷ್ಟಪಡುತ್ತಾರೆ.
