ಈ ನಟಿ ಜೊತೆಗಿನ ರೋಮ್ಯಾನ್ಸ್ ವಿಚಾರದಲ್ಲಿ ಸುದ್ದಿಯಾದ ಹೃತಿಕ್ ರೋಶನ್...!

ಮುಂಬೈ: ಬಾಲಿವುಡ್ ನಟ ಹೃತಿಕ್ ರೋಶನ್ ಹಾಗೂ ಅವರ ಭಾವಿ ಪತ್ನಿ ಎಂದೇ ಬಿಂಬಿತವಾಗಿರುವ ಸಬಾ ಆಜಾದ್ ಈಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.ಈ ಜೋಡಿಗಳು ಪರಸ್ಪರ ಡೇಟಿಂಗ್ ಮಾಡುತ್ತಿದ್ದು, ಆದರೆ ಅವರು ಬಹಿರಂಗವಾಗಿ ಇದನ್ನೂ ಇನ್ನೂ ಅಧಿಕೃತಗೊಳಿಸಿಲ್ಲ.ಆದರೆ ಮಾಧ್ಯಮದಲ್ಲಿ ಈ ವಿಚಾರವಾಗಿ ಸಾಕಷ್ಟು ಊಹಾಪೋಹಗಳು ಹರಿದಾಡುತ್ತಿವೆ.

ಇದನ್ನೂ ಓದಿ: Upendra: ‘ಸಿನಿಮಾದಲ್ಲಿ ಸಿಗರೇಟ್ ಸೇವನೆ, ಜೂಜಿನ ಜಾಹೀರಾತು ತಪ್ಪು, ಸರ್ಕಾರದ ಅನುಮತಿ ಸರಿಯೇ..?’

ಕೆಲವು ದಿನಗಳ ಹಿಂದೆ ಈ ಜೋಡಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ಪರಸ್ಪರ ಕೈಹಿಡಿದುಹೋಗುತ್ತಿರುವ ಫೋಟೋ ಹಾಗೂ ವಿಡಿಯೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ವೈರಲ್ ಆಗಿದ್ದವು. ಆಗ ಅವರು ಜೊತೆಯಾಗಿ ಗೋವಾಕ್ಕೆ ಪ್ರಯಾಣವನ್ನು ಬೆಳೆಸಿದ್ದರು ಎನ್ನಲಾಗಿದೆ.ಇದಾದ ಬೆನ್ನಲ್ಲೇ ಈಗ ಹೃತಿಕ್ ರೋಶನ್ ತಮ್ಮ ಸಾಮಾಜಿಕ ಮಾಧ್ಯಮಗಳ ಪೋಸ್ಟ್ ಮೂಲಕ ಸಬಾ ಆಜಾದ್ ಮೇಲಿರುವ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ.ರಾಕೆಟ್ ಬಾಯ್ಸ್ ಚಿತ್ರ ತಂಡಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಅವರು ಇದನ್ನು ಮತ್ತೊಮ್ಮೆ ನೋಡಿರುವುದಾಗಿ ಹೇಳಿದ್ದಾರೆ.ಅಷ್ಟೇ ಅಲ್ಲದೆ ಇದರಿಂದ ಕಲಿಯುವುದು ಸಾಕಷ್ಟಿದೆ. ಚಿತ್ರ ತಂಡವು ಅದ್ಬುತ ಕೆಲಸವನ್ನು ಮಾಡಿದೆ ಎಂದು ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಕೆಜಿಎಫ್ 2 ಸಿನಿಮಾ ನೋಡಿ ಉಘೇ ಉಘೇ ಎಂದ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ..!

ಅಷ್ಟೇ ಅಲ್ಲದೆ ಗರ್ಲ್ ಫ್ರೆಂಡ್ ಸಬಾ ಅಜಾದ್ ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾ ': "ನಾನು ನೋಡಿದ ಅತ್ಯುತ್ತಮ ನಟಿಯರಲ್ಲಿ ನೀವು ಒಬ್ಬರು.. ನೀವು ನನಗೆ ಸ್ಫೂರ್ತಿ ನೀಡುತ್ತೀರಿ." ಎಂದು ಅವರು ಪೋಸ್ಟ್ ಮಾಡಿದ್ದಾರೆ.ಈ ಇಬ್ಬರು ಜೋಡಿಗಳ ಪ್ರೇಮ ಕಥನ ಮೊದಲ ಬಾರಿಗೆ ಈ ವರ್ಷ ಫೆಬ್ರುವರಿ ತಿಂಗಳಲ್ಲಿ ಭೋಜನ ಕೂಟವೊಂದರಲ್ಲಿ ಕೈ ಕೈ ಹಿಡಿದು ಫೋಟೋ ತೆಗೆಸಿಕೊಂಡಾಗಿನಿಂದ ಆರಂಭವಾಯಿತು. ಅಷ್ಟೇ ಅಲ್ಲದೆ ಅವರ ಕುಟುಂಬದ ಭೋಜನ ಕೂಟದಲ್ಲಿ ಇಬ್ಬರೂ ಜೋಡಿಗಳು ಕಾಣಸಿಕೊಂಡಾಗ ಇಬ್ಬರ ನಡುವಿನ ಪ್ರೇಮಾಂಕುರಕ್ಕೆ ಇನ್ನಷ್ಟೂ ಪುಷ್ಟಿ ನೀಡಿತು.

ನಟಿ ಸಬಾ ಅಜಾದ್ ಅವರು ಹೃತಿಕ್ ರೋಶನ್ ಜೊತೆ ಡೇಟಿಂಗ್ ಮಾಡುವುದಕ್ಕೂ ಮೊದಲು ಬಾಲಿವುಡ್ ನಟ ನಾಸಿರುದ್ದೀನ್ ಷಾ ಅವರ ಮಗ ಇಮಾದ್ ಷಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದರು.ಅಷ್ಟೇ ಅಲ್ಲದೆ ಇಬ್ಬರೂ ಲಿವ್-ಇನ್ ಸಂಬಂಧದಲ್ಲಿದ್ದರು.ಸಬಾ ಅವರು 'ದಿಲ್ ಕಬಡ್ಡಿ'  ಚಿತ್ರದ ಮೂಲಕ ಬಾಲಿವುಡ್ ಗೆ ಪಾದಾರ್ಪಣೆ ಮಾಡಿದರು ಮತ್ತು 2011 ರ ಚಲನಚಿತ್ರ 'ಮುಜ್ಸೆ ಫ್ರಾಂಡ್‌ಶಿಪ್ ಕರೋಗೆ' ನಲ್ಲಿ ಸಾಕಿಬ್ ಸಲೀಮ್ ಜೊತೆಗೆ ಕಾಣಿಸಿಕೊಂಡರು. ಅಷ್ಟೇ ಅಲ್ಲದೆ ಸುಶಾಂತ್ ಸಿಂಗ್ ರಜಪೂತ್ ಅವರೊಂದಿಗೆ 'ಡಿಟೆಕ್ಟಿವ್ ಬ್ಯೋಮಕೇಶ್ ಬಕ್ಷಿ' ಚಿತ್ರದಲ್ಲಿ ಕಾಣಿಸಿಕೊಂಡರು.ಅವರು ಕೊನೆಯದಾಗಿ 2021 ರಲ್ಲಿ ಬಿಡುಗಡೆಯಾದ 'ಫೀಲ್ಸ್ ಲೈಕ್ ಇಷ್ಕ್' ನಲ್ಲಿ ಕಾಣಿಸಿಕೊಂಡಿದ್ದರು.

ಇದನ್ನೂ ಓದಿ: ಒಟಿಟಿಯಲ್ಲಿ ಯಾವಾಗ ಬರುತ್ತೆ ಕೆಜಿಎಫ್ ಚಾಪ್ಟರ್ 2..?

ಇನ್ನೊಂದೆಡೆಗೆ ಹೃತಿಕ್ ರೋಶನ್ ಅವರು ದೀಪಿಕಾ ಪಡುಕೋಣೆ ಜೊತೆ 'ಫೈಟರ್' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.ಅಷ್ಟೇ ಅಲ್ಲದೆ ಅವರು 'ವಿಕ್ರಮ್ ವೇದ'ದ ಹಿಂದಿ ರಿಮೇಕ್‌ನಲ್ಲಿ ಸಹ ಕಾಣಿಸಿಕೊಂಡಿದ್ದಾರೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.