ನವದೆಹಲಿ: ಬಜೆಟ್ ಅಧಿವೇಶನ ಎರಡನೇ ಹಂತದ ಸಮಯ ವ್ಯರ್ಥವಾಗಿದ್ದರಿಂದ ಬಿಜೆಪಿಯು ಏಪ್ರಿಲ್ 12 ರಿಂದ ಅದು ಉಪವಾಸ ಸತ್ಯಾಗ್ರಹ ಮಾಡಲು ನಿರ್ಧರಿಸಿದೆ.ಈ ಸಂಸತ್ತಿನ ಸಮಯ ಹರಣಕ್ಕೆ ಕಾಂಗ್ರೆಸ್ ಪಕ್ಷವೇ ಕಾರಣವೆಂದು ಅದು ತಿಳಿಸಿದೆ.
ಈ ಕುರಿತಾಗಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಕೇಂದ್ರ ಸಂಸದ ವ್ಯವಹಾರಗಳ ಸಚಿವ ಅನಂತ್ ಕುಮಾರ್ ಈ ಬಾರಿಯ ಲೋಕಸಭಾದ ಸರಾಸರಿ 23 ಹಾಗೂ ರಾಜ್ಯಸಭಾ 28 ರಷ್ಟು ಇದೆ ಎಂದು ತಿಳಿಸಿದರು.
ಬಜೆಟ್ ಅಧಿವೇಶನ ಎರಡನೆಯ ಹಂತವು ಕಾಂಗ್ರೆಸ್ ನ ಮನೋಭಾವ ಮತ್ತು ತಂತ್ರದ ಫಲವಾಗಿ ಸುಲಭವಾಗಿ ನಡೆಯಲು ಸಾಧ್ಯವಾಗಿಲ್ಲ, ಆದ್ದರಿಂದ ಏಪ್ರಿಲ್ 12 ರಂದು ಬಿಜೆಪಿಯ ಎಲ್ಲಾ ಸಂಸದರು ಒಂದು ದಿನದ ಉಪವಾಸ ಸತ್ಯಾಗ್ರಹಕ್ಕೆ ಕುಳಿತುಕೊಳ್ಳುತ್ತೇವೆ ಎಂದು ಅವರು ತಿಳಿಸಿದರು.
