ಇಂದು ಮಹಾಶಿವರಾತ್ರಿ. ಈ ದಿನ, ಶಿವನಿಗೆ ಹಾಲು ಮತ್ತು ನೀರಿನಿಂದ ಅಭಿಷೇಕ ಮಾಡಬೇಕು. ಅಲ್ಲದೆ ಬಿಲ್ವಪತ್ರೆಯನ್ನು ಅರ್ಪಿಸಬೇಕು. ಹೀಗೆ ಮಾಡುವುದರಿಂದ ಭಕ್ತರ ಎಲ್ಲಾ ಆಸೆಗಳು ಈಡೇರುತ್ತದೆ ಎನ್ನಲಾಗಿದೆ.
ನವದೆಹಲಿ: ಹಿಂದೂ ಪಂಚಾಂಗದ ಪ್ರಕಾರ, ಮಹಾಶಿವರಾತ್ರಿಯ (Mahashivaratri) ಹಬ್ಬವನ್ನು ಫಲ್ಗುನ ಮಾಸದ ಕೃಷ್ಣ ಪಕ್ಷದ ಚತುರ್ದಶಿ ದಿನಾಂಕದಂದು ಆಚರಿಸಲಾಗುತ್ತದೆ. ದಶಕಗಳ ನಂತರ ಮಹಾಶಿವರಾತ್ರಿಯ ಹಬ್ಬದಂದು, ಅನೇಕ ಸಂಯೋಗಗಳು ಗೋಚರಿಸಿವೆ. ಈ ಕಾರಣದಿಂದಾಗಿ ಹಬ್ಬದ ಮಹತ್ವ ಮತ್ತಷ್ಟು ಹೆಚ್ಚಾಗಿದೆ. ಮಹಾಶಿವರಾತ್ರಿಯ ದಿನದಂದು ಮಕರ ರಾಶಿಯಲ್ಲಿ ಶನಿ, ಗುರು, ಬುಧ ಮತ್ತು ಚಂದ್ರ ಒಟ್ಟಿಗೆ 4 ದೊಡ್ಡ ಗ್ರಹಗಳು ಇರುತ್ತವೆ. ಎರಡನೆಯದ್ದು, ಮಹಾಶಿವರಾತ್ರಿಯ ದಿನದಂದು ಶಿವಯೋಗ, ಸಿದ್ಧಯೋಗ ಮತ್ತು ಧನಿಷ್ಠ ನಕ್ಷತ್ರಗಳ ಸಂಯೋಗ. ಈ ಅಪರೂಪದ ಯೋಗದಲ್ಲಿ ಶಿವನನ್ನು ಆರಾಧಿಸುವುದರಿಂದ ಎಲ್ಲಾ ರೀತಿಯ ದೋಷಗಳು ನಿವಾರಣೆಯಾಗುತ್ತವೆ ಮತ್ತು ದುಃಖಗಳಿಂದಲೂ ಪರಿಹಾರ ಸಿಗುತ್ತದೆ. ಅಲ್ಲದೆ ಈ ದಿನ ರುದ್ರಭಿಷೇಕ ಮಾಡುವುದು ಶುಭವಾಗಿರುತ್ತದೆ. ಆದ್ದರಿಂದ, ಪೂಜೆಯ ಶುಭ ಸಮಯ ಯಾವುದು ಮತ್ತು ಪೂಜೆ ಮತ್ತು ಉಪವಾಸವನ್ನು ಹೇಗೆ ಮಾಡಬೇಕು ಅನುಸರಿಸಬೇಕಾದ ನಿಯಮಗಳ ಬಗ್ಗೆ ತಿಳಿಯಿರಿ .
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ಮಹಾಶಿವರಾತ್ರಿ ದಿನಾಂಕ - 11 ಮಾರ್ಚ್ 2021, ಗುರುವಾರ ಚತುರ್ದಶಿ ತಿಥಿ ಆರಂಭ - 11 ಮಾರ್ಚ್ 2021 ಮಧ್ಯಾಹ್ನ 2.39 ರಿಂದ ಚತುರ್ದಶಿ ದಿನಾಂಕ ಕೊನೆಗೊಳ್ಳುವುದು - 12 ಮಾರ್ಚ್ 2021 ಮಧ್ಯಾಹ್ನ 3.02 ಕ್ಕೆ ಪೂಜೆಯ ಅತ್ಯಂತ ಶುಭ ಸಮಯ- ರಾತ್ರಿ 12:06 ರಿಂದ 12:54 ರವರೆಗೆ. ಮಹಾ ಶಿವರಾತ್ರಿ ಪಾರಣ ಸಮಯ - ಮಾರ್ಚ್ 12 ಬೆಳಿಗ್ಗೆ 6.34 ರಿಂದ ಮಧ್ಯಾಹ್ನ 3.02 ರವರೆಗೆ
ಮೊದಲ ಪ್ರಹರ ಪೂಜಾ ಸಮಯ - ಸಂಜೆ 06:27 ರಿಂದ ರಾತ್ರಿ 09:28 ರವರೆಗೆ. ಎರಡನೇ ಪ್ರಹರ ಪೂಜಾ ಸಮಯ - ಮಾರ್ಚ್ 11 ರಂದು ರಾತ್ರಿ 09:28 ರಿಂದ ರಾತ್ರಿ 12.30 ರವರೆಗೆ ಮೂರನೇ ಪ್ರಹರ ಪೂಜಾ ಸಮಯ - ಮಾರ್ಚ್ 12 ರಂದು ಮಧ್ಯರಾತ್ರಿ 12:30 ರಿಂದ 03:32 ರವರೆಗೆ. ನಾಲ್ಕನೇ ಪ್ರಹರ ಪೂಜಾ ಸಮಯ - ಮಾರ್ಚ್ 12 03:32 ರಿಂದ 06:34 ರವರೆಗೆ.
ಹಿಂದೂ ಧರ್ಮದ ನಂಬಿಕೆಗಳ ಪ್ರಕಾರ, ಶಿವ ಮತ್ತು ತಾಯಿ ಪಾರ್ವತಿಯ ವಿವಾಹ ಮಹಾಶಿವರಾತ್ರಿ ದಿನದಂದು ನೆರವೇರಿತು. ಈ ದಿನ, ಶಿವನ ಜೊತೆಗೆ ಪಾರ್ವತಿ ದೇವಿಯನ್ನು ಸಹ ವಿಧಿವಿಧಾನಗಳೊಂದಿಗೆ ಪೂಜಿಸಲಾಗುತ್ತದೆ. ಈ ದಿನ ಶಿವನ ಉಪವಾಸವನ್ನು ಆಚರಿಸುವವರಿಗೆ ಅದೃಷ್ಟ, ಸಮೃದ್ಧಿ ಒದಗುತ್ತದೆ ಎನ್ನುವುದು ನಂಬಿಕೆ,. ಶಿವರಾತ್ರಿ ದಿನ ಉಪವಾಸ ವೃತಗಳನ್ನು ಆಚರಿಸಿದರೆ ಅನೇಕ ಫಲ ಸಿಗುತ್ತದೆ. ಶಿವನನ್ನು ಆದಿದೇವ್ ಎಂದೂ ಕರೆಯುತ್ತಾರೆ.
ಸೂರ್ಯೋದಯಕ್ಕೆ ಮುಂಚಿತವಾಗಿ ಸ್ನಾನ ಮಾಡಿ ಮತ್ತು ಭೋಲೆನಾಥನ ಧ್ಯಾನ ಮಾಡಿ ಸಂಕಲ್ಪ ಮಾಡಿ. ನಂತರ, ಶಿವಲಿಂಗಕ್ಕೆ ಹಾಲು ಮತ್ತು ನೀರಿನಿಂದ ಅಭಿಷೇಕ ಮಾಡಿ, ಬಿಲ್ವಪತ್ರೆ , ಧಾತುರಾ ಹೂವು, ಅಕ್ಷತೆ ಅರ್ಪಿಸಿ. -ಶಿವಲಿಂಗದ ಮೇಲೆ ಬಿಲ್ವಪತ್ರೆ ಇರಿಸುವಾಗ, ಅದು ಮೂರು ಎಲೆಗಳನ್ನು ಹೊಂದಿರಬೇಕು ಮತ್ತು ಮೂರೂ ಎಲೆಗಳು ತುಂಡಾಗಿರಬಾರದು. ಪತ್ರೆಯ ನಯವಾದ ಭಾಗವು ಶಿವಲಿಂಗವನ್ನು ಸ್ಪರ್ಶಿಸುವಂತೆ ಇಡಬೇಕು. - ಶಿವಲಿಂಗಕ್ಕೆ ಅರ್ಪಿಸುವ ಅಕ್ಕಿ ಕೂಡಾ ಮುರಿದಿರಬಾರದು. - ಬಿಲ್ವಪತ್ರೆಯನ್ನು ಅರ್ಪಿಸಿದ ನಂತರ ಶಿವಲಿಂಗಕ್ಕೆ ನೀರಿನ ಅಭಿಷೇಕ ಮಾಡುವುದನ್ನು ಮರೆಯಬೇಡಿ. ನಂತರ, ಶಿವಲಿಂಗಕ್ಕೆ ನೀರನ್ನು ಸಹ ಅರ್ಪಿಸಿ. - ಶಿವಲಿಂಗಕ್ಕೆ ಶಂಖದಿಂದ ನೀರನ್ನು ಅರ್ಪಿಸಬೇಡಿ. ಅರಿಶಿನ, ಕುಂಕುಮ ಹಚ್ಚಬೇಡಿ. ಕೇವಲ ಶ್ರೀಗಂಧವನ್ನು ಹಚ್ಚಿರಿ. - ಶಿವ ಪುರಾಣವನ್ನು ಓದಿ ಮಹಾಮೃತುಂಜಯ ಮಂತ್ರ ಅಥವಾ ಶಿವನ ಮಂತ್ರ ಓಂ ನಮಃ ಶಿವಾಯವನ್ನು ಪಠಿಸಿ.
ಮಹಾಶಿವರಾತ್ರಿಯ ಉಪವಾಸವನ್ನು ಮಾಡುತ್ತಿದ್ದರೆ, ದಿನವಿಡೀ ಫಲಾಹಾರವನ್ನು ಮಾತ್ರ ಸೇವಿಸಬೇಕು. ಧಾನ್ಯಗಳು ಅಥವಾ ಉಪ್ಪನ್ನು ಸೇವಿಸಬೇಡಿ. ಆರೋಗ್ಯ ಸಂಬಂಧಿ ಕಾರಣಗಳಿಂದ ಉಪ್ಪು ತಿನ್ನುವುದು ಅನಿವಾರ್ಯವಾಗಿದ್ದರೆ ಕಲ್ಲು ಉಪ್ಪನ್ನು ಮಾತ್ರ ಸೇವಿಸಿ. ಶಿವರಾತ್ರಿ ವೃತ ಮಾಡುವ ವ್ಯಕ್ತಿ ಉಆವಯ್ದೇ ಕಾರಣಕ್ಕೂ ನಿದ್ರಿಸಬಾರದು.
