ಭಾರತದಲ್ಲಿ Relaunch ಆಗಲಿದೆಯೇ TikTok? ಕುತೂಹಲ ಮೂಡಿಸಿದ Bytedance ನಡೆ

ನವದೆಹಲಿ : ದೇಶದಲ್ಲಿ ಟಿಕ್‌ಟಾಕ್ ನಿಷೇಧದಿಂದ ನೀವು ನಿರಾಶೆಗೊಂಡಿದ್ದರೆ, ನಿಮಗಾಗಿ ಒಂದು ಒಳ್ಳೆಯ ಸುದ್ದಿ ಬಂದಿದೆ. ಟಿಕ್‌ಟಾಕ್ ಭಾರತದಲ್ಲಿ ಮತ್ತೊಮ್ಮೆ ಪುನರಾಗಮನ ಮಾಡಬಹುದು. ಈ ಕಿರು ವಿಡಿಯೋ ಆ್ಯಪ್ ಅನ್ನು ಭಾರತದಲ್ಲಿ ತರಲು ಟೆಕ್ ಕಂಪನಿ ಬೈಟ್ ಡಾನ್ಸ್  (Bytedance) ದೊಡ್ಡ ಹೆಜ್ಜೆ ಇಡಲಿದೆ. ಎಲ್ಲವೂ ಸರಿಯಾಗಿ ನಡೆದರೆ ನೀವು ಮತ್ತೆ ಈ ಅಪ್ಲಿಕೇಶನ್ ಅನ್ನು ಆನಂದಿಸಲು ಸಾಧ್ಯವಾಗುತ್ತದೆ.

ಸರ್ಕಾರದೊಂದಿಗೆ ಮಾತುಕತೆ :
ಏತನ್ಮಧ್ಯೆ, ಟಿಕ್-ಟಾಕ್ ಶೀಘ್ರದಲ್ಲೇ ಭಾರತಕ್ಕೆ ಮರಳಬಹುದು ಎಂದು ಬ್ಲೂಮ್ಬರ್ಗ್ ನ್ಯೂಸ್ನಲ್ಲಿ ಉಲ್ಲೇಖಿಸಲಾಗಿದೆ. ಮೂಲಗಳ ಪ್ರಕಾರ, ಟಿಕ್‌ಟಾಕ್ (TikTok) ಮೇಲಿನ ನಿಷೇಧವನ್ನು ತೆಗೆದುಹಾಕಲು ಕಂಪನಿಯು ತನ್ನ ಅತ್ಯುತ್ತಮ ಪ್ರಯತ್ನವನ್ನು ಮಾಡುತ್ತಿದೆ. ಬೈಟ್ ಡಾನ್ಸ್ (Bytedance) ಈಗ ತನ್ನ ಅತ್ಯಂತ ಜನಪ್ರಿಯ ಟಿಕ್‌ಟಾಕ್ ಅಪ್ಲಿಕೇಶನ್‌ನ ಭಾರತೀಯ ವ್ಯವಹಾರವನ್ನು ಹೋಂಗ್ರೋನ್ ಟೆಕ್ ಕಂಪನಿಯಾದ ಗ್ಲಾನ್ಸ್‌ಗೆ ಮಾರಾಟ ಮಾಡಬಹುದು. ಗ್ಲಾನ್ಸ್ ಅಪ್ಲಿಕೇಶನ್ ಅನ್ನು ಭಾರತೀಯ ಕಂಪನಿ ಇನ್ಮೊಬಿ ಗ್ರೂಪ್ (InMobi Group) ನಡೆಸುತ್ತಿದೆ. ರೊಪೊಸೊ (Roposo) ಈ ಕಂಪನಿಯ ಜನಪ್ರಿಯ ಅಪ್ಲಿಕೇಶನ್ ಆಗಿದೆ.

ನಿಷೇಧದ ಮೊದಲು, ಟಿಕ್‌ಟಾಕ್ (TikTok) ವ್ಯವಹಾರವು ಭಾರತದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿತ್ತು, ಆದರೆ ನಿಷೇಧದ ನಂತರ ಕಂಪನಿಯು ದೊಡ್ಡ ನಷ್ಟವನ್ನು ಅನುಭವಿಸಿತು. ಭಾರತ ಸರ್ಕಾರದೊಂದಿಗೆ ಮಾತನಾಡುವ ಮೂಲಕ ಟಿಕ್-ಟಾಕ್ ಅನ್ನು ಮರುಪ್ರಾರಂಭಿಸಲು ಕಂಪನಿಯು ಬಯಸಿದೆ, ಇದರಿಂದಾಗಿ ತನ್ನ ವ್ಯವಹಾರವು ಮೊದಲಿನಂತೆ ವೇಗವನ್ನು ಪಡೆಯುತ್ತದೆ ಎಂದು ಕಂಪನಿಯು ಆಶಯ ವ್ಯಕ್ತಪಡಿಸಿದೆ.

ಇದನ್ನೂ ಓದಿ - Permanent Ban On Chinese Apps: 59 ಚೀನಾ ಆಪ್ ಗಳ ಮೇಲೆ Modi ಸರ್ಕಾರದ ಶಾಶ್ವತ ನಿಷೇಧ!

ಈ ವ್ಯವಹಾರವನ್ನು ಕಳೆದ ತಿಂಗಳು ಭಾರತದಿಂದ ಕ್ರೋಢೀಕರಿಸಲಾಯಿತು. 2020 ರ ಜುಲೈನಲ್ಲಿ, ನಿಗದಿತ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಟಿಕ್‌ಟಾಕ್ ಸೇರಿದಂತೆ ಒಟ್ಟು 59 ಚೀನೀ ಆ್ಯಪ್‌ಗಳನ್ನು ಭಾರತ ಸರ್ಕಾರ ನಿಷೇಧಿಸಿತ್ತು. ಅಂದಿನಿಂದ ಭಾರತದಲ್ಲಿ ಟಿಕ್-ಟಾಕ್ ತಂಡವಿತ್ತು. ಆದರೆ ಯಾವುದೇ ಕೆಲಸ ನಡೆಯುತ್ತಿಲ್ಲ. ಇತ್ತೀಚೆಗೆ, ನಿಷೇಧವನ್ನು ಮಾಡಿದ ನಂತರ, ಟಿಕ್‌ಟಾಕ್  ಕಳೆದ ತಿಂಗಳು 2000 ಉದ್ಯೋಗಿಗಳನ್ನು ತೆಗೆದುಹಾಕಿತು, ಇದರಿಂದಾಗಿ ಅನೇಕ ಜನರ ಜೀವನ ರಾತ್ರೋರಾತ್ರಿ ಬೀದಿಗೆ ಬಿದ್ದಿತು.

ಟಿಕ್ ಟಾಕ್ ವ್ಯವಹಾರ :
ಟಿಕ್-ಟಾಕ್ ಪ್ರಪಂಚದಾದ್ಯಂತ ತನ್ನ ವ್ಯವಹಾರವನ್ನು ಹೊಂದಿದೆ. ಭಾರತದಲ್ಲಿ ಸುಮಾರು 200 ಮಿಲಿಯನ್ ಜನರು ಟಿಕ್-ಟಾಕ್ ಅನ್ನು ಬಳಸುತ್ತಿದ್ದರು.  ಭಾರತದಲ್ಲಿ ಟಿಕ್‌ಟಾಕ್ (TikTok) ಅನ್ನು ನಿರ್ವಹಿಸುವ ಬೈಟ್‌ಡ್ಯಾನ್ಸ್ ಕಂಪನಿಯು 7 ಕಚೇರಿಗಳನ್ನು ಹೊಂದಿತ್ತು. ಗುರುಗ್ರಾಮ್ ಅಲ್ಲದೆ, ಬೈಟ್‌ಡಾನ್ಸ್‌ಗೆ ಮುಂಬೈ, ಹೈದರಾಬಾದ್, ಬೆಂಗಳೂರು ಮತ್ತು ಚೆನ್ನೈನಲ್ಲಿ ಕಚೇರಿಗಳಿವೆ. ಭಾರತದಲ್ಲಿ ನಿಷೇಧದ ಮೊದಲು, ಟಿಕ್‌ಟಾಕ್ (TikTok) ವೇಗವಾಗಿ ಚಲಿಸುತ್ತಿತ್ತು. ಆದರೆ ನಿಷೇಧದ ನಂತರ, ಬೈಟ್‌ಡ್ಯಾನ್ಸ್ ಒಂದು ದಿನದಲ್ಲಿ ಸುಮಾರು 3.64 ಬಿಲಿಯನ್ ನಷ್ಟವನ್ನು ಅನುಭವಿಸುತ್ತಿತ್ತು.

ಇದನ್ನೂ ಓದಿ - Bytedance Shutdown Operation In India: ಭಾರತದಲ್ಲಿ ಗಂಟುಮೂಟೆ ಕಟ್ಟಿದ TikTok, Helo! ತನ್ನ ಸಿಬ್ಬಂದಿಗಳಿಗೆ ಭಾವನಾತ್ಮಕ ಪತ್ರ ಬರೆದ Bytedance

ಏನಿದು  ಟಿಕ್‌ಟಾಕ್ (TikTok) ?
ಟಿಕ್‌ಟಾಕ್ ಒಂದು ಲಿಪ್-ಸಿಂಕ್, ವೀಡಿಯೊಗಳನ್ನು ರಚಿಸಲು ಮತ್ತು ಹಂಚಿಕೊಳ್ಳಲು ಐಒಎಸ್ ಮತ್ತು ಆಂಡ್ರಾಯ್ಡ್ ಸಾಮಾಜಿಕ ಮಾಧ್ಯಮ ವೀಡಿಯೊ ಅಪ್ಲಿಕೇಶನ್ ಆಗಿದೆ. ಟಿಕ್‌ಟಾಕ್ (TikTok) ಅಪ್ಲಿಕೇಶನ್ ಅನ್ನು ಚೀನಾದ ಡೆವಲಪರ್ ಬೈಟ್ ಡ್ಯಾನ್ಸ್ 2017 ರಲ್ಲಿ ಚೀನಾದ ಹೊರಗಿನ ಮಾರುಕಟ್ಟೆಗಳಿಗಾಗಿ ಪ್ರಾರಂಭಿಸಿತು. ಟಿಕ್‌ಟಾಕ್ (TikTok) ಮೂಲಕ, ಬಳಕೆದಾರರು 3 ರಿಂದ 15 ಸೆಕೆಂಡುಗಳವರೆಗೆ ವೀಡಿಯೊಗಳನ್ನು ರಚಿಸಿ ಹಂಚಿಕೊಳ್ಳಬಹುದು. ಟಿಕ್‌ಟಾಕ್‌ಗೆ ಚೀನಾದಲ್ಲಿ ವ್ಯಾಪಾರವಿಲ್ಲ, ಮತ್ತು ಅದರ ಸರ್ವರ್‌ಗಳು ಅಪ್ಲಿಕೇಶನ್ ಕಾರ್ಯನಿರ್ವಹಿಸುವ ದೇಶಗಳಲ್ಲಿವೆ.
 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.