ಮಧುರೈ: ಕಮಲ್ ಹಾಸನ್ ರ ರಾಜಕೀಯ ಪಕ್ಷವಾದ 'ಮಕ್ಕಳ್ ನೀಧಿ ಮಯ್ಯಂ' ನ ಘೋಷಣೆಯ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಮಾತನಾಡುತ್ತಾ "ಸ್ನೇಹಿತರೆ ನಿಮಗೆ ಭ್ರಷ್ಟಾಚಾರ ಬೇಕಾದರೆ ಡಿಎಂಕೆ ಮತ್ತು ಎಐಎಡಿಎಂಕೆಗೆ ಮತ ಚಲಾಯಿಸಿ, ಒಂದು ವೇಳೆ ನಿಮಗೆ ಶಾಲೆಗಳು, ಆಸ್ಪತ್ರೆಗಳು, ನೀರು, ವಿದ್ಯುತ್ ಗಳಂತಹ ಮೂಲಭೂತ ಸೌಕರ್ಯಗಳು ಬೇಕಾದರೆ ಕಮಲ್ ಹಾಸನ್ ರವರಿಗೆ ಮತ ನೀಡಿ ಎಂದು ಕೇಳಿಕೊಂಡರು.
ಇದೇ ಸಂದರ್ಭದಲ್ಲಿ ಕಮಲ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಅವರು "ನಾನು ಯಾವಾಗಲೂ ಕಮಲ್ ಹಾಸನ್ ರ ದೊಡ್ಡ ಅಭಿಮಾನಿಯಾಗಿದ್ದೇನೆ. ಕಮಲ್ ಹಾಸನ್ ರವರು ದೇಶದಲ್ಲಿ ನಡೆಯುತ್ತಿರುವ ಅನ್ಯಾಯ ಮತ್ತು ಕೋಮು ಶಕ್ತಿಗಳ ವಿರುದ್ಧ ಮುಕ್ತವಾಗಿ ಮಾತನಾಡುವ ಮತ್ತು ಹೋರಾಟ ನಡೆಸುವ ಗುಣವನ್ನು ಹೊಂದಿದ್ದಾರೆ ಎಂದು ಪ್ರಶಂಸಿಸಿದರು.
