Bigg Boss Kannada Season 11: ಈ ʼಬಿಗ್‌ ಬಾಸ್ʼ ಬಳಿಕ ಮತ್ತೆ ಕಿಚ್ಚ ಸುದೀಪ್‌ ಅವರು ಶೋ ನಿರೂಪಣೆ ಮಾಡೋದಿಲ್ಲವೆಂದು ಹೇಳಿದ್ದಾರೆ. ಹೀಗಾಗಿ ಕಿಚ್ಚ ಸುದೀಪ್‌ ನಿರೂಪಣೆಯ ಕೊನೆಯ ʼಬಿಗ್‌ ಬಾಸ್ʼ ಸೀಸನ್‌ ಇದಾಗಿದೆ.
Bigg Boss Kannada Season 11: ಬಿಗ್‌ ಬಾಸ್ ಕನ್ನಡ ಸೀಸನ್‌ 11 ಅಂತಿಮ ಹಂತಕ್ಕೆ ತಲುಪಿದೆ. ದೊಡ್ಮನೆಯಲ್ಲಿ ಸದ್ಯ ೮ ಮಂದಿ ಸ್ಪರ್ಧಿಗಳಿದ್ದಾರೆ. ಈ ಪೈಕಿ ಹನುಮಂತ ಫೈನಲ್‌ಗೆ ಟಿಕೆಟ್‌ ಪಡೆದಿದ್ದಾರೆ. ಇವರ ಜೊತೆಗೆ ಮೋಕ್ಷಿತಾ ಪೈ ಮತ್ತು ತ್ರಿವಿಕ್ರಮ್ ಅವರು ಫಿನಾಲೆ ವಾರಕ್ಕೆ ತಲುಪಿದ್ದಾರೆ. ಇನ್ನುಳಿದ ಸ್ಪರ್ಧಿಗಳಲ್ಲಿ ಯಾರು ಎಲಿಮಿನೇಟ್‌ ಆಗ್ತಾರೆ? ಅನ್ನೋದು ತೀವ್ರ ಕುತೂಹಲ ಮೂಡಿಸಿದೆ. ವೀಕ್ಷಕರು ಸಹ ಯಾರು ಹೊರಗಡೆ ಹೋಗ್ತಾರೆ ಅಂತಾ ಕಾತುರದಿಂದ ಕಾಯುತ್ತಿದ್ದಾರೆ. ಜನವರಿ 25 ಮತ್ತು 26ರಂದು ಬಿಗ್‌ಬಾಸ್‌ ಗ್ರ್ಯಾಂಡ್ ಫಿನಾಲೆ ನಡೆಯುವ ಸಾಧ್ಯತೆಯಿದೆ. ಈ ಗ್ರ್ಯಾಂಡ್ ಫಿನಾಲೆಯಲ್ಲಿ ಸಹಜವಾಗಿ ಐವರು ಸ್ಪರ್ಧಿಗಳು ಇರುತ್ತಾರೆ. ಇಷ್ಟರೊಳಗೆ ಮೂವರು ಸ್ಪರ್ಧಿಗಳು ಎಲಿಮಿನೇಟ್‌ ಆಗಬೇಕು. ಹಾಗಾದ್ರೆ ಯಾರು ಹೊರಬೀಳಲಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
ದೊಡ್ಮನೆಯಲ್ಲಿ ಸದ್ಯ ರಜತ್‌, ತ್ರಿವಿಕ್ರಮ್, ಭವ್ಯಾ ಗೌಡ, ಗೌತಮಿ ಜಾಧವ್‌, ಹನುಮಂತ, ಮೋಕ್ಷಿತಾ ಪೈ, ಧನರಾಜ್‌ ಆಚಾರ್ ಮತ್ತು ಉಗ್ರಂ ಮಂಜು ಇದ್ದಾರೆ. ಈ ಪೈಕಿ ಹನುಮಂತ ಫೈನಲ್‌ ಟಿಕೆಟ್‌ ಪಡೆದಿದ್ದಾರೆ. ಅದೇ ರೀತಿ ಮೋಕ್ಷಿತಾ ಪೈ ಮತ್ತು ತ್ರಿವಿಕ್ರಮ್ ಫಿನಾಲೆ ವಾರಕ್ಕೆ ತಲುಪಿದ್ದಾರೆ. ಇನ್ನುಳಿದ ಸ್ಪರ್ಧಿಗಳಲ್ಲಿ ಯಾರು ಎಲಿಮಿನೇಟ್‌ ಆಗ್ತಾರೆ? ಅನ್ನೋದು ತೀವ್ರ ಕುತೂಹಲ ಮೂಡಿದೆ.
ಭವ್ಯಾ ಗೌಡ, ಗೌತಮಿ ಜಾಧವ್‌, ಧನರಾಜ್‌ ಆಚಾರ್, ಉಗ್ರಂ ಮಂಜು ಮತ್ತು ರಜತ್‌ ಈ ನಾಲ್ವರಲ್ಲಿ ಇಬ್ಬರು ಇಂದು ಹಾಗೂ ನಾಳೆಯೊಳಗಡೆ ಎಲಿಮಿನೇಟ್‌ ಆಗುವ ಸಾಧ್ಯತೆಯಿದೆ. ʼವಾರದ ಕಥೆ ಕಿಚ್ಚನ ಜೊತೆʼ ಹಾಗೂ ʼಸಂಡೇ ವಿಥ್‌ ಸುದೀಪʼ ಶೋನಲ್ಲಿ ಒಬ್ಬೊಬ್ಬರು ಎಲಿಮಿನೇಟ್‌ ಆಗಬಹುದು. ಫಿನಾಲೆ ವಾರಕ್ಕೆ ಕಡಿಮೆ ದಿನಗಳಿದ್ದು, ಇಬ್ಬರು ಸ್ಪರ್ಧಿಗಳು ಎಲಿಮಿನೇಟ್‌ ಆಗಬೇಕಿದೆ.
ಕಳೆದ ವಾರದ ಆಟದಲ್ಲಿ ಧನರಾಜ್‌ ಮೋಸ ಮಾಡಿರುವುದು ಎಲ್ಲರ ಮುಂದೂ ಬಯಲಾಗಿತ್ತು. ಇದಕ್ಕೆ ಬಿಗ್‌ ಬಾಸ್ ಕಡೆಯಿಂದ ಇನ್ನೂ ಶಿಕ್ಷೆ ಸಿಕ್ಕಿಲ್ಲ. ಇನ್ನು ಭವ್ಯಾ ಗೌಡ ಅವರು ಕೆಲ ವಾರಗಳಿಂದ ಆಟದಲ್ಲಿ ಮೋಸ ಮಾಡಿದ್ದಕ್ಕೆ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು. ಗೌತಮಿ ಜಾಧವ್‌ ಮತ್ತು ಉಗ್ರಂ ಮಂಜು ಅವರು ವೈಯಕ್ತಿಕವಾಗಿ ಉತ್ತಮ ಆಟ ಆಡ್ತಿಲ್ಲವೆಂಬ ದೂರಿದೆ. ರಜತ್‌ ಅವರು ವೈಲ್ಡ್‌ಕಾರ್ಡ್‌ ಎಂಟ್ರಿ ಆಗಿದ್ದರೂ ಸಹ ಸಖತ್‌ ಆಟ ಆಡಿದ್ದಾರೆ. ಪಂಚ್‌ ಡೈಲಾಗ್‌ ಮತ್ತು ನೇರನುಡಿಯೇ ರಜತ್‌ಗೆ ಪ್ಲಸ್‌ ಪಾಯಿಂಟ್‌ ಅಂತಾ ಹೇಳಬಹುದು. ಹೀಗಾಗಿ ರಜತ್‌ ಅವರು ಫಿನಾಲೆ ತಲುಪುವ ಸಾಧ್ಯತೆ ಜಾಸ್ತಿ ಇದೆ.
ಹಿಂದಿನ ಸೀಸನ್‌ಗಳಲ್ಲಿ ವೈಲ್ಡ್‌ಕಾರ್ಡ್‌ ಎಂಟ್ರಿ ಪಡೆದ ಸ್ಪರ್ಧಿಗಳು ಫಿನಾಲೆಗೆ ತಲುಪಿದ್ದು ಅಪರೂಪವೆಂದೇ ಹೇಳಬಹುದು. ʼಬಿಗ್‌ ಬಾಸ್ʼ ಆಟ ಶುರು ಆಗಿ ಕೆಲವು ದಿನಗಳ ಬಳಿಕ ಬಂದ ಹನುಮಂತ ಫೈನಲ್‌ ತಲುಪಿರುವುದು ಹಾಗೂ 50 ದಿನಗಳ ಬಳಿಕ ಬಂದ ರಜತ್‌ ಈ ಬಾರಿ ಫಿನಾಲೆಗೆ ಎರಡು ವಾರ ಇರುವಾಗಲೂ ದೊಡ್ಮನೆಯಲ್ಲಿರುವುದು ವಿಶೇಷ. ರಜತ್‌ ಅವರು ದೊಡ್ಮನೆಗೆ ಎಂಟ್ರಿ ಕೊಟ್ಟ ಬಳಿಕ ಆಟ ಒಂದು ರೂಪ ಪಡೆಯಿತು ಅಂತಾನೇ ಹೇಳಬಹುದು.
ಈ ಬಾರಿ ಯಾರು ʼಬಿಗ್‌ ಬಾಸ್ʼ ಟ್ರೋಫಿ ಗೆಲ್ಲಲಿದ್ದಾರೆ ಅನ್ನೋದರ ಬಗ್ಗೆ ತೀವ್ರ ಕುತೂಹಲ ಮೂಡಿದೆ. ಅನೇಕರು ಹನುಮಂತನೇ ವಿನ್ನರ್‌ ಅಂತಾ ಹೇಳುತ್ತಿದ್ದಾರೆ. ಆತ ವಿನ್ನರ್‌ ಆದರೆ ಚೆನ್ನಾಗಿರುತ್ತದೆ ಅನ್ನೋ ಅಭಿಪ್ರಾಯ ಪಟ್ಟಿದ್ದಾರೆ. ಈತನ ಜೊತೆಗೆ ರಜತ್‌, ತ್ರಿವಿಕ್ರಮ್ ಮತ್ತು ಮೋಕ್ಷಿತಾ ಪೈ ನಡುವೆ ಸಖತ್‌ ಪೈಪೋಟಿ ಇದೆ. ಒಟ್ನಲ್ಲಿ ವೀಕ್ಷಕರು ಸಹ ಈ ಬಾರಿಯ ಗ್ರ್ಯಾಂಡ್ ಫಿನಾಲೆ ನೋಡಲು ಬಹಳ ಉತ್ಸುಕರಾಗಿದ್ದಾರೆ.
ಈ ʼಬಿಗ್‌ ಬಾಸ್ʼ ಬಳಿಕ ಮತ್ತೆ ಕಿಚ್ಚ ಸುದೀಪ್‌ ಅವರು ಶೋ ನಿರೂಪಣೆ ಮಾಡೋದಿಲ್ಲವೆಂದು ಹೇಳಿದ್ದಾರೆ. ಹೀಗಾಗಿ ಕಿಚ್ಚ ಸುದೀಪ್‌ ನಿರೂಪಣೆಯ ಕೊನೆಯ ʼಬಿಗ್‌ ಬಾಸ್ʼ ಸೀಸನ್‌ ಇದಾಗಿದೆ. ಹೀಗಾಗಿ ವೀಕ್ಷಕರಿಗೂ ಮತ್ತು ಕಿಚ್ಚನಿಗೂ ಇದು ಭಾವನಾತ್ಮಕ ಗಳಿಗೆ ಎನ್ನಬಹುದು. ಲಕ್ಷಾಂತರ ವೀಕ್ಷಕರು ಕಿಚ್ಚನಿಲ್ಲದ ʼಬಿಗ್‌ ಬಾಸ್ʼ ಊಹಿಸಿಕೊಳ್ಳುವುದು ಕಷ್ಟವೆಂದು ಹೇಳಿದ್ದಾರೆ.
