Africa Cricket Association: ರೋಹಿತ್ ಶರ್ಮಾ ನಾಯಕತ್ವದಲ್ಲಿ ವಿದೇಶಿ ಆಟಗಾರರು ಆಡುವುದನ್ನು ನಾವೆಲ್ಲರೂ ಅನೇಕ ಬಾರಿ ನೋಡಿದ್ದೇವೆ. ಅದು ಐಪಿಎಲ್‌ನಲ್ಲಿ ನಡೆಯುವ ಸಾಮಾನ್ಯ ಸಂಗತಿ. ಆದರೆ ರೋಹಿತ್ ಶರ್ಮಾ ಅಥವಾ ವಿರಾಟ್ ಕೊಹ್ಲಿ ಅಂತರಾಷ್ಟ್ರೀಯ ಪಂದ್ಯದಲ್ಲಿ ನಾಯಕರಾಗಿದ್ದಾಗ ಅವರು ನಾಯಕತ್ವದಲ್ಲಿ ಬಾಬರ್ ಅಜಮ್, ಶಾಹೀನ್ ಅಫ್ರಿದಿ, ಮೆಹದಿ ಹಸನ್ ಮತ್ತು ಮತಿಶಾ ಪತಿರಾನ ಅವರಂತಹ ಆಟಗಾರರು ಆಡುವುದೆಂದರೆ... ನಂಬಲು ಸಾಧ್ಯವೇ? ಆದರೆ ನಂಬಲೇಬೇಕು.
ಇದನ್ನೂ ಓದಿ: WhatsAppನಲ್ಲಿ ಈ 4 ವಿಷಯಗಳನ್ನು ಶೇರ್ ಮಾಡಿದರೆ ಜೈಲು ಸೇರಬೇಕಾಗುವುದು! ಎಚ್ಚರ
ಆಫ್ರಿಕಾ ಕ್ರಿಕೆಟ್ ಅಸೋಸಿಯೇಷನ್ (ACA) ಇಂತಹ ಪಂದ್ಯವನ್ನು ಯೋಜಿಸುತ್ತಿದೆ. ಆಫ್ರಿಕನ್ ಕ್ರಿಕೆಟ್ ಅಸೋಸಿಯೇಷನ್ ಇತ್ತೀಚೆಗೆ ನಡೆದ ಎಜಿಎಂನಲ್ಲಿ, ಆಫ್ರೋ-ಏಷ್ಯಾ ಕಪ್ ಅನ್ನು ಮರುಹೊಂದಿಸುವ ಬಗ್ಗೆ ಚರ್ಚೆ ನಡೆಸಿದೆ. ಈ ಪಂದ್ಯಾವಳಿಯನ್ನು 2005 ಮತ್ತು 2007 ರಲ್ಲಿ ಆಯೋಜಿಸಲಾಗಿತ್ತು. ಇದೀಗ ಮತ್ತೆ ಆಫ್ರಿಕನ್ ಮಂಡಳಿಯ ಯೋಜನೆಯು ಕಾರ್ಯರೂಪಕ್ಕೆ ಬಂದರೆ, ಮೂರನೇ ಆವೃತ್ತಿ ಶೀಘ್ರದಲ್ಲೇ ಶುರುವಾಗಬಹುದು.
ಆಫ್ರಿಕನ್ ಇಲೆವೆನ್ ಮತ್ತು ಏಷ್ಯನ್ ಇಲೆವೆನ್ ನಡುವೆ ಆಫ್ರೋ-ಏಷ್ಯಾ ಕಪ್ ನಡೆಯುವುದು ಕ್ರಿಕೆಟ್ ಪ್ರಿಯರಿಗೆ ತಿಳಿದಿದೆ. ಆಫ್ರಿಕನ್ XI ಹೆಚ್ಚಾಗಿ ದಕ್ಷಿಣ ಆಫ್ರಿಕಾ ಮತ್ತು ಜಿಂಬಾಬ್ವೆ ಆಟಗಾರರನ್ನು ಒಳಗೊಂಡಿರುತ್ತದೆ. ಇನ್ನು ಭಾರತ, ಪಾಕಿಸ್ತಾನ, ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದ ಆಟಗಾರರು ಏಷ್ಯನ್ XI ನಲ್ಲಿ ಇರುತ್ತಾರೆ.
ಆಫ್ರೋ-ಏಷ್ಯಾ ಕಪ್ ಮೊದಲ ಬಾರಿಗೆ 2005 ರಲ್ಲಿ ನಡೆಯಿತು. ಅಂದು ಏಷ್ಯನ್ ಇಲೆವೆನ್ ನಾಯಕತ್ವವನ್ನು ಪಾಕಿಸ್ತಾನದ ಇಂಜಮಾಮ್ ಉಲ್ ಹಕ್ ವಹಿಸಿಕೊಂಡರು.ಇನ್ನು ಈ ತಂಡದಲ್ಲಿ 6 ಭಾರತೀಯ ಆಟಗಾರರಾದ ರಾಹುಲ್ ದ್ರಾವಿಡ್, ಅನಿಲ್ ಕುಂಬ್ಳೆ, ವೀರೇಂದ್ರ ಸೆಹ್ವಾಗ್, ಇರ್ಫಾನ್ ಪಠಾಣ್, ಆಶಿಶ್ ನೆಹ್ರಾ ಮತ್ತು ಜಹೀರ್ ಖಾನ್ ಇದ್ದರು.
ಇದನ್ನೂ ಓದಿ: ಕೋಟ್ಯಾಧಿಪತಿ ತಂದೆ, ಚಿಕ್ಕಪ್ಪ ಖ್ಯಾತ ನಟ, ಇಷ್ಟು ಹಿನ್ನೆಲೆ ಇರುವ ಈ ಸ್ಟಾರ್‌ ನಟನಿಗೆ ಕಣ್ಣಿಲ್ಲ.!
2007 ರಲ್ಲಿ ಮತ್ತೊಮ್ಮೆ ಆಫ್ರೋ-ಏಷ್ಯಾ ಕಪ್ ಅನ್ನು ಆಡಲಾಯಿತು. ಈ ಬಾರಿಯ ಪಂದ್ಯಾವಳಿಯು ODI ಮತ್ತು T20 ಎಂಬ ಎರಡು ಸ್ವರೂಪಗಳಲ್ಲಿ ನಡೆಯಿತು. ಮಹೇಲ ಜಯವರ್ಧನೆ ಏಕದಿನ ಮಾದರಿಯಲ್ಲಿ ಏಷ್ಯನ್ ಇಲೆವೆನ್ ತಂಡದ ನಾಯಕರಾಗಿದ್ದರೆ, ಶೋಯೆಬ್ ಮಲಿಕ್ ಟಿ20 ತಂಡದ ನಾಯಕತ್ವ ವಹಿಸಿಕೊಂಡರು. ಏಷ್ಯನ್ ಟಿ20 ತಂಡದಲ್ಲಿ ಸಚಿನ್ ತೆಂಡೂಲ್ಕರ್ ಮತ್ತು ಮುನಾಫ್ ಪಟೇಲ್ ಸ್ಥಾನ ಪಡೆದಿದ್ದರು. ಅದೇ ರೀತಿ ಏಕದಿನ ತಂಡದಲ್ಲಿ ಎಂಎಸ್ ಧೋನಿ, ಸಚಿನ್ ತೆಂಡೂಲ್ಕರ್, ಸೌರವ್ ಗಂಗೂಲಿ, ಯುವರಾಜ್ ಸಿಂಗ್, ವೀರೇಂದ್ರ ಸೆಹ್ವಾಗ್, ಹರ್ಭಜನ್ ಸಿಂಗ್ ಮತ್ತು ಜಹೀರ್ ಖಾನ್ ಇದ್ದರು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
