ನವದೆಹಲಿ: ಕೇರಳ ಮತ್ತು ಪಂಜಾಬ್ ಪೌರತ್ವ ಕಾಯ್ದೆ ವಿರೋಧಿಸಿ ಅಂಗೀಕಾರ ನಿರ್ಣಯವನ್ನು ಮಂಡಿಸಿದ ನಂತರ ಈಗ ರಾಜಸ್ತಾನ ಕೂಡ ಈ ನಿರ್ಣಯವನ್ನು ಅಂಗೀಕರಿಸಿದೆ.
ಆ ಮೂಲಕ ಈ ನಿರ್ಧಾರ ಕೈಗೊಂಡ ಎರಡನೇ ಕಾಂಗ್ರೆಸ್ ಆಡಳಿತದ ರಾಜ್ಯವಾಗಿದೆ,ಇದಕ್ಕೂ ಮೊದಲು ಪಂಜಾಬ್ ನಲ್ಲಿನ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ನೇತೃತ್ವದ ಸರ್ಕಾರ ಪೌರತ್ವ ಕಾಯ್ದೆ ವಿರುದ್ಧ ಅಂಗೀಕಾರ ನಿರ್ಣಯ ಮಂಡಿಸಿತ್ತು. ಈ ನಿರ್ಣಯದ ನಂತರ ಟ್ವೀಟ್ ಮಾಡಿರುವ ರಾಜಸ್ತಾನದ ಸಿಎಂ ಅಶೋಕ್ ಗೆಹ್ಲೋಟ್ 'ರಾಜಸ್ಥಾನ ವಿಧಾನಸಭೆ ಸಿಎಎ ವಿರುದ್ಧ ಇಂದು ನಿರ್ಣಯವನ್ನು ಅಂಗೀಕರಿಸಿದೆ ಮತ್ತು ಧಾರ್ಮಿಕ ಆಧಾರದ ಮೇಲೆ ಜನರ ವಿರುದ್ಧ ತಾರತಮ್ಯ ಮಾಡುತ್ತಿರುವ ಕಾರಣ ಕಾನೂನನ್ನು ರದ್ದುಗೊಳಿಸುವಂತೆ ನಾವು ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದ್ದೇವೆ, ಇದು ನಮ್ಮ ಸಂವಿಧಾನದ ನಿಬಂಧನೆಗಳನ್ನು ಉಲ್ಲಂಘಿಸುತ್ತದೆ" ಎಂದು ಗೆಹ್ಲೋಟ್ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.
#Rajasthan Assembly has passed a resolution today against the #CAA and we have urged the Central govt to repeal the law as it discriminates against people on religious grounds, which violates the provisions of our Constitution.
1/— Ashok Gehlot (@ashokgehlot51) January 25, 2020
ಕೇರಳ ಮತ್ತು ಪಂಜಾಬ್ ಈಗಾಗಲೇ ಹೊಸ ಶಾಸನವನ್ನು ಹಿಂತೆಗೆದುಕೊಳ್ಳಬೇಕೆಂದು ಒತ್ತಾಯಿಸಿ ನಿರ್ಣಯವನ್ನು ಅಂಗೀಕರಿಸಿದೆ. ಕಾಯಿದೆಯ ಅನುಷ್ಠಾನವನ್ನು ಪ್ರಶ್ನಿಸಿ ಸಂವಿಧಾನದ 131 ನೇ ವಿಧಿ ಅನ್ವಯ ಕೇರಳವು ಸುಪ್ರೀಂ ಕೋರ್ಟ್ ಅನ್ನು ಸಲ್ಲಿಸಿತು, ಆದರೆ ಪಂಜಾಬ್ ಎನ್ಪಿಆರ್ ರೂಪಕ್ಕೆ ತಿದ್ದುಪಡಿ ಮಾಡಲು ಪ್ರಯತ್ನಿಸಿತು.
ಪೌರತ್ವ ತಿದ್ದುಪಡಿ ಕಾಯ್ದೆ ಮತ್ತು ಎನ್‌ಆರ್‌ಸಿಯನ್ನು ಇಡೀ ದೇಶದಲ್ಲಿ ಜಾರಿಗೆ ತರಲು ಸಾಧ್ಯವಿಲ್ಲ ಎಂದು ನಾನು ಹಲವಾರು ಬಾರಿ ಹೇಳಿದ್ದೇನೆ, ಏಕೆಂದರೆ ಇವು ಅಪ್ರಾಯೋಗಿಕ. ವಿರೋಧ ಪಕ್ಷಗಳ ಪ್ರತಿಭಟನೆ ಮತ್ತು ಸಲಹೆಯ ಹೊರತಾಗಿಯೂ, ಸಿಎಬಿ ಬಹುಮತದ ದುರಹಂಕಾರದಿಂದಾಗಿ ಒಂದು ಕಾಯಿದೆಯಾಯಿತು ಆದರೆ ಎಲ್ಲಾ ಸಮುದಾಯದ ವಿದ್ಯಾರ್ಥಿಗಳು ಮತ್ತು ಯುವಕರು ಇಂದು ಏಕೆ ಬೀದಿಗಿಳಿಯುತ್ತಿದ್ದಾರೆ? ಎಂದು ಸಿಎಂ ಗೆಹಲೋಟ್ ಪ್ರಶ್ನಿಸಿದ್ದಾರೆ
